Sɛɡla 1:11 - mzwDBL

¹¹ Dɛ ba ŋɔ he be ŋɔ, “Ba ya ka nyin nɛn kpo, kɛɛ ya ka teŋe ŋwɛnɛ, dɛ́ kpo nɛn ne o tepoŋ pɛɛ,

Sɛɡla 1:11 Iomraidhean Croise

Yela 17:12

Ba do kɛŋɔ nyujente lɔr aa dɛ kpoo, wɛɛ nyin ol dɛ́ lawɛ, dɛɛ nyin mɛ dɛ́ toɡri n ola.

Yela 35:7

N ta ban wobɛlbwa ɛɛ ba har mɛ bel, dɛ forɛ bɔluŋ, dɛ́ laɡ mɛ.

Yela 56:6

Ba pɛ nyoa ka sɔh, dɛɛ nyiŋi wobɛlbwa maa dɛ ɛ, ba siwi beɡre n kpoe wa.

Sɛɡla 1:16

ba ɡbaŋre wechɔɡa ɛɛ ta, baa won ba te lawɛ nɛŋkpoa ta.

Sɛɡla 1:18

Nɛn waa do ɡɛ la dɛ harɛ o te bel, o dɛ nyin o ɡbaɡba seo!

Sɛɡla 12:6

Nɛnchɔɡe wobol do kɛŋɔ nɛn aa sɔah dɛɛ nyin o dɔŋ dɛ́ kpo, kɛ nɛn o wa aa toɡra wobol dɛ́ lɛ nɛra.

Sɛɡla 24:15

Bɛ he te ɛ kɛŋɔ nɛnchɔɡa yon vɔrɔwe vɔrɔwa, dɛ́ ka bar nɛndɛɛɡa deremi cheme, dɛ́ ŋwɛɛ ba la.

Sɛɡla 29:24

He ne ŋwɛɛ dɛ bɔ aa, he ta he nyu, he bol kasinteŋ kɔɔto aa, ba dɛ tɛr he deŋne, he ta kasinteŋ bolɛ aa, Korowii dɛ taahne.

Sɛɡla 30:14

Nɛra bane dɔ kpeɡri dɛ kpɔ dɛɛ fiiɡi nyaara ne nɛŋɡwɛɡra, dɛɛ lɛ kwa, a ɛ ŋwɛnɛ baa kpɔa so, dɛ́ chɔɡ ba le nɛra bini.

Jeremia 11:19

Dɛ n do kɛŋɔ pebie waa pwɛra ba lawɔ dɛɛ kaa kpobɔr ken. N ta jemɛ kɛŋɔ ba dɛ vɔrɔwe n bwara wechɔɡa ŋɔ, “Hé ɡel ya kpo Jeremia ɡɛ ba yon chɔɡ daa ne o nɔna bwa la, dɛ́ kpoo le harɛ nɔ ta, ásɛ o sɔn den he kwaraa.”

Jeremia 5:26

Wechɔɡ-ɛɛra soɡe n nɛra bini, dɛ chɔ dɛɛ kpa kɛŋɔ nɛra yon harɛ bela dɛɛ lawɛ jumbii, ne bela baa hara dɛɛ lawɛ nɛra ken.

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Amanesoma Jɔn Aa Chwera Tɔn 15:25

Anɔ ɛ ɡɛ ásɛ waa baa chwera Korowii Tɔn bini la ɛ kpela kɛŋɔ, ‘Ba hah mɛ pɛɛ.’

We-ɛɛla 23:15

Anomanta, hé ne Juu tena nomonome baa dɛ bol waa la tomɛ nɛn soojanomonjen la be ŋɔ ó le Pɔɔl tɛ heya, á do kɛŋɔ haa dɛ nyin he kwaa nyiŋi o waa bini kɛrɛdɛ la. Ba dɛ ba o ne naa, waa bonɔɔ tel ya te kpoo.”

We-ɛɛla 25:3

ó cha ba dɛ́ ba Pɔɔl ne Jerusalam ba tɛɛ ba. Dɛ ba dɔɔ vɔrɔwe cheɡ kɛ dɛ ba dɛ ba Pɔɔl ne naa, nɛ́ra ba sɔh ŋwɛnɛ ta dɛ́ kpoo.