Rut Tɔn 4:6 - mzwDBL

⁶ Belaa baa la chaŋe ŋɔ, “Mɛɛ yawɔɔ n bii aa harɛ la kpeɡrii ba dɔ tenaa, maa won. Hɛɛ wonoo waa, he yawɛ.”

Rut Tɔn 4:6 Iomraidhean Croise

Mumpar 38:8

Anee Juda ŋɔ Onan be ŋɔ, “Kpɔ he dɔɔ haah mo, dɛ́ lolɛ bii tɛo o mun bɛ he.”

Lewi Dea Tena 25:25

Dɛ he bini bɛl nyao dɛɛ yoɡ o kondɔɔh kon bɛl aa, o lole tenten lɛ yawɛ.

Mmarare 25:7

Dɛ a balɔ kɛŋɔ jaa la aa sewa la nime kɛɛ o dɔɔ ŋɔ waa haah laanee mo aa, haah la kpɔ kaa bwɛɛ la doonyoa ka bil bwɛɛ la nomonome sie dɛ́ ŋɔ, ‘N jaa nime kɛɛ o dɔɔ ŋɔ waa men mo, ásɛ n jabene la sɔn ka Israel harɛ nɔ ta. Waa nyin kɛ o ɛɛ mɛ dɔɔ kɛɛ nime haah we-ɛɛla.’

Mmarare 25:8

Ásɛ nomonome la yerɛ baa la dɛ́ bol waa baɡlo. Dɛ o ta cheɡɔ ŋɔ, waa on nyin aa,

Mmarare 25:9

haah la laa ɡɛ baa la naŋɡawa beŋkpoŋ foo nomonome la sie ta bela, dɛ́ ta nentane ta o sie ta dɛ́ ŋɔ, ‘Anɔɔ ba kpɔ dɛɛ ɛ baa waa wola nyin kɛ o dɔɔ kɛɛ nime dɔ dwee.’

Rut Tɔn 2:20

Naomi ŋɔ, “Korowiirii dɛ́ kwaa Boas kwaa tɛo. N nao kɛŋɔ Korowii ta teŋɔ dɛɛ nyin weera ne serewa.” Dɛ berɛ ŋɔ, “A ɡɛ baa la ɛ ya lole tenten. O ɛ nɛra baa chɛ kɛŋɔ báa nyiŋi ya nɛɛ la bini bɛl.”

Rut Tɔn 3:13

Chɔ n be bonɔ jwaana nɔ ne, ásɛ tɔɔ perɔ chɔɔ aa, ya na kɛŋɔ wɛɛ moe kɛɛ waa hen moɔ. O sɛoh ŋɔ wɛɛ kpɔe yaa, a fe wer kohona. Kɛ dɛ o ta sɛɛh yaa, n ŋwɛɛ Korowii waa lole saŋ bɛlbwa kɛŋɔ mɛɛ kpɔe. He te chɔ bonɔ ka tel kere chɔɔ.”

Rut Tɔn 3:9

Anee o bɔɔ ŋɔ, “Umee nɔɔ?” Asɛ Rut chaŋe ŋɔ, “Menee he bitolo Rut. Haa ɛ n lole tenten nɔ, paɡri he yal la pera bɔle n nɛ.”