Rut Tɔn 4:10 - mzwDBL

¹⁰ N berɔ dɔ Maalɔn luhaah Rut la ó ɛ n haah, ásɛ ya won lolɛ bie, dɛ́ ɡel ya lole waa sewa la sɔn bɛ he dea nɔ ta. Fini a ɛ he bwa siwi ta wa.”

Rut Tɔn 4:10 Iomraidhean Croise

Mumpar 29:27

Gel hanfalwaa nɔ yawanyoa ba kaa, ásɛ n kpɔ Rakɛl ɡe tɛɛ. Dɛ hɛɛ berɔ tom mɛ bene anuanɛ jaa.”

Mumpar 38:9

Dɛ Onan jemɔ kɛŋɔ a ɡɛ bii la aa won ɛ o kwa, anomanta, o ne haah la chɔɔ waa, o bane aa dɛ ba la, ɡɛɛ o ɡel a ba ta harɛ, ásɛ o bɛ won kpoŋe tea, dɛ́ lolɛ bii ba ɛ o dɔɔ kwa.

Yela 109:15

N Naa Korowiirii dɛ́ lii ba wechɔɡa saŋ bɛlbwa, dɛ́ ɡel nomɛlbwa bɛ ba waa lii harɛ nɔ ta kpa.

Yela 34:16

Kɛ wechɔɡ-ɛɛra te, o kii ba, ba sewaa, baa ba waa lii kpa.

Sɛɡla 18:22

He dɔ haah naa, dɛ he dɔ kondɛɛɡe, a dɛ baɡle kɛ Korowii chae.

Sɛɡla 19:14

Dem ne suuɡaa baa ne o haah sewɛ dɛɛ ɡel o bii, kɛ handɛɛɡe te, Korowiirii dɛɛ tɛ.

Aesaya 48:19

He naanar fe ɛɛ warɔ kɛŋɔ mpo nyoa hɛŋle ken. N fe nyiŋ ba kɛrɛdɛ ba dɔma bɛ won chɔɡ ba, ásɛ ba sɔn bɛ he.”

Hosia 12:12

Ya nabaa Jekɔb chwao kaa Mɛsopoteemea harɛ ta. Waa dɛ nyin haah dɛ́ mo la, o kaa teɡɛ baa bɛl peera.

Hosia 3:2

Anomanta, suuɡapoŋa fi dɛ anue, dɛ mea a tɔɡre aa ɛ kilore lafa fifraanuee n kpɔ ka lɛo.

Sekaria 13:2

Mɛɛ le voɡa aa lɔ harɛ la ta la nee awola, baa wola a sɔnaa lii kpa. Mɛɛ le keame nyosonteŋna la nee, ásɛ dɛ ɡel ba pɛla le voɡa toma ta.

Malakae 2:14

He dɛ bɔɔ ŋɔ, ‘Ɛrɛ waa Korowii vɛh yaa nɔɔ?’ A kaa ɛ kɛŋɔ he ne he bonɔɔne saŋ haah Korowii aa ɛ danseɛ a ta ken, dɛkalkɛ he chɔɡ fɔo haa ŋwɛɛra Korowii sie ŋɔ o ɛ he haah la.

Ɛfesos 5:25

Baala, hɛ́ɛ nyin he haahna kɛrɛdɛ kɛŋɔ ɡɛ Yeesu Kristo aa dɛ nyin asɔre tena dɛ koh ba waa sewɛ la.

Mmarare 25:6

Biloɡle haah la aa lolɔ la, hé kpɔ o jaa la aa sewa la sɔn pa bie la, ásɛ baa la sɔn bɛ Israel harɛ ta he.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

Josua 7:9

Keenan tena ne nɛra baa lɔ harɛ la ta bwa ɛɛ no waa nɔɔ, dɛ́ ba bar yaa, dɛ́ kpoo yaa, dɛ́ ɡel ya sɔn nyoɡre harɛ nɔ ta. Ɛrɛɛ nɛra ɛɛ ba ɛɛ dɛ́ jemɛ kɛŋɔ he sɔn kan ɔ?”

Rut Tɔn 4:9

Belaa Boas bol nomonome ne nɛra baa cheme bela la bwa no kɛŋɔ, “Heyaa ɛɛ mɛ danseɛ fini tɔpere nɔ, kɛŋɔ n yawɛ Ɛlemɛlɛk komɛlbwa ne o bibaala Keleɔn ne Maalɔn kwaa bwa le Naomi be.