Rut Tɔn 4:1 - mzwDBL

¹ Boas la bwɛɛ la doonyoa baa soɡa dɛɛ kpɔ liire la, dɛ ka so bela. Belaa baa la Boas fa aa ŋɔa on tɔ sie o ɡe teŋɛ dɛ dɔ Rut nyiŋa la den baa kaa, asɛ o yerɔ dɛ ŋɔ, “N dam, ba so n be bonɔ tama.” Asɛ o ɡe la dɛ ka so o be bela.

Rut Tɔn 4:1 Iomraidhean Croise

Mumpar 19:1

Nyundua toroma la tel Sodom jɔmɔrane. Dɛ Lɔt soɡe bwɛjen la doonyoa baa cheɡɛ o ta dɛɛ jo la ta. Waa na ba la, o iro dɛɛ chem ba, asɛ dɛ ba harɛ dɛ kpɔ sie pi harɛ dɛ ŋɔ,

Mumpar 23:10

Anee Efron chaŋe Abraham o bala Hiti tena baa soɡe bwɛɛ la doonyoa la sie dɛ ŋɔ,

Mumpar 34:20

Kooro Hamɔ ne o bie Sɛkem la ba bwɛɛ la doonyoa baa soɡa dɛɛ bol waa la, dɛ ka cheme bwɛɛ la tena dɛ ŋɔ,

2 Samoɛl 15:2

Absalɔm yon fel ir chɔmbibi, dɛ́ ka che ŋwɛnɛ waa chɔa kaa bwɛjen la doonyoa la keŋkeŋ. Dɛ nomɛl ba waa ne dɛɛ nyin kooro nyiŋi a ta tɛo waa, o yon yerɛ naate dɛ́ bɔɔro bela waa lea. Dɛ naate chaŋo ŋɔ o le Israel deene la bɛl bini naa,

2 Webena 18:9

Dɛ Israel Kooro Ahab ne Juda Kooro Jehosafat do ba koolaala, dɛ so ba kookane ta, pɛla bɛl waa bɛne bwɛjen Samaria doonyoa, asɛ Korowii keamere la bwa che ba sie, dɛɛ bol waa baa naa ba be.

Job Tɔn 29:7

Dɛ n dɛ la bwɛjen la doonyojen la ta, dɛ́ ka so bela nomonome bwa aa dɛ so la,

Job Tɔn 31:21

kɛɛ dɛ n aah bilalbie dɛ fiiɡu, jema maa jema kɛŋɔ mɛɛ di bole kɔɔto la waa yaa,

Yela 69:12

Ba dɛ bol n waa fɔɡbaahna, sennyɔdɛɛra kpɔ mɛ dɛɛ ɡo yela.

Sɛɡla 31:23

O jaa ɡe soɡe bwɛɛ nomonome bini naa, nomɛlbwa dɛ duuru.

Aesaya 55:1

Korowii ŋɔ, “Hé banɔ la nyɔɡre aa dɛ kpo heyaa la, nee lole, hé ba nyɔ! He ta suuɡa dɔe yaa, hé ba, hɛɛ dɔ kondikwaa di pɛɛpɛɛ! Sen ne na-elnee lole, suuɡa ne laa baa yawa, yoɡ ɡe toole a ta!

Jeremia 32:10

N sɛoh dɛ chwerɛ tɔn la, dɛ kpɔ nɔn ɛɡɛ o ta, o che tɛ n ne o fɔo la, asɛ nomɛl di danseɛ asɛ n maɡɛ suuɡapoŋa aa chɛa kɛŋɔ n kpɔ bɔ kem la.

Emɔs 5:15

Hé hah wechɔɡa, dɛ́ nyin wedɛɛɡa, hé ɡel kasinteŋ ɛɛ ɛ toma kɔɔto deene. Nemenɛ Korowii ken ɛɛ sune Josef dea nɛra baa kaa nɛɛ.”

Sekaria 2:6

Korowii berɔ ŋɔ o nɛra be ŋɔ, “Hé ba warane. Hé chwa le weekaŋle nyunduabɔr harɛ la ta ba, dɛkalkɛ menee lɔ heyaa peɡre harɛ nɔ ta bobɛlbwa. Men Korowiirii bola.

Mmarare 16:18

Anee Mosis berɛ ŋɔ, “Bwɛɛ bɛlbwa Korowii aa ka kpɔ heyaa so o ta la, hé le nomonome ne nɛra báa nyiŋi he waa ta dɛ́ɛ bola kasinteŋ ne.

Mmarare 17:5

Hé lawɛ ɡɛ nɛn la le bwɛɛ la dahara, dɛ́ ka foɡro bwea kpo.

Mmarare 21:19

o nya ne o mɛɛ lawɔ la bwɛɛ la nomonome sie bwɛɛ la doonyoa baa soɡa dɛɛ bol waa la.

Mmarare 25:7

Dɛ a balɔ kɛŋɔ jaa la aa sewa la nime kɛɛ o dɔɔ ŋɔ waa haah laanee mo aa, haah la kpɔ kaa bwɛɛ la doonyoa ka bil bwɛɛ la nomonome sie dɛ́ ŋɔ, ‘N jaa nime kɛɛ o dɔɔ ŋɔ waa men mo, ásɛ n jabene la sɔn ka Israel harɛ nɔ ta. Waa nyin kɛ o ɛɛ mɛ dɔɔ kɛɛ nime haah we-ɛɛla.’

Josua 20:4

Dɛ naate chwao dɛɛ kaa bwɛjena la bɛlbwa ta naa, ó ka che o doonyoa, dɛ́ bol ɡɛ waa ɛa baɡle bwɛjena la nomonome, mɔɔ ba den lɛo dɛ́ tɛo bɔr o ne ba so.

Rut Tɔn 3:12

A ɛ kasinteŋ kɛŋɔ ya ɛ lolanar. Kɛ bɛl tɔ n sie mɔɔ n teŋɛ.

Rut Tɔn 3:18

Anee Naomi ŋɔ o be ŋɔ, “N bie, lawɛ bambile dɛ́ na ɡɛ aa ka chiɡ. Dɛ Boas ta waa nɔ sie nae fini naa, o ta ona dɔe.”