Rut Tɔn 3:9 - mzwDBL

⁹ Anee o bɔɔ ŋɔ, “Umee nɔɔ?” Asɛ Rut chaŋe ŋɔ, “Menee he bitolo Rut. Haa ɛ n lole tenten nɔ, paɡri he yal la pera bɔle n nɛ.”

Rut Tɔn 3:9 Iomraidhean Croise

Ɛsekeɛl 16:8

A habɔɔ n berɔ fɛrɛ ba kaa, dɛ na kɛŋɔ namete he kpeɡo kohona kɛŋɔ he yalɛ, asɛ n paɡri n yal nyoa tɔ he nɛ, he ta mumɡbal cheɡɛ kpa. N ŋwɛɛrɔ baɡle asɛ n ne he fɔwɛ fɔo he berɛ n haah. Men Nemenɛ Korowiirii bola.

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

Rut Tɔn 2:20

Naomi ŋɔ, “Korowiirii dɛ́ kwaa Boas kwaa tɛo. N nao kɛŋɔ Korowii ta teŋɔ dɛɛ nyin weera ne serewa.” Dɛ berɛ ŋɔ, “A ɡɛ baa la ɛ ya lole tenten. O ɛ nɛra baa chɛ kɛŋɔ báa nyiŋi ya nɛɛ la bini bɛl.”

Rut Tɔn 3:10

Asɛ Boas ŋɔ, “Korowii tɛɛ hɛɛra. He baɡle he nyina ɡwaa ɡɛ haa ɛa tɛ he helahaah la kwara. Bonɔɔna nɛɛ chɛ kɛ he fe ɛɛ pɛlɛ, hale ba dɔ suuɡa kɛɛ ba nyao. Kɛ he ta an ɡɛ ɛɛ.

Rut Tɔn 3:12

A ɛ kasinteŋ kɛŋɔ ya ɛ lolanar. Kɛ bɛl tɔ n sie mɔɔ n teŋɛ.

Rut Tɔn 3:8

Boas aa chɔa harambaŋa baah ta la, o jarɔ dɛ na kɛŋɔ haah chɔ o naa bɔr.

Rut Tɔn 4:4

mɛɛ nyin kɛ he ɡe jemɛ a wa. Dɛ he ɡbabir dɛ nyin koo la aa, n dɛ nyin kɛŋɔ he den yawɛ ya ne nomonome nɔ bwa sie bonɔ. Dɛ haa nyin ɡe aa, ɡel ya jemɛ, dɛkalkɛ dɛ nomɛlbwa ɛɛ won yawɛ aa, atane o tɔ sie nae mɔɔ ásɛ n ɡe teŋɛ.” Anee o sɛh ŋɔ “Mɛɛ yawɔɔ.”

Rut Tɔn 4:6

Belaa baa la chaŋe ŋɔ, “Mɛɛ yawɔɔ n bii aa harɛ la kpeɡrii ba dɔ tenaa, maa won. Hɛɛ wonoo waa, he yawɛ.”

1 Samoɛl 25:41

Ate, o ɡuŋi dɛ kpɔ sie pi harɛ dɛ ŋɔ, “O toloo men, mɛɛ tomɔɔ dɛɛ sarame o bonɔɔna nakpale.”