Rut Tɔn 3:7 - mzwDBL

⁷ Boas aa di kondikwaa la dɛ nyɔ sen o sie lɛ la, o kaa chɔ mea baa boa a nyoa bil la jwɛh. Asɛ Rut ɛ bɔeeh dɛ ka laa yal kpɔ o nakpale ta dɛ chɔ bela.

Rut Tɔn 3:7 Iomraidhean Croise

Mumpar 43:34

Ba kpɔ Josef kondikwaa la ane ba bɔne ba. Ba tɛ Bɛnjamen bɔre anue, dɛ ɡwaa ɡɛ baa tɛ ba kar la. Ba di kondikwaa la dɛ vaɡre, dɛ nyɔ sen lɛ ba sie.

2 Samoɛl 13:28

dɛ ŋɔ o bonɔɔna be ŋɔ, “Hé ɡel he sie do Amnɔn be ɡɛ saŋ waa nyɔ sen dɛ dɛɛ la, mɛɛ lɔ sie he bee, ásɛ he kpoo. Hé te bɛ ɔmɛ. Mɛɛ lɛ wobɛlbwaa dawɛ n nɛ. He bɛ ɔmɛ, dɛ́ che kiŋkiŋ.”

1 Koranar 21:7

Anee Jɛsɛbɛl ŋɔ, “Kenii hɛɛ ba kora dii Israel tena nɛ aa? Ir dɛ ɡel he sie lɛ dɛ di kwa. Mɛɛ lɛ Nabɔt Jesreel te daa koo laanee tɛɛ.”

Ɛsta 1:10

Tɔpenuanɛ wee kooro aa nyɔ sen dɛ dɛɛ la, o yerɛ o bonɔɔna baa fɔɡɛ ba lure baa tomɔ la cheme. Banee, Mehuman ne Bista ne Haabona, ne Biɡta ne Abaɡta ne Sɛta, dɛ Kaakas.

Yela 104:15

dɛ́ dɔ sen nyɔ ba sie lɛ, ne noo baa kpɔ fɔɡle ba siebɔra á do wer, dɛ kondikwa aa tɛɛ ba bokpeɡa ɡe.

Wejereme 10:19

Kondikonjena dii dɛ ba silɛɛ ne, asɛ sen nyɔe ɡee ba hɛɡra ne, kɛ he ta suuɡa dɔe yaa, haa won ɛ a bini bɛlbwa.

Wejereme 2:24

Waa aa wera tɛ nɛwɛnyini bwaa kɛŋɔ, o di kondikwa dɛ́ nyɔ sen lɛ o sie, ásɛ o bwara sɔɔhno o toma waa ɛa ta. Anɔ ɡe kwaraa la, Korowii bee aa le,

Wejereme 8:15

Anomanta, n liiree kɛŋɔ a wer kɛ nɛwɛnyini di kondikwaa dɛ́ nyɔ sen lɛ o sie harɛ nɔ ta. Gɛɛ dɛ́ ɡel o dɔ silɛɛ o toma ne o tɔpera Korowii aa kpɔa tɛo o so harɛ nɔ ta bwa.

Wejereme 9:7

Kaa ka di kondikwaa dɛ́ nyɔ sen silɛɛ ne, kɛ taraken Korowii sie dɛ lɛ waa haa dɛ ɛ ta.

1 Kɔrent 10:31

Anomanta, wobɛlbwaa hɛɛ ɛ oo, kwaa hɛɛ di oo, komɛlbwaa hɛɛ nyɔ oo, hé ɛ dɛ́ kpɔ jirima dɛɛ tɛ Korowii.

Ɛfesos 5:18

He bɛ sen nyɔ kohona dɛɛ dɛɛ. Gɛ dɛ chɔɡ nɛn. Kɛ hé ɡel Korowii Domadɛɛɡe la so he nɛɛ kɛrɛdɛ,

Sitɔɔla 16:25

Ba sie lɛo kohona, ba moo ŋɔ, “Hé ba Samsen ne ó ba lɛ ya sie.” Anomanta, ba kaa lawɔ le dea baa doo la bini, ó ba ɛ ɡɛ baa dɛ nyin bwa tɛɛ ba. Ba kpɔɔ ka che pilare ane baah ta,

Sitɔɔla 19:22

Baa dɛ lɛ ba sie la, nɛnchɔɡa bane baa lɔ bwɛɛ la ta baa bar dem la cheme, dɛɛ lɔ dem la doonyoa ɡbera la, dɛɛ kɔɡre dem te la ŋɔ, “Le baa la waa ba he dem bonɔ la ne tɛ yaa yá lawɔ ka chɔ kɛ baa ne haah.”

Sitɔɔla 19:6

Anomanta, baala banɛ la soɡo dɛ pɛ di kwaa la. A habɔɔ la, haah la mɛɛ berɔ ŋɔ baa la be ŋɔ, “N dɛ soŋe, lɛ he sie dɛ chɔ.”

Sitɔɔla 19:9

Baa la ne o sɛno la ne bonɔɔ la aa ira dɛɛ ba kaala la, haah la mɛɛ ŋɔ ba be ja ŋɔ, “Taraken bɔr joɔ tonɛ, so lɛ he sie dɛ chɔ, ásɛ kere chɔmbibii, hé chiɡ ŋwɛnɛ ta kaa.”

Rut Tɔn 3:6

Anomanta, o la pɛla la ta jwaana la ne la, asɛ dɛ ka ɛ ɡɛ Naomi aa baɡlo la.

Rut Tɔn 3:8

Boas aa chɔa harambaŋa baah ta la, o jarɔ dɛ na kɛŋɔ haah chɔ o naa bɔr.