Rut Tɔn 3:1 - mzwDBL

¹ Awola bɛl, Naomi ŋɔ Rut be ŋɔ, “N bie, a chɛ kɛ ń nyin jaa tɛɛ ásɛ he ne ó so.

Rut Tɔn 3:1 Iomraidhean Croise

Mumpar 40:14

Kɛ dɛ wobɛlbwa ba dɛ kaa kɛrɛdɛ dɛɛ tɛɛ naa, lii n wa. Berɛ takapɔ na n sum, dɛ́ bol n waa baɡle kooro, ásɛ o lee mɛ dea maa chɔa nɔ.

Yela 128:2

Naate ɛɛ di o koeh tɔnɔɔ, dɛ́ na som o wobɛlbwa do wer tɛo.

1 Kɔrent 7:36

Dɛ baa bɛlbwa dɔ o bihaah waa kpeɡa ne yala, o ŋɔ waa ɡel o yalɛ, dɛ berɛ na kɛŋɔ a wer kɛŋɔ bie la yalaa, ó ɛ ɡɛ bwa waa dɛ nyin. Ó ɡel o yalɛ. A ta wechɔɡa ɛɛ.

Mmarare 4:40

Hɛ́ɛ teŋɛ o Mmarare bwa maa dɛ bol he be fini nɔ ta, ásɛ a do wer tɛ he ne he bii ne naanar baa ka ba, ásɛ he won so harɛ waa kpɔa dɛɛ ba heyaa tɛɛ la ta saŋ bɛlbwa.”

1 Timoti 5:14

Anomanta, dɛ luhaahna ba taa ɛ toli la yalɔ dɛ loɡle bii, dɛ won ba deremi ta nyiŋa, ɡɛ aa ɛ ásɛ ya dɔma bɛ wedoŋa bɛlbwa dɔ bol yaɡɛ yaa aa, ɡɛɛ n fe ɛɛ nyin.

1 Timoti 5:8

Dɛ nomɛl lole, waa o nya ne o mɛɛ kɛɛ o dem tena nyiŋi aa, naate Korowii toma ɛ pɛɛ. Naate waa wola Korowii yarada ɡba bɔɔ.

Rut Tɔn 1:9

Korowiirii dɛ́ cha heya, ásɛ bɛlbwa berɛ dɔ jaa dɛ́ dɔ bodɛɛɡe so.” Belaa o ka mo ba lwɛɛma dɛ kal ba. Asɛ ba pa mun dɛɛ wi,

Rut Tɔn 2:23

Gɛɛ a do o ne ba ɛ toma asɛ o kuuh mea la ka tel saŋ baa koma tonɛ. Asɛ o so o helahaah be.

Rut Tɔn 3:2

Baa n liire aa lɔ o nɛɛ laanee Boas he ne o toli aa pɛa dɛɛ ɛ toma la, o ɛ ya lole. Fini jwaana nɔ ne o dɛ ba mea lɔe.