Rut Tɔn 2:4 - mzwDBL

⁴ Baa lɔ bela la, Boas le dem ba, dɛ ba jam tom-ɛɛra la, dɛ ŋɔ, “Hé jam ne ɛɛ. Korowii dɛ kwaa he kwa.” Asɛ ba ɡe sɛh ŋɔ, “Korowii tɛɛ hɛɛra.”

Rut Tɔn 2:4 Iomraidhean Croise

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

Mumpar 28:3

Kórowii Waa ɛ Kpeɡri Bwa Dɔɔ la che he mun ta, dɛ́ swee andɛɛɡa tɛɛ he hahmor ta, ásɛ he lolɛ bii kohona á che a ta he ɛ harɛre nɛra ɡalɡa naa.

1 Webena 2:51

o binɛɛte sɔne Salma, onee vɔrɔwe Bɛtlɛham. Bitoorote ɡe sɔne Harɛf, o ɡee vɔrɔwe Bɛt Gada.

Yela 118:26

Korowii swee naate waa valɛ o sɔn ta dɛɛ ba nɔ andɛɛɡa. Ya cheɡɛ Korowii Dea dɛɛ sweere andɛɛɡa.

Yela 134:3

Korowii waa ta nyundua ne harɛ la, ó le Saayɔn dɛ́ swee heyaa andɛɛɡa.

Jeremia 31:23

Koranar Bwa Kooro, Israel tena aa dɛ tomɔ la ŋɔ, “N berɔ lawɛ Juda tena ɡe ba ba harɛ ta naa, baa dɛɛ bol Juda harɛ ne o bwɛɛre taa ŋɔ, ‘Korowii swee Saayɔn Bwejen waa lɔ Jerusalam boɡoroŋ bela o Dea aa lole la andɛɛɡa.’

Nɛra Kura 6:24

“Kórowii kwaa he kwa, dɛ́ kpɔ nɔn tɔ he nɛ.

Amanesoma Luk Aa Chwera Tɔn 1:28

Nyundua torome la ba Mɛɛre be dɛ ba ŋɔ, “Korowii nɛnnyini, jam. N Naa Korowii cheɡɛ he habɔɔ.”

2 Tesalonika 3:16

Ya Dɔɔ Yeesu Kristo la ɡbaɡba waa dɔ bambisɔn kɛrɛdɛ la, ó tɛ heyaa bambisɔn saŋ bɛlbwa, wobɛlbwa ta, dɛ ja he bwa nɛ.

1 Timoti 6:2

Nɛndɔɔla ba ne ba dɔɔranar bwa aa dɛ yarada Yeesu la bɛ koh kɛ ba ne ba bwa ɛ beŋkpoŋ nomanta, ba siwi ɛɛ sa ba. Ba tenee chɛ kɛ bá tomɛ ba dɔɔranar kɛrɛdɛ kwara, dɛkalkɛ ba dɔɔranar la bwa ɡe yarada Yeesu dɛɛ nyin dɔŋa. Bol ɡɛ waa nɔ baɡ ba, dɛ́ chaɡ ba a bini.

2 Timoti 4:22

Yá Dɔɔ ja he nɛ. Ń Naa Korowii sune he nɛ dɛ́ cha he bwa sekwaraa.

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”

Sitɔɔla 6:12

Korowii nyundua torome la kpɔ o te baɡle Gedeɔn, dɛ ŋɔ o be ŋɔ, “Banyoo, Korowii ja he nɛ.”

Sitɔɔla 6:16

Asɛ Korowii ŋɔ, “Mɛɛ ja he nɛɛ ásɛ he kpoo Midian tena bwa, kɛŋɔ haa yo nɛmbeŋkpoŋ ken.”

Rut Tɔn 2:3

Anomanta, o la koo bɛl ta, dɛ ka teŋɛ tom-ɛɛra nɛ dɛɛ kuuh mea la. Jaah dɛ Ɛlemɛlɛk lole Boas koo taa.

Rut Tɔn 2:5

Belaa o bɔɔ tom-ɛɛra la nomoa ŋɔ, “Tolo besoo ɡee lɔ bela nɔɔ?”

Rut Tɔn 4:11

Belaa nomonome la ne nɛra baa lɔ doonyoa bela la sɛh ŋɔ, “Ɔɔh, ya bwa ɛ danseɛ tena. Korowiirii dɛ́ ɡel he haah nɔ waa dɛ ba he be bala nɔ do kɛŋɔ Rakɛl ne Lea baa lolɛ bii kohona, dɛ vɔrɔwe Israel la. Korowii ɡel he dɔ chebɔr Efrat baa bera dɛɛ yerɔ Bɛtlɛham la,

1 Samoɛl 17:37

Korowii waa lɛɛ mɛ le nyujente ne sisire nɔn ta la, wɛɛ lɛɛ mɛ le Filisti te nɔ nɔn ta.” Ate, Kooro Sɔɔl ŋɔ Devid be ŋɔ, “Kaa, Korowii ja he nɛ.”