Rut Tɔn 2:12 - mzwDBL

¹² Korowiirii dɛ́ tɛɛ he kembɔr he waa la haa ɛa la wa. Korowii Israel tena aa dɛ tomɔ he chwa ba marɔ nɔ, ó tɔ he nɛ kɛ jal yon kpɔ kena tɔ o bii nɛɛ la, dɛ́ kwaa he kwaa tɛɛ kohona.”

Rut Tɔn 2:12 Iomraidhean Croise

Yela 17:8

Tɔ mɛ ɡbemɡbe kɛŋɔ, haa dɛ tɔ n siwinyiŋi ta la, kpɔ mɛ sɔh he kena lɔɡre kɛŋɔ, jal yon lawɛ o bii do lɔɡa la ken.

Yela 19:11

A cheɡɛ a ta men maa ɛ he torome ɛɛ dɔ wejema, dɛɛ dɔ kembɔr a ta teŋa ta.

Yela 36:7

Na ɡɛ he nyina aa wola jaɡa dɔe aa wera! He kena lɔɡree ya chwa baa sɔh, kɛŋɔ jal yon lawɛ o bii, do o kena lɔɡre la.

Yela 57:1

N Naa Korowii, na n sum, dɛkalkɛ henee n chwa baa marɛ dɛ dɔ bosɔɔhna. He lɔɡaa n chwa baa sɔh, kɛŋɔ jal yon lawɛ o bii do o kena lɔɡre, ka tel saŋ harɛ chɔɡa aa baa kaa.

Yela 58:11

Belaa nɛra ɛɛ ba ŋɔe ŋɔ, “Kasinteŋ, nɛra ba wa aa toɡra dɔ ba kembɔr, Korowii lole kpela, dɛ bol nɛra waa dɛɛ pa bole, harɛ nɔ ta.”

Yela 61:4

Gel n so he Dea bela saŋ bɛlbwa dɛɛ la, laɡ mɛ sɔh he lɔɡa, kɛŋɔ jal yon lawɛ o bii do o kena lɔɡre la.

Yela 63:7

dɛkalkɛŋɔ henee dɛɛ cha mɛ, he lɔɡaa n chwa baa sɔh, kɛŋɔ jal yon lawɛ o bii do lɔɡa la, mɛɛ ɡo silɛɛ yela.

Yela 91:4

Wɛɛ tɔ he nɛɛ kɛŋɔ jal yon lawɛ o bii do o kena lɔɡre la ken. Wɛɛ nyiŋi he nɛɛ he dɔ bosɔɔhna, dɛ́ che o kasinteŋ ta nyiŋi, dɛ́ tɔe ɡbemɡbe.

Sɛɡla 11:18

Wechɔɡ-ɛɛ koeh aa tɔnɔ bɛlbwaa dɔ tɛo, nɛn o wa aa toɡra dɛ́ dɔ kɛrɛdɛ.

Sɛɡla 23:18

Wedɛɛɡa ane chɔ le kerekere dɛ tɛɛ, he hwɛɡa aa pɛɛ ta bwa.

Jeremia 31:16

Kenii Korowii ɛɛ bol, “Hé ɡel wii haa dɛ wi la, dɛ́ fee he siniire. Anɔ la haa ɛa tɛ he bii aa pɛɛ ɛɛ ba, hɛɛ dɔ a kembɔree, ba bwa ɛɛ berɔɔ le ba dɔma harɛ taa ba.

Matiu 23:37

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Matiu 5:12

Hé ɡel he sie lɛ kohona, dɛkalkɛ he kembɔr kan taeh Korowii be. Gɛɛ ba kpɔ ɛ Korowii keamere baa tɔ sie la.

Matiu 6:1

Yeesu berɔ ŋɔ, “Hé nyiŋi kɛrɛdɛ dɛɛ berɛ he wedɛɛɡa ɛɛ nɛwɛnyini sie ta, ásɛ baa kpɛɛ heya. Dɛ he dɛ ɛ he wedɛɛɡa nɛwɛnyini sie ta naa, hɛɛ paŋɛ he kembɔree he Mɛɛ waa lɔ nyundua la sie.

Amanesoma Luk Aa Chwera Tɔn 6:35

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

Kolosi 2:18

Dɛ nomɛlbwa dɛ pwah heyaa ŋɔ haa ɡɛ waa teŋe nyosone ŋɔ pwɛraa wɛɛ pwɛr o te dɛɛ tomɛ nyundua toroma la ta teŋaa, he bɛ on dawɛ. Gɛ nɛn nɔ dɛ maŋkura o te kɛŋɔ o dɛ na waa deera ta, dɛɛ yerɛ o te nɛnjen, kɛ pɛɛpɛɛ. Nɛwɛnyini liire taa wɛɛ teŋɛ,

2 Timoti 1:18

Ya Dɔɔ laanee dɛ na o sum o bala tɔpere la ta. Henee jemɛ koeh damanta waa koh n nɛɛ Ɛfesos.

2 Timoti 4:8

Kon waa ka mɛ taraken laanee kompoŋ Korowii aa dɛ́ ba nɛndɛɛɡa baa yoa le, ba waa su o siwi la vɔwa. N Dɔɔ waa kpɔ kasinteŋ bol waa dɛɛ pa bole laanee dɛɛ ba n tɛɛ, awola waa ba bol nɛra bwa waa dɛ́ pa bole la. N ɡbo laa dɛɛ ba ɡɛ kembɔr la dɔe. Nɛra baa dɛ pɛlɛ o nɛɛ dɛɛ nyiŋu ŋwɛnɛ la bwa ɛɛ dɔɔ.

Hibru 11:26

O nyiŋi sihiih waa koh Kristo waa dɛ di la kɛŋɔ a wer o be dɛ ɡwaa kondɔɔhkwaa a fa aa lɔ Ijipt harɛ la, dɛkalkɛŋɔ dɛ o dɛ nyiŋi tɔpere la Korowii aa ba bɔ nɛra bwa kem la ŋwɛnɛ.

Hibru 11:6

Nɛn ta yarada dɔe yaa, o waa aa won lɛ Korowii sie. Nomɛlbwa waa ba Korowii be la, a chɛ kɛ o dɔ yarada kɛŋɔ Korowii lole, dɛ́ yarada kɛŋɔ nomɛlbwa waa dɛ nyin o jemɛ Korowii la, Korowii dɛ chao.

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

Rut Tɔn 1:16

Asɛ Rut chaŋo ŋɔ, “Bɛ n be ŋɔ n ɡele. Bobɛlbwa haa kaa ne bela haa so la, n ɡee so belaa. Mɛɛ kpɔ he nɛraa ɛ n nɛra, ásɛ Korowii haa dɛ tomɔ la, ń ɡee tomɔ.

Rut Tɔn 2:11

Asɛ Boas chaŋe ŋɔ, “He jaa seo habɔɔ la, n no waa bwa haa ɛa dɛ tɛ he helahaah. N no ɡɛ haa ɡel he nya ne he mɛɛ, ne harɛ haa le o ta, dɛ ba so nɛra haa wola ban jemɛ bwa bini nɔ.

Rut Tɔn 2:13

Anee Rut ŋɔ, “N dɔɔ, a lole kɛŋɔ n ta he tom-ɛɛra la bɛl ɛɛ te, kɛ he nyin n waa kohona, dɛ larawe n bwara ɡe.”

Rut Tɔn 4:15

Wɛɛ tɛɛ silɛɛ, ásɛ dɛ lawɛ kpoŋe he hwɛɛhra bini. Dɛkalkɛ Rut waa dɛ nyini lolɛ bibeŋkpoŋ ɡwaa he be kɛŋɔ he fe aa lolɛ bibaala banuanɛ.”

1 Samoɛl 24:19

Dɛ nɛn dɔ o dɔm aa, o ɡelo wɛɛ kaa pɛɛpɛɛ aa? Korowiirii dɛ́ chae kohona wedɛɛɡa haa ɛa dɛ ɡel n kpoe nɔ wa.

1 Samoɛl 24:20

N jemɔ kɛrɛdɛ kɛŋɔ henee dɛ́ di kora Israel harɛ, dɛ harɛ la ɛɛ cheo kɛrɛdɛ naa, he bee aa ba lee.