Rut Tɔn 1:20 - mzwDBL

²⁰ Asɛ o chaŋe ŋɔ, “He bɛ men Naomi yerɛ. Hɛɛ yer mɛ Mara dɛkalkɛ Korowii Waa Ɛ Kpeɡri Bwa Dɔɔ ta ɡelɛ n sie lɛ n soɡa bini.

Rut Tɔn 1:20 Iomraidhean Croise

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Mumpar 43:14

Kórowii Waa Ɛ Kpeɡri Bwa Dɔɔ la ja he nɛɛ dɛ́ ɡel nomoa la na he sum, dɛ́ kpɔ Simeon ne Bɛnjamen tɛ heya he ba tɛ mɛ. Dɛ baa le n nɔn taa yaa, ba den le n nɔn ta.”

Job Tɔn 11:7

Hɛɛ won jemɛ Korowii waa nyoa aa? Korowii Waa Ɛ Kpeɡri Bwa Dɔɔ la kpeɡri waa dɔa la, hɛɛ won no a mun aa?

Job Tɔn 19:6

Hé jemɛ kɛŋɔ Korowiirii ɡela wenaale nɔ ba n nɛ, o harɛ bel dɛ laɡ mɛ.

Job Tɔn 5:17

Nomɛlbwa Korowii aa dɛ kaoh la na som, anomanta, dɛ Korowii Waa Ɛ Kpeɡri Bwa Dɔɔ la dɛ toɡre naa, bɛ an wesale lii.

Job Tɔn 6:4

Korowii Waa Ɛ Kpeɡri Bwa Dɔɔ la ta mɛ hɛma, asɛ tɛɛɡa aa lɔ a ta la jooɡe n bini. Korowii kpɔ wenaale aa do ɔma teŋɛ dɔŋa nɛɛ ta n nɛ.

Job Tɔn 9:18

Waa ɡel ń won hwee ɡba, dɛ́ kpɔ suna dii ta n nɛɛ kohona.

Yela 73:14

N Naa Korowii, he ɡelɔ n bwara nyɛɡ mɛ tɔpebir bwa, chɔɔ bɛlbwaa hɛɛ tɛr n deŋne.

Yela 88:15

Le n bechale saŋ bwaa n bwara wee mɛ, a ka tama n sewɛ. N ɡwɛɡrɔ dɛ le deŋnetɛra haa kpɔa ba ta n nɛɛ mɛɛ di suna la wa.

Kaala 15:23

Ba baa tel bobɛl baa yerɔ Mara dɛ na nee bɛl. Ba ta wone nyɔɔ, dɛkalkɛ dɛ o kpeli. Gɛɛ a do baa yerɛ bela Mara. O munii kpeli.

Kaala 6:3

Men kpɔ n te baɡle Abraham ne Aesek dɛ Jekɔb kɛ Menee Kpeɡri Bwa Dɔɔ la. Kɛ n ta ɡelɛ ba jemɛ n sɔn waa do ɡoroŋ la te.

Aesaya 38:13

Jwaana bwaa n kpɔ weweele bini dɛ wi, a do kɛ nyujente aa dɛ paɡre n hoɡa ken. N liiro ŋɔ Korowii fe lɛ me mkpa tonɛ.

Hibru 12:11

Ba dɛ tɛr nɛn deŋne aa, buɡ la ta la, o tea bini dɛ chɔɡ, o sie aa lɛ. Kɛ dɛ o hweli waa name o deŋnetɛra la ta naa, o waa dɛ toɡre, asɛ o bwara ɛɛ sɔɔhno.

Wepila 1:8

Nemenɛ Korowii Waa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, o ŋɔ, “Menee komɛlbwa Mumpar ne a Jaɡa.”

Wepila 21:22

Korowii Dea baa cheme o bini dɛɛ tomɔ toole bela. Korowii Waa Ɛ Kpeɡri Bwa Dɔɔ la ne Pebie laanee cheɡa tɛ dea la.