Rut Tɔn 1:17 - mzwDBL

¹⁷ Bela haa sewɛ laanee n ɡee ba sewa, ásɛ ba huɡ mɛ bela. Dɛ seo laa aa, n ŋwɛɛrɔ kɛŋɔ wobɛlbwa aa won pere ya baah.”

Rut Tɔn 1:17 Iomraidhean Croise

2 Samoɛl 15:21

Anee Itai chaŋe kooro ŋɔ, “N ŋwɛɛ Korowii waa lole saŋ bɛlbwa ne n dɔɔ kooro o ta aa soɡe le kɛŋɔ, bobɛlbwa n dɔɔ kooro aa kaa, dɛ sewee kɛɛ mkpaa yoo, belaa men maa ɛ o bonɔɔ ɡe ɛɛ ba doe.”

2 Samoɛl 19:13

Kooro berɔ ŋɔ ba bɔɔ Amasa ŋɔ, “N lole laa hen ya bwa ɛ nɛmbeŋkpoŋ aa? Le fini dɛɛ kaa dɛ he laa dɛ́ ɛ nomoa dɛ́ chiɡ Joab naa ta, dɛ́ chɔ n laa tena nyoa aa, amɔ te Kórowii tɛr n deŋne kohona.”

2 Samoɛl 3:35

Nɛra la bwa soŋe Kooro Devid ŋɔ ó nyin komɛl do nyoa mɔɔ wee le harɛ. Kɛ o ta sɛɛh dɛ ŋwɛɛ ŋɔ, “Dɛ n kpɔ komɛlbwa do nyoa mɔɔ wee le harɛ naa, Kórowii tɛr n deŋne kohona.”

2 Samoɛl 3:9

N ŋwɛɛrɔ kɛŋɔ dɛ n ta waa Korowii aa baɡɛ Kooro Devid nyoa la ɛɛ tɛo waa, ó tɛr n deŋne kohona,

1 Koranar 13:31

Waa huɡo tonɛ la, o ŋɔ o bibaala be ŋɔ, “Dɛ n baa sewaa, hé huɡ mɛ bela baa huɡe Korowii keame nɔ. Hé kpɔ o hoɡa bil n kwaa jwɛh.

1 Koranar 19:2

Anee o haah la tomɛ torome Elaeja be ŋɔ, “N ŋwɛɛrɔ kɛŋɔ kere saŋ nɔ dɛ n ta hen kpoe kɛŋɔ haa kpoo voɡ tena la aa, voɡare la kpo mɛ.”

1 Koranar 2:23

Ate, Kooro ŋwɛɛ Korowii ŋɔ, “Dɛ Adonija ta o nyu kpɔe bol o wesoŋa nɔ wa aa, Korowii tɛr n deŋne kohona ɡɛ bwa aa chɛa.

1 Koranar 20:10

Belaa Kooro Bɛn Hadad berɛ tomɛ nɛra Kooro Ahab be dɛ ŋɔ, “Dɛ n ta ɡelɛ ba chɔɡ Samaria kwaraa naa, voɡare la tɛr n deŋne kohona.”

2 Koranar 6:31

A habɔɔ, kooro la ŋwɛɛ ŋɔ, “Dɛ n ta Safat bibaa Elaesa nyu teŋe fini naa, Korowii kpo mɛ!”

Yela 45:10

Kooro hanfale, dɛɛ no waa maa dɛ ba bola nɔ, soh he nɛra ne he lolanar wa.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

Rut Tɔn 1:16

Asɛ Rut chaŋo ŋɔ, “Bɛ n be ŋɔ n ɡele. Bobɛlbwa haa kaa ne bela haa so la, n ɡee so belaa. Mɛɛ kpɔ he nɛraa ɛ n nɛra, ásɛ Korowii haa dɛ tomɔ la, ń ɡee tomɔ.

Rut Tɔn 4:15

Wɛɛ tɛɛ silɛɛ, ásɛ dɛ lawɛ kpoŋe he hwɛɛhra bini. Dɛkalkɛ Rut waa dɛ nyini lolɛ bibeŋkpoŋ ɡwaa he be kɛŋɔ he fe aa lolɛ bibaala banuanɛ.”

1 Samoɛl 14:44

Anee Kooro Sɔɔl ŋɔ, “Dɛ hen Jonatan ta sewaa, Korowii bɛ men ɡel.”

1 Samoɛl 20:13

Dɛ n mɛɛ dɛ nyini dɛ́ kpoe naa, n ŋwɛɛrɔ kɛ dɛ n ta he be bolɛ dɛ ɡel he dɔ bɔr chwa aa, Kórowii tɛr n deŋne kohona. Korowiirii dɛ́ ja he nɛɛ ɡɛ waa ja he mɛɛ nɛɛ la.

1 Samoɛl 25:22

Bɔr ne chaahna dɛ n ta baala nɔ bwa kpooraa, Korowii kpo mɛ!”

1 Samoɛl 3:17

Eli bɔɔro ŋɔ, “Bɔkwa waa Korowii bol he be nɔ? Bɛ wobɛlbwa kpɔ sɔɔh mɛ. Dɛ he kpɔ wobɛlbwa Korowii aa bol he be sɔɔh mɛ naa, ó tɛr he deŋne kohona.”