Rut Tɔn 1:15 - mzwDBL

¹⁵ Anee Naomi ŋɔ o be ŋɔ, “Nyiŋi na, he nahaahnee bera dɛɛ kaa o harɛ ta ne ba voɡa bini la. He ɡe ka puu hé kaa.”

Rut Tɔn 1:15 Iomraidhean Croise

2 Koranar 2:2

Baa dɛ kaa la, Elaeja ŋɔ Elaesa be ŋɔ, “So bonɔ, Korowii tom mɛ bwɛɛ bɛl baa dɛ yerɔ Bɛtel.” Anee Elaesa ŋɔ, “N ŋwɛɛ Korowii waa lole saŋ bɛlbwa, asɛ he ɡe do le nɔ kɛŋɔ n ne henee.” Asɛ ba bwa chiɡ ŋwɛnɛ ta kaa Bɛtel.

Yela 125:5

Kɛ dɛ he tɛr nɛnchɔɡa deŋne aa, tɛr nɛra baa vɛh he waa ta teŋa la ɡe deŋne. Israel tena, Korowii tɛ heyaa deŋnesɔɔhna!

Yela 36:3

Nyubinikpeɡ ne nyosone waa baa bol, ba ta wedɛɛɡa liire dɔe kpa.

Sefania 1:6

Mɛɛ chɔɡ banɔ la baa berɛ habɔɔ dɛ vɛh n nɛɛ teŋa, ne banɔ la baa wola n be ba ń baɡ ba waa laanee.

Nɛra Kura 10:30

Anee Hobab chaŋe ŋɔ, “Akai, maa la. Mɛɛ berɔɔ kaa n harɛ ta n nɛra be.”

Amanesoma Luk Aa Chwera Tɔn 24:28

Baa tel bwɛɛ la baa dɛ kaa o ta la, Yeesu ɛo kɛŋɔ waa dɛ kaa sie,

Hibru 10:38

Nɛn o wa aa toɡra dɛ su n siwi la te la, wɛɛ yarada mɛɛ dɛ́ dɔ mkpa. Kɛ dɛ o le habɔɔ te naa, n sie aa o nɛɛ lɛɛ ba.”

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”

Josua 24:19

Ate, Josua ŋɔ nɛra la be ŋɔ, “He ken aa won tomɛ Korowii, o do ɡoroŋ dɛɛ we bwara. Waa he kasinteŋ bɛ dɔe ne he wechɔɡaa kpɔ kɛ heya.

1 Jɔn 2:19

Dɛ bane fa ja ya nɛ, kɛ dɛ ba ta denɛ ɛ ya bini bane, dɛkalkɛ ba chwao. Dɛ ba fe ja ya nɛ aa, ya ne ba fe ta pɛo. Kɛ ba chwao, asɛ a den baɡle kɛŋɔ ba bini bɛlbwa ta ya nɛɛ jae.

Sitɔɔla 11:24

Kon he voɡ Kemɔs aa tɛɛ la, he dɛ lɛ. Gɛɛ a do, kon Korowii yaa dɛ tomɔ la aa tɛ yaa la, ya ɡe won lɛ.

Rut Tɔn 1:14

Asɛ ba berɛ wi anɔ ɡe ta ja. Belaa Ɔpa mo o lwɛɛma dɛ kalo. Kɛ Rut te ta lawɔ kpoŋe dɛ ŋɔ waa on ta.

Rut Tɔn 1:16

Asɛ Rut chaŋo ŋɔ, “Bɛ n be ŋɔ n ɡele. Bobɛlbwa haa kaa ne bela haa so la, n ɡee so belaa. Mɛɛ kpɔ he nɛraa ɛ n nɛra, ásɛ Korowii haa dɛ tomɔ la, ń ɡee tomɔ.