Rut Tɔn 1:12 - mzwDBL

¹² Hé berɛ kaa he bwɛ. Taraken bela maa tela nɔ, maa jaaree dɔ kpa. Dɛ hwɛɡa lole kɛŋɔ ń dɔ jaa aa, hale n ne o chɔɔ fini kwara naa, maa won den kpoŋe tea dɛ́ loɡle bibaala tɛ heya.

Rut Tɔn 1:12 Iomraidhean Croise

Mumpar 17:17

Anee Abraham kpɔ sie pi harɛ, asɛ dɛ mamɛ o nyu bini ŋɔ, “Amɔ baa lɛɛ won di bene lafa dɛ lolaa? Saara aa di bene fifraanuanaarɛ nɔ, amɔ o ɡe ɛɛ won lolɛ kenɛ?”

Mumpar 38:11

Belaa Juda ŋɔ o hela Taama be ŋɔ, “Kaa ka so doŋa ta he mɛɛ dem, dɛ́ ka tel kɛŋɔ n bie Seela aa baa kpeɡ.” O liiro kɛŋɔ o ɡe ken ɛɛ ba sewɔɔ kɛŋɔ o dɔɔranar. Asɛ haah la kaa o mɛɛ dem dɛ ka so.

1 Timoti 5:9

Bɛ luhaah waa wola bene fifraanumɛl dɔe mɔɔ la kure ja luhaahna maa bol ba waa ŋɔ hɛ́ɛ cha ba dɛɛ nyiŋ ba la nɛ. Luhaah waa dɔ bene fifraanumɛl, waa wola baa bɛlbwa jemɛ ka ja o jaa nɛ,

Rut Tɔn 1:11

Anee Naomi chaŋe ŋɔ, “N bii, hé berɛ kaa he bwɛ. N ne he kaala mun ɔ? N lol tonɔ, mɛɛ won berɛ lolɛ bii bá kpɔ heyaa mo ja aa?

Rut Tɔn 1:13

Dɛ a ba ɡɛ kwara naa, hɛɛ won soŋni ka tel kɛŋɔ baa kpeɡ aa? Hɛɛ won so dɛ́ ŋɔ haa yalaa? Akai n bii, he ɡbabir jemɔ ŋɔ ɡɛ aa won maɡre. N nyuu wola were mɛɛ di suna, he te laa chɛ kɛŋɔ he di suna. Korowiirii ɛɛ mɛ ɡɛ.”