Tɔn Pɔɔl Aa Chwerɛ Rom Tena 9:3 - mzwDBL

³ N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ.

Tɔn Pɔɔl Aa Chwerɛ Rom Tena 9:3 Iomraidhean Croise

Mumpar 29:14

Asɛ Laban ŋɔ, “Kasinteŋii, n lole tentenee hen.” Asɛ Jekɔb so o be korobibir bwa.

2 Samoɛl 18:33

Ate, dɛ kooro soɡo dɛɛ chel. O cheɡɛ doonyoa la nyundua dɛ kaa dea dɛ ka wi. Waa dɛ kaa la, dɛ o dɛ wi ŋɔ, “N bidɛɛɡe, Absalɔm, menee fe sewa sɛ?”

Ɛsta 8:6

Ɛrɛɛ mɛɛ ba wona so nyiŋi, ásɛ wechɔɡa nɔ bwa dɔŋa chiɡ n nɛra Juu tena nɛɔ? Maa won so nyiŋi bá kpoo n dem nɛra.”

Kaala 32:32

Kɛ taraken, n dɛ soŋe kɛ he kpɔ ba wechɔɡa kɛ ba, dɛ a laa ɡe aa, he fee n sɔn le tɔn haa chwerɛ he nɛra sɔna do o bini la ta.”

We-ɛɛla 13:26

Yabala, Abraham naanar ne he nɛra haa wola Juu tena ɛɛ dɛɛ tomɛ Korowii bwa, ya bee waa aa dɛ ba nɛwɛnyini lɛɛ nɔ ba.

We-ɛɛla 22:5

Sɔfonomoa ne ya Juu tena nomonome bwa ɛɛ wonoo di danseɛ kɛŋɔ kpelaa n ŋɔ. Banee fa chwerɛ tɔne tɛ mɛ, ásɛ n won kpɔ la yabala Juu tena baa lɔ Damaskɔs la be, ásɛ ba tɛ mɛ ŋwɛnɛ ń won lawɛ ŋwɛnɛfale la tena baa lɔ bela, dɛ́ kpɔ ba ba Jerusalam ásɛ ba ka ɛɛ ba wahala.

We-ɛɛla 28:21

Anee Juu tena la ŋɔ, “Ya bwɛɛ Juda harɛ tena ta yaa tɔn bɛlbwa chwerɛ dɛ baɡle he wobɛlbwa ya be. Yabala baa le ya bwɛɛ dɛɛ ba bonɔ nɔ ɡe bɛlbwa ta he wechɔɡe bɛlbwa bolɛ ya no.

Tɔn Pɔɔl Aa Chwerɛ Rom Tena 1:3

Korowii Bie Yeesu Kristo waa ɛ ya Dɔɔ la, o waa Amanesoma la ɛɛ baɡle. O nɛwɛnyini ɛɛ be pera la, Kooro Devid deaa o le,

Tɔn Pɔɔl Aa Chwerɛ Rom Tena 11:1

N dɛ bɔɔ heyaa ŋɔ, Korowii vɛh o nɛra Israel tena kɛɛ? Akai! N ɡbabir nɔ, Israel tee men. N ɛ Abraham naa dɛ le Bɛnjamen dea.

Tɔn Pɔɔl Aa Chwerɛ Rom Tena 11:14

Bɛl lole n bwɛɛ tena na ɡɛ naa, baa meeroo, asɛ a che a ta ba bane lɛ Yeesu waa nɔ.

Tɔn Pɔɔl Aa Chwerɛ Rom Tena 16:11

N dɛ na n bwɛɛ te Herodion. N dɛ na Nasesos dem tena la baa ɛ asɔre tena la bwa.

Tɔn Pɔɔl Aa Chwerɛ Rom Tena 16:21

Timoti n ne waa dɛ ɛ toma la dɛ na heya. Lusias ne Jasen, dɛ Sosipata ba bwa aa ɛ n bwɛɛ tena la dɛ na heya.

Tɔn Pɔɔl Aa Chwerɛ Rom Tena 16:7

Hé ŋɔ n bwɛɛ tena Andronikus ne Junias ba fa aa do n ne ba dea ka la be ŋɔ n dɛ na ba. Ba ɛ nɛra bane ba sɔn aa lea Yeesu toroma bini. Ba tɔ sie ɛ asɔre tena n nɛ.

Tɔn Pɔɔl Aa Chwerɛ Rom Tena 9:2

N tea bini chɔɡɔ, n bambile ɡe aa n wee ɡel bwa.

1 Kɔrent 12:3

Anomanta, n dɛ nyin kɛŋɔ he jemɛ ɡɛ waa nɔ kɛrɛdɛ, dɛ́ jemɛ kɛŋɔ nomɛlbwa waa dɛ bol waa Korowii Domadɛɛɡe la kpeɡri ne la, waa won taah Yeesu. Nomɛlbwa ɡe waa dɛ bol ŋɔ Yeesuu ya Dɔɔ la, dɛ Korowii Domadɛɛɡe la kpeɡrii ɡela wɛɛ ŋɔ ɡɛ la.

1 Kɔrent 16:22

Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!

2 Kɔrent 12:15

N sie ɛɛ lɛo kɛŋɔ n chɔɡ n komɛlbwa he nɛ. N chɔɡ n bokpeɡa he nɛɛ kwara dɛ won cha heya aa, a som n be. Maa dɛ nyin heyaa kohona waa he te laa n waa kpɔ he bambile ta kɛɛ?

Galaasia 1:8

Dɛ ya bini bɛl kɛɛ Korowii nyundua torome le nyundua dɛ ba bol Yeesu Kristo bwara wobɛlbwa a berɛ korɛ anɔ la yaa dɛ baɡle heyaa la ta naa, Kórowii fuuh!

Galaasia 1:9

Gɛ ya fa aa bola la, ɡɛɛ mɛɛ bol he be ja la. Dɛ nomɛlbwa bol Yeesu Kristo Amanesoma bɛlbwa a korɛ anɔ la he fa aa noa dɛ yarada la ta naa, Kórowii fuuh!

Galaasia 3:10

Nɛra baa kpɔ sie dawɛ Mosis Mmara ɡbo ta kɛŋɔ a taa ba che Kórowii lɛɛ ba la, bá bwɛɛlɛ, dɛkalkɛŋɔ a lɔ Korowii Tɔn bini kɛŋɔ, “Nomɛlbwa waa koni Mosis Mmara la bɛlbwa saŋ bɛlbwa wee la, ó bwɛɛlɛ.”

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Ɛfesos 6:5

He banɔ la baa do heyaa bonɔɔna kɛɛ toli la, hɛ́ɛ no he dɔɔranar baa lɔ harɛ nɔ ta wa, dɛ́ɛ duu ba, dɛ́ ta tea dɛ́ɛ tom ba kɛŋɔ Yeesu Kristoo hɛɛ tomɛ.

Mmarare 21:23

he bɛ ɡel o saɡɛ daa la ta tɔɔ per. Hé nyiŋi dɛ́ huɡo awola tenten, ásɛ dɛ bɛ doŋa ba kah harɛ Korowii haa dɛ tomɔ nɔ aa kpɔa dɛɛ ba heyaa tɛɛ he so o ta la. Dɛkalkɛŋɔ Korowii taah nomɛlbwa waa saɡɛ daa ta sewɛ.”

1 Samoɛl 14:24

Lɔr kpo Israel tena ba ɡwɛɡre awola, dɛkalkɛ dɛ Kooro Sɔɔl ŋwɛɛrɔ kɛŋɔ ba bini bɛlbwa waa di kondikwaa mɔɔ wee le la, nyotaahna lawɛ naate mɔɔ ó tɔ o dɔma wel. Anomanta, o laa tena la bɛlbwa ta kondikwaa dii.

1 Samoɛl 14:44

Anee Kooro Sɔɔl ŋɔ, “Dɛ hen Jonatan ta sewaa, Korowii bɛ men ɡel.”