Tɔn Pɔɔl Aa Chwerɛ Rom Tena 9:1 - mzwDBL

¹ Kasinteŋii mɛɛ ba bola la. Maa ɛ Yeesu Kristo nɛn la nomanta, maa nyosone teŋe. Korowii Domadɛɛɡe la ɡelɔ n jemɛ n bambile bini kɛŋɔ maa nyosone teŋe.

Tɔn Pɔɔl Aa Chwerɛ Rom Tena 9:1 Iomraidhean Croise

Tɔn Pɔɔl Aa Chwerɛ Rom Tena 1:9

Korowii maa dɛ tomɔ n bambile bwa ne, dɛɛ bol o Bie la Amanesoma waa la, o jemɔ kɛ saŋ bɛlbwaa n soŋo dɛɛ tɛ heya. Onee n danseɛ te.

Tɔn Pɔɔl Aa Chwerɛ Rom Tena 2:15

Ba we-ɛɛla chaɡlɔ kɛŋɔ waa Mosis Mmara la aa dɛ baɡle la lɔ ba bambile bini. Ba liire ɡba dɛ di danseɛ ɡɛ waa nɔ ta, dɛkalkɛŋɔ a tel ane ta naa, ba ɡbaɡba liire yon ɛɛ ba kɛŋɔ ba ɛ wechɔɡa, ane ɡe ta ba ɡbaɡba liire yon ɛɛ ba kɛŋɔ ba ɛ wedɛɛɡa.

Tɔn Pɔɔl Aa Chwerɛ Rom Tena 8:16

Korowii Domadɛɛɡee yon ɡel ya jemɛ ya bambile bini kɛŋɔ Korowii biirii yaa.

Tɔn Pɔɔl Aa Chwerɛ Rom Tena 9:2

N tea bini chɔɡɔ, n bambile ɡe aa n wee ɡel bwa.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

2 Kɔrent 1:23

Korowii waa jemɛ n nyu bini bwa la, onee n danseɛ te waa nɔ ta. N fa aa wola Kɔrent balɛ la, maa nyin kɛ n ba chɛɡre heyaa he wechɔɡa waa ásɛ he bambile chɔɡ, a waa n ta balɛ.

2 Kɔrent 11:10

N cheɡɛ Yeesu Kristo kasinteŋ la waa ɡela n dɔ la ta dɛɛ ŋɔ he be ŋɔ, nomɛlbwa toole Akaya harɛ bobɛlbwa dɛ́ tɔ mɛ ŋwɛnɛ maa wola won maŋkura n te a ɡɛ waa nɔ ta.

2 Kɔrent 11:31

Ya Dɔɔ Yeesu Mɛɛ Korowii jemɔ kɛ nyosone laa mɛɛ teŋe. O chɛ kpɛɛra saŋ bɛlbwa.

2 Kɔrent 12:19

Yaa dɛ ŋɔ ken nɔ, he dɛ lii kɛŋɔ ya sɔnee yaa kwaa he be kɛɛ? Akai! Korowii siee yaa bola, pɛɛ ya ne Yeesu Kristo aa pɛa la nomanta. Yabala, wobɛlbwa yaa bol la, he wer waa yaa bola, ásɛ he won che kiŋkiŋ.

Galaasia 1:20

Kasinteŋii mɛɛ chwerɛ la. Korowii ɡba jemɔ kɛ nyosone laa.

Felepae 1:8

Korowii jemɔ kɛŋɔ he pɛla laɡ mɛ taeh, nɛnnyin Yeesu Kristo aa kpɔa do n bambile ta la nomanta.

1 Tesalonika 2:5

Gɛ haa jema la, he kpɛɛra waa laa ya koh ba he be. Ya ta balɛ dɛ ba bol waa dɛ neɡre heyaa dɛ lɛ kwaane ɡe. Korowii ɡboo jema.

1 Timoti 1:5

Waa maa koh a waa doe waa nɔ ta laanee kɛŋɔ bá won dɔ nɛnnyin. Nɛn waa dɔ nɛnnyin nɔ soo la ta wechɔɡa bɛlbwa dɔe, o tea too, o dɔ yarada kasinteŋ.

1 Timoti 2:7

Anɔ waa Korowii lee mɛ ŋɔ ń lɔ a dawuro baɡle nɛra, dɛ́ berɛ ɛ Yeesu torome ɡe la. Kasinteŋii mɛɛ bol la, maa nyosone teŋe. Onee ɡela mɛɛ baɡle nɛra baa wola Juu tena ɛɛ la, ásɛ ba yarada Yeesu dɛ́ jemɛ kasinteŋ la.

1 Timoti 5:21

N cheɡɛ Korowii ne Yeesu Kristo ne nyundua toroma la bwa sie dɛ kpɔ waa nɔ dɛɛ tɛɛ, ásɛ he we-ɛɛla bwa ta la, he bɛ ɡel nɛra bane waa su he siwi dɛ ɡwaa bane, kɛ dɛɛ ɛ ba bwa kɛrɛdɛ.