Tɔn Pɔɔl Aa Chwerɛ Rom Tena 7:7 - mzwDBL

⁷ Aa do ɡɛ nɔ, dɛ Mmara la aa were kɛɛ? O wer, kɛ on ɡela n jemɛ kɛŋɔ komɛl lole baa yerɔ wechɔɡa. Dɛ Mmara la fe ta ŋɔe ŋɔ nɛwɛnyini bɛ ɡel o sie beɡre o dɔŋ kon aa, n fe aa jemɛ kɛŋɔ sibeɡra aa were.

Tɔn Pɔɔl Aa Chwerɛ Rom Tena 7:7 Iomraidhean Croise

Mumpar 3:6

Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di.

2 Samoɛl 11:2

Awola jɔmɔra bɛl, kooro iro le o chɔɔbɔr dɛ baa valɛ saldoa koodem bela. O cheɡɛ bela na haah bɛl waa dɛ sɔ ne. Dɛ o wer tolo taeh,

Yela 119:96

N nao kɛŋɔ wobɛlbwa dɔ a jaɡa, kɛ he Mmarare la te lole dɛɛ la.

Kaala 20:17

He bɛ ɡel he sie beɡre he dɔŋa deremi. He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.”

Maeka 2:2

Ba dɛ nyin nɛra kooni kɛɛ deene aa, ba dɛ lɛa kpeɡri ne. Ba won nɛra deremi, kɛɛ ba kapɛrɛ kwaa ɡe lɛɛ neɡra ŋwɛnɛ ta.

Matiu 5:28

Kɛ taraken n dɛ ŋɔ he be ŋɔ, he naate haa na haah dɛ nyiŋu he pɛla do o nɛɛ la, he bɔ jwamane he bambile bini.

Amanesoma Luk Aa Chwera Tɔn 12:15

O ŋɔ ba be ŋɔ, “Hé ɡel he sie chɔ harɛ he nyiŋi kɛrɛdɛ dɛ bɛ kwaa dɛɛ kam, dɛkalkɛŋɔ nɛwɛnyini kondɔɔh kohona laa o mkpa.”

Amanesoma Luk Aa Chwera Tɔn 20:16

Wɛɛ ba kpoo a ɡɛ nɛra laanee, dɛ́ kpɔ koo la do nɛnfala nɔn ta.” Nɛra la aa no ɡɛ la, ba ŋɔ, “Korowii ɛɛ la a ne bojaŋ!”

We-ɛɛla 20:33

N sie ta nomɛlbwa suuɡa kɛɛ o yal ta beɡrɛ.

Tɔn Pɔɔl Aa Chwerɛ Rom Tena 13:9

Korowii Mmara aa chaɡla kɛŋɔ, “Bɛ jwamane bɔ, bɛ nɛn kpo, bɛ ŋwɛ, bɛ ɡel he sie beɡre he dɔŋ kon la,” a ne anɔ la aa kaa la bwa lɔ a ɡɛ Mmara beŋkpoŋ nɔ waa dɛ baɡle kɛ, “Nyin he dɔŋ kɛ he ɡbaɡba” nɔ ta.

Tɔn Pɔɔl Aa Chwerɛ Rom Tena 3:20

Maa dɛ ŋɔ nɔ, Mmara ta teŋa aa won ɡel nomɛlbwa we-ɛɛla su Korowii siwi bwa. Mmara la toma bwaa kɛŋɔ ó ɡel nɛwɛnyini jemɛ kɛŋɔ ya ɛ wechɔɡa.

Tɔn Pɔɔl Aa Chwerɛ Rom Tena 3:5

Nɛwɛnyini te ɛɛ ŋɔɔ, “Dɛ a cheɡɛ ya wechɔɡa ta asɛ nɛra na kɛŋɔ Korowii ɛ nɛndɛɛɡe aa, amɔ ya ta wedɛɛɡa ɛɛ kɛɛ? Dɛ Korowii tɛr ya deŋne aa, dɛ o waa toɡraa?” Nɛwɛnyini liiree nɔ!

Tɔn Pɔɔl Aa Chwerɛ Rom Tena 4:1

He ta sie nyiŋi ya Juu tena nabaa Abraham na. Gɛ saŋ la, bɔkwaa o na yarada waa nɔ bini nɔ?

Tɔn Pɔɔl Aa Chwerɛ Rom Tena 4:15

Mmara laanee dɛɛ ba Korowii bandia ne nɛra nɛ. On lole nɛra ɡee konu waa Korowii baah ɛɛ di nɛra nɛ. Dɛ Mmara fe toole naa, nɛra fe aa on koni.

Tɔn Pɔɔl Aa Chwerɛ Rom Tena 5:20

Mmara balɔ dɛ ɡel wechɔɡa warɛ. Kɛ, wechɔɡa aa dɛ dawɛ la, a taa Korowii na nɛwɛnyina sum, dɛ cha yaa kohona.

Tɔn Pɔɔl Aa Chwerɛ Rom Tena 6:15

Yaa lɔ Korowii suna waa sune ya nɛɛ lɔɡa yaa wola toole Mmara lɔɡa nɔ, a chɛ kɛ yaa ɛ wechɔɡa kɛɛ? Akai!

Tɔn Pɔɔl Aa Chwerɛ Rom Tena 7:11

Liichɔɡa nao kɛŋɔ a dɔ bɔr name. Mmara taa a che dɛ neɡ mɛ, dɛ taɡ mɛ do seo ta.

Tɔn Pɔɔl Aa Chwerɛ Rom Tena 7:13

Aah dɛ kon waa wera nɔ, o taa a berɛ che mɛɛ ba seo dɔe yaa? O ta laa. Liichɔɡaa cheɡɛ kon waa wera ta dɛ ɡel n dɔ seo, dɛ baɡle o dor ásɛ n jemɔ kɛrɛdɛ. Mmara la taa a che asɛ ya jemɛ kɛŋɔ liichɔɡa doŋo, aa wola were kwaraa.

Tɔn Pɔɔl Aa Chwerɛ Rom Tena 7:5

Saŋ la yaa lɔ wechɔɡa ya nɛwɛnyini mar nɔ wechɔɡa aa suu nɔ aa dɛ nyin la ta dɛɛ ɛ la, dɛ Mmara la dɛ ir ya bambile wechɔɡa ɛɛ ta, asɛ wobɛlbwa yaa dɛ ɛ la, aa kaa ya ne seo ta.

Tɔn Pɔɔl Aa Chwerɛ Rom Tena 7:8

Liichɔɡa nao kɛŋɔ aa wonoo che Mmara Korowii aa doa la ta, dɛ́ ɡel n ɛ wechɔɡa. Liichɔɡa aa na ɡɛ la, a cheɡɛ Mmara la ta dɛ ɡel n sie ɛɛ beɡre komɛlbwa ta. Dɛ mmara toole naa, wechɔɡa ta kpeɡri dɔe.

1 Kɔrent 15:56

Wechɔɡaa ɡela seo ɛɛ do yaa weweele ta. Mmara yaa wola o ta teŋɛ la ɡe ɡelɔ seo dɔ kpeɡri ya nɛ.

Ɛfesos 5:3

Kɛ jwamane ne wedoŋa ne sibeɡra dɔe dɔŋa kwaa ta te, he bɛ a waa dɛɛ bol á ba ɛ kɛŋɔ hɛɛ ɛa, dɛkalkɛŋɔ aa were tɛ Korowii nɛra.

Mmarare 5:21

He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa deremi, ba harɛre ne ba bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.’

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

1 Tesalonika 4:5

He bɛ siyala ne sibeɡra ŋwɛnɛ ta kpɔ kɛ nɛra baa wola Juu tena ɛɛ baa wola Korowii tomɛ la.

Hibru 7:19

A ɡɛ Mosis Mmara nɔ fa ta wone ɡel nɛwɛnyina ɛ nɛndɛɛɡa ka tonɛ. Kɛ taraken te, ya dɔ wefala dɛɛ hwɛɡɛ a ta a ɡwaa ambena la, dɛ che a ta dɛ́ won tuuh dɛɛ tel Korowii.

Josua 7:21

Laa la ta la, n na batakaaredɛɛɡe bɛl Babelɔn tena aa sɔɔh, suuɡapoŋa lafraanɛ ne suuɡaswɛm bwe o tɔɡre aa ɛ suuɡapoŋa fifraanue del, asɛ n pɛla lawa kohona n kpɔ. N kpɔ suuɡaswɛm la ne batakaare la ka huɡe harɛ n tɛnte dea bini, asɛ suuɡapoŋa la do mun ta.”