Tɔn Pɔɔl Aa Chwerɛ Rom Tena 7:6 - mzwDBL

⁶ Taraken te ya fooro, Mmara la ta yaa dɔe kpa, dɛkalkɛŋɔ ya ne a ɡɛ Mmara nɔ o fa aa kpɔ yaa berɛ yoma la toole wobɛlbwa bini kpa. Ya ɛo kɛ yaa serewa. Yaa Mmara ŋwɛnɛ ta kpɔe dɛɛ tomɛ Korowii kpa. Korowii Domadɛɛɡe laanee dɛɛ baɡle yaa ŋwɛnɛfale yaa tomɛ Korowii taraken.

Tɔn Pɔɔl Aa Chwerɛ Rom Tena 7:6 Iomraidhean Croise

Ɛsekeɛl 11:19

Mɛɛ ɡeloo ba bambile che bobeŋkpoŋ, dɛ́ tɛɛ ba liifala. Mɛɛ laa ba bambikpeɡ waa do kɛŋɔ bwe laanee kpɔ, dɛ́ tɛɛ ba bambile waa pwɛra.

Ɛsekeɛl 36:26

Mɛɛ tɛ heyaa bambifale ne liifalaa, ásɛ he won dɛɛ teŋɛ n waa ta. Mɛɛ laa he bambile waa do kɛ bwe laanee kpɔ, dɛ́ tɛ heyaa bambile waa pwɛra.

Tɔn Pɔɔl Aa Chwerɛ Rom Tena 1:9

Korowii maa dɛ tomɔ n bambile bwa ne, dɛɛ bol o Bie la Amanesoma waa la, o jemɔ kɛ saŋ bɛlbwaa n soŋo dɛɛ tɛ heya. Onee n danseɛ te.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

Tɔn Pɔɔl Aa Chwerɛ Rom Tena 6:11

Gɛɛ a chɛ kɛ he kpɔ he te kɛŋɔ he ne wechɔɡa toole wobɛlbwa bini kpa kɛ nɛn aa sewa la. He ne Yeesu Kristo aa pɛa la nomanta, a chɛ kɛ he jemɛ kɛŋɔ Korowiirii he do le tɛ.

Tɔn Pɔɔl Aa Chwerɛ Rom Tena 6:19

He waa mun noe jaŋne, a waa n kpɔ waa haa dɛ noa tɔpere bɛlbwa dɛɛ baɡle heyaa waa la. Gɛ he fa aa teŋa dɛ kpɔ he te do wedoŋa ta wubwa dɛɛ ɛ wechɔɡa la, ɡɛɛ a chɛ kɛŋɔ hé berɛ kpɔ he te do wedɛɛɡa ta, ásɛ he waa do ɡoroŋ.

Tɔn Pɔɔl Aa Chwerɛ Rom Tena 6:2

Akai! Gɛ nɛn sewaa, waa wola toole wobɛlbwa bini kpa la, ɡɛɛ ya ne wechɔɡa baah do. Aah dɛ ya ne wechɔɡa aa wola toole wobɛlbwa bini nɔ, ŋwɛnɛ besoo taa yaa ba wona dɛɛ ɛ wechɔɡa jaɔ?

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.

Tɔn Pɔɔl Aa Chwerɛ Rom Tena 6:4

Baa sɔ yaa Korowii nee la nomanta, a kaa ɛ kɛŋɔ ya ne Yeesu Kristoo ba pɛ huɡe. Ya ne waa pɛa sewɛ la nomanta, ɡɛ Korowii aa cheɡɛ o kpeɡri a dɔŋ aa wola toole la ta dɛ iru seo ta la, ɡɛɛ wɛɛ ba ya ɡe chae ya kwaa so sofale waa wera, dɛ́ charɛ dofale waa wera.

Tɔn Pɔɔl Aa Chwerɛ Rom Tena 7:1

Yabala, he jemɛ mmara wa, anomanta, he jemɔ kɛ harɛ ta ɡboo mmara dɔ kpeɡri nɛra nɛ.

Tɔn Pɔɔl Aa Chwerɛ Rom Tena 7:2

Haah waa yala la, dɛ o jaa ta sewaa, hahmor mmara vɔrɔwo, o ɛ o jaa la ɡbo haah. O jaa sewɔ te naa, dɛ hahmor mmara ta on vɔrɔwɛ kpa.

Tɔn Pɔɔl Aa Chwerɛ Rom Tena 7:4

Yabala, Yeesu Kristo seo waa sewa la, a ɛo kɛŋɔ he ne onee pɛa sewɛ. Anomanta, he toole Mmara lɔɡa. Mmara la aa kpeɡri di he nɛɛ kpa kɛŋɔ haah jaa sewaa, waa wola toole hahmor Mmara lɔɡa kpa la. He berɔ ɛ Yeesu Kristo waa ir seo ta la nɛra, ásɛ dɛ won ɛ Korowii toma, he waa dɔ tɔnɔ o be.

2 Kɔrent 3:6

Korowii ɡelɔ ya won dɛɛ ɛ o fɔofale la toma. A ɡɛ fɔofale nɔ ta mmara baa chwera waa ɛɛ, Korowii Domadɛɛɡe waa. Mmara baa chwera la dɛ ba seo ne, kɛ Korowii Domadɛɛɡe la te dɛ ba mkpa ne.

2 Kɔrent 5:17

Nomɛlbwa o ne Yeesu Kristo aa pɛa la, o berɛ nɛnfale. O ɡel o webena o fa aa dɛ ɛ la, dɛ charɛ dafale.

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Galaasia 6:15

Penteŋa ne o bɛ teŋa te ta hiaih kwaraa. Waa aa hiah laanee kɛ Korowii aa charɛ ya liire ya ɛ nɛnfala.

Ɛfesos 4:24

O tɛ heyaa dafale bɛl soo siwi waa kwaara, o do kɛ o tenten la ásɛ he won ɛ nɛndɛɛɡa tenten, he waa bwa do kɛrɛdɛ o be. Anomanta, hé kpɔ dafale la.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Kolosi 3:10

dɛ́ charɛ dafale. Korowiirii ɡela he do ɡɛ la. Onee dɛɛ kwaa he dafale la saŋ bɛlbwa ásɛ he do kɛrɛdɛ ɡɛ waa doa la, dɛ́ won jemɔ kɛrɛdɛ ka tonɛ.