Tɔn Pɔɔl Aa Chwerɛ Rom Tena 7:4 - mzwDBL

⁴ Yabala, Yeesu Kristo seo waa sewa la, a ɛo kɛŋɔ he ne onee pɛa sewɛ. Anomanta, he toole Mmara lɔɡa. Mmara la aa kpeɡri di he nɛɛ kpa kɛŋɔ haah jaa sewaa, waa wola toole hahmor Mmara lɔɡa kpa la. He berɔ ɛ Yeesu Kristo waa ir seo ta la nɛra, ásɛ dɛ won ɛ Korowii toma, he waa dɔ tɔnɔ o be.

Tɔn Pɔɔl Aa Chwerɛ Rom Tena 7:4 Iomraidhean Croise

Aesaya 54:5

Naate waa tae laanee dɛ́ do kɛ he jaa, o sɔne Nemenɛ Korowii. Israel Nɛŋɡoroŋ laanee he Lɛɛ, onee harɛ nɔ bwa Dɔɔ.

Aesaya 62:5

Gɛ bonɔmbii yon nyin bitolo waa wola baa jemɛ dɛ lawɔ hanfale la, ɡɛɛ Korowii waa tae ɛɛ ba he jaa ɛɛ. Gɛɛ Korowii sie ɛɛ ba he nɛɛ lɛɛ, kɛŋɔ baa sie yon lɛ o hanfale nɛɛ la.

Matiu 26:26

Baa dɛ di kwaa la la, Yeesu kpɔ paanoo dɛ jam Korowii o wa, asɛ dɛ mɔne tɛ o habɔteŋra la dɛ ŋɔ, “N bo-olii la. Hé lɛ dɛ́ di.”

Amanesoma Mak Aa Chwera Tɔn 4:20

Nɛra baa dɛ no Korowii Waa la bane ɡe do kɛ mea la aa lee harɛdɛɛɡe ta dɛ le, asɛ dɛ ma fifraatotoro ne fifraanunumɛla ne lafare la, dɛkalkɛ ba no Korowii Waa la aa, ba dɛ kpoŋe a bini, dɛ́ ɡel a dɔ tɔnɔ.”

Amanesoma Jɔn Aa Chwera Tɔn 15:8

Dɛ he wono dɛɛ ɛ n Mɛɛ tetoowaa kɛŋɔ kpale waa dɛ nɔnɛ kɛrɛdɛ naa, wɛɛ dɔ jirimaa. Anee dɛ baɡle kɛ n habɔteŋraa heyaa kpela.

Amanesoma Jɔn Aa Chwera Tɔn 3:29

Hanfale jaaree dɔ o haah. Kɛ, dɛ hanfale jaa la dam lɔ hanfale la waa bɔr dɛ no o nyoa bela aa, dɛ o sie lɛo. Gɛɛ n ɡe bwara sɔɔh mɛ kohona.

Amanesoma Jɔn Aa Chwera Tɔn 6:51

Menee kondikwaa aa le nyundua ba dɛ dɔ mkpa la. Nomɛlbwa waa di ɡɛ kondikwaa nɔ la ɛɛ dɔ mkpa aa wola jaɡa dɔe. Asɛ kondikwaa maa kpɔ tɛ nɛwɛnyini bwa bá di dɛ́ dɔ mkpa laanee n bo-ol.”

Tɔn Pɔɔl Aa Chwerɛ Rom Tena 6:11

Gɛɛ a chɛ kɛ he kpɔ he te kɛŋɔ he ne wechɔɡa toole wobɛlbwa bini kpa kɛ nɛn aa sewa la. He ne Yeesu Kristo aa pɛa la nomanta, a chɛ kɛ he jemɛ kɛŋɔ Korowiirii he do le tɛ.

Tɔn Pɔɔl Aa Chwerɛ Rom Tena 6:14

Wechɔɡa aa kpeɡri dɔe ba he nɛ, dɛkalkɛŋɔ Korowii suna waa dɛ sune nɛra nɛɛ la lɔɡaa he do. He toole Mmara lɔɡa kpa.

Tɔn Pɔɔl Aa Chwerɛ Rom Tena 6:2

Akai! Gɛ nɛn sewaa, waa wola toole wobɛlbwa bini kpa la, ɡɛɛ ya ne wechɔɡa baah do. Aah dɛ ya ne wechɔɡa aa wola toole wobɛlbwa bini nɔ, ŋwɛnɛ besoo taa yaa ba wona dɛɛ ɛ wechɔɡa jaɔ?

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.

Tɔn Pɔɔl Aa Chwerɛ Rom Tena 7:3

Kɛ dɛ o jaa ta soɡe le, asɛ o ne banfale ɡe berɛ do le ja aa, baa yerɔ hanjwamanee. Dɛ o jaa sewɔ te naa, dɛ hahmor mmara ta on vɔrɔwe kpa. O yalɛ banfale aa, dɛ o ta jwamane bɔe.

Tɔn Pɔɔl Aa Chwerɛ Rom Tena 7:6

Taraken te ya fooro, Mmara la ta yaa dɔe kpa, dɛkalkɛŋɔ ya ne a ɡɛ Mmara nɔ o fa aa kpɔ yaa berɛ yoma la toole wobɛlbwa bini kpa. Ya ɛo kɛ yaa serewa. Yaa Mmara ŋwɛnɛ ta kpɔe dɛɛ tomɛ Korowii kpa. Korowii Domadɛɛɡe laanee dɛɛ baɡle yaa ŋwɛnɛfale yaa tomɛ Korowii taraken.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

1 Kɔrent 10:16

Saŋ bɛlbwa yaa pɛ so dɛɛ di kwaa dɛɛ lii Yeesu Kristo seo la, sen la yaa dɛ kpɛɛ Korowii dɛɛ nyɔ la ɡelɔ ya ne Yeesu Kristo pɛ o chal la waa ta. Paanoo yaa mɔna dɛɛ di la ɡelɔ ya ne o pɛ o bwadabii waa ta.

2 Kɔrent 11:2

He waa dɛ we n bwara kɛŋɔ he wa aa dɛ we Korowii nɛɛ la. He do kɛ haah waa wola baa jemɛ bwa, asɛ n kpɔɔ tɛ baa bɛl yal ken. Yeesu Kristo ɡbaɡbaa a ɡɛ baa nɔ, o ɡboo chɛ kɛ ó ɛ he jaa.

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Galaasia 5:18

Dɛ he kpɔ he te tɛ Korowii Domadɛɛɡe la wɛɛ baɡle heyaa ŋwɛnɛ te naa, Mosis Mmara la aa won di kpeɡri he nɛ.

Ɛfesos 2:15

O ɡbaɡba bwadabii o kpɔ ɛ ɡɛ dɛ sewɛ dɛ laa Mosis Mmara la laa kpɔ ya nɛ, ásɛ banɔ la baa dɛ teŋɛ a ta la bɛ ba te pere le banɔ la baa wola a ta teŋɛ la nɛ. Onee wona kpɔ ya bwa pɛ, dɛ beɡre yaa ya ɛ nɛmbeŋkpoŋ, dɛkalkɛŋɔ ya bwa ne onee pɛa. Gɛɛ o ɛ dɛ ɡel ya dɔ nyopɛo.

Felepae 1:11

N dɛ soŋo kɛ he che Yeesu Kristo kpeɡri la ta dɛ́ won dɛɛ ɛ wedɛɛɡa kɛrɛdɛ, ásɛ nɛra ɛɛ tɛ Korowii sɔn ne jirima.

Felepae 4:17

Kasinteŋ, a ta ɛɛ kɛŋɔ komɛlee mɛɛ nyin he be, kɛ he tɔnɔ haa dɔ dɛ́ le chae haa cha mɛ la binii mɛɛ nyiŋi.

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

Kolosi 1:22

Kɛ name Yeesu Kristo aa baa ɛ nɛn dɛ sewɛ la, Korowii cheɡɛ o seo la ta dɛ kwaa he ne o baah, dɛ ɡel he won do kaih doŋa bɛlbwa aa wola toole he nɛ, nomɛlbwa aa wola he waa dɔe ba dɛ bol awola haa ba che Korowii sie la.

Kolosi 1:6

Amanesoma la perɔ, nɛra ɛɛ noa harɛ nɔ ta bobɛlbwa, aa ba hɛɛra ne. Gɛ tentenee aa ba hɛɛra ne he be dɛ le awola haa noa Korowii pili he sie he jemɛ suna waa sune he nɛɛ dɛ cha heyaa la.

Kolosi 2:14

Teŋa haa ŋɔa ŋɔ hɛɛ teŋɛ o Mmara taa dɛ berɛ horɛ a bar heyaa la, a bwa taa o le heya. Waa a waa pɛɛ kpa. Korowii kpaa a bwa pɛl Yeesu daɡaɡre la ta a tonɛ.

Kolosi 2:20

He ne Yeesu Kristo pɛo dɛ sewɛ, anomanta, he ne koŋkwaa aa dɛ di kpeɡri harɛ nɔ ta toole wobɛlbwa bini kpa. Aah bɔkwa waa he ta kpɔ he te dɛɛ do harɛ nɔ ta kii ta dɛ ɡel a vɔrɔwe heyaa ŋɔ,

Hibru 10:10

Yeesu Kristo aa ɛ Korowii tetoowaa dɛ kpɔ o bwadabii ɛ saraha kerabeŋkpoŋ a den tonɛ la nomanta, o laa ya bwa wechɔɡa kpɔ ya nɛ, dɛ ɡel ya ɛ Korowii nɛra.

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

Wepila 19:7

Hé ɡel ya sie lɛ ya hɛɡre kohona. Yá tɛo sɔn, dɛkalkɛŋɔ Pebie la hanfale lawa telo. O haah ɡe kpɔ o te cheɡ.

Wepila 21:9

Belaa nyundua toroma banuanɛ la ba fa aa kpoŋe loɡa hɔhɔrɔwa bele anuanɛ aa ka mun la aa su a bwa la bɛl ba, dɛ ba ŋɔ n be ŋɔ, “Ba ń baɡle Pebie la hanfale la.”