Tɔn Pɔɔl Aa Chwerɛ Rom Tena 7:12 - mzwDBL

¹² Ya jemɔ kɛŋɔ Mmara la ɛ kondɛɛɡe, asɛ o bini wobɛlbwa ɡe toɡre dɛ do wer.

Tɔn Pɔɔl Aa Chwerɛ Rom Tena 7:12 Iomraidhean Croise

Nehemia 9:13

He le nyundua ba Sinai Bwejen ta, dɛ ba bol waa baɡle he nɛra, dɛ kpɔ waa aa wera ne webaɡla aa toɡra baɡ ba.

Yela 119:127

N dɛ nyin he Mmarare haa dɛ do mɛ a ta la ɡwaa suuɡaswɛm, hale suuɡaswɛm tenten bɛlbwa,

Yela 119:137

N Naa Korowii, he waa toɡrɔ, he Mmarare ɡe do wer.

Yela 119:140

He nyoa haa baɡa ɛ kasinteŋ. Men maa ɛ he bonɔɔ sie dɛ lɛ a ta.

Yela 119:172

Mɛɛ ɡo he waa la yelaa, dɛkalkɛ he waa haa do mɛ a ta la toɡrɔ.

Yela 119:38

Tɛ men maa ɛ he bonɔɔ kon haa baɡ mɛ nyoa, ɡɛ haa baɡɛ nɛra baa dɛ ɔmɛ la.

Yela 119:86

He Mmarare la wer, kɛ nɛn kpɔ o te dawɛ a ta kohona. Lɛɛ mɛ le nɛra baa hah mɛ pɛɛpɛɛ nɔn ta.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

Tɔn Pɔɔl Aa Chwerɛ Rom Tena 3:31

Aa do ɡɛ nɔ, dɛ ya dɛ yarada Yeesu aa, dɛ ya tɔ Mmara la ŋwɛnɛ kɛɛ? Akai! Yeesu yaradae nɔ te kwaraa dɛɛ ba ɡela ya won teŋɛ Mmara la ta.

Tɔn Pɔɔl Aa Chwerɛ Rom Tena 7:14

Ya jemɔ kɛŋɔ Korowii Domadɛɛɡe bee Mmara la le dɛ do wer. Kɛ n te, nɛwɛnyinii men, anomanta, wechɔɡa yaɡ mɛ.

Tɔn Pɔɔl Aa Chwerɛ Rom Tena 7:16

Maa wola waa maa dɛ ɛ nyin dɛ ɡee ɛa la nɔ, a baɡlɔ kɛŋɔ n sɛoh kɛŋɔ Mmara la wer.

Mmarare 10:12

Mosis berɔ ŋɔ, “Israel tena, waa Korowii aa dɛ nyin dɛ le he be taraken laanee kɛŋɔ, hɛ́ɛ ɔmɔ dɛ́ɛ teŋɛ o waa bwa ta, dɛ́ nyinu dɛ́ɛ tomɔ he bambile ne he hweera bwa ne,

Mmarare 4:8

Harɛ bɛlbwa ɡe toole, hale o ne o sɔn dɔe bwa, dɛ dɔ mmarare aa toɡra kɛŋɔ anɔ nɔ maa dɛ dalwe a ta nɔ bwa.

1 Timoti 1:8

Ya bwa jemɔ kɛ dɛ nɛn wono ɛ ɡɛ Mmara la aa dɛ baɡle la aa, Mmara la wer tɛo.