Tɔn Pɔɔl Aa Chwerɛ Rom Tena 7:1 - mzwDBL

¹ Yabala, he jemɛ mmara wa, anomanta, he jemɔ kɛ harɛ ta ɡboo mmara dɔ kpeɡri nɛra nɛ.

Tɔn Pɔɔl Aa Chwerɛ Rom Tena 7:1 Iomraidhean Croise

Ɛsra 7:25

Hen sɔfo Ɛsra, che wejema Korowii haa dɛ tomɔ aa tɛɛ ta, dɛ le nomonome ne banɔ la baa jemɛ waa bola dɛɛ pa bole, ásɛ baa nyiŋi nɛra baa lɔ Yufretis Moo wee cholibɔr harɛ ta nɛ, dɛɛ teŋɛ Korowii haa dɛ tomɔ Mmarare ta. Takapɔ chaɡle banɔ la ɡe baa wola mmarare la jemɛ la.

Sɛɡla 6:23

Webaɡla nɔ do kɛŋɔ kandea dɛɛ chaahne, wejaala nɔ ɛɛ won baɡle ɡɛ haa dɛ ba wona so.

Tɔn Pɔɔl Aa Chwerɛ Rom Tena 1:13

Yabala, n dɛ nyin kɛ hé jemɛ kɛŋɔ saŋ bɛlbwaa n fe ɛɛ nyin kɛ ń ba he be, asɛ waa yon dɛɛ tɔ mɛ ŋwɛnɛ. N dɛ nyin ń dɔ he bane dɛ tɛ Yeesu Kristo kɛŋɔ maa dɔ bane le nɛra ba ɡe aa wola Juu tena ɛɛ bini la.

Tɔn Pɔɔl Aa Chwerɛ Rom Tena 10:1

Yabala, Korowii fe lɛ Israel tena aa, a fe som n be noo! N soŋe Korowii dɛɛ tɛɛ ba ɡa.

Tɔn Pɔɔl Aa Chwerɛ Rom Tena 10:4

Yeesu Kristo bala la teŋe Mosis Mmara ta teŋa ta kɛŋɔ a taa nɛn che Korowii lɛo kɛ nɛndɛɛɡe o waa su o siwi la. Taraken nomɛlbwa waa yarada Yeesu Kristo waa la, Korowii ɛɛ lɛo kɛ nɛndɛɛɡee ásɛ o waa su o siwi.

Tɔn Pɔɔl Aa Chwerɛ Rom Tena 6:14

Wechɔɡa aa kpeɡri dɔe ba he nɛ, dɛkalkɛŋɔ Korowii suna waa dɛ sune nɛra nɛɛ la lɔɡaa he do. He toole Mmara lɔɡa kpa.

Tɔn Pɔɔl Aa Chwerɛ Rom Tena 6:3

He soɔh kɛŋɔ baa sɔ yaa Korowii nee yáa teŋɛ Yeesu Kristo nɛɛ la, ya ne onee pɛa sewɛ kɛɛ?

Tɔn Pɔɔl Aa Chwerɛ Rom Tena 7:6

Taraken te ya fooro, Mmara la ta yaa dɔe kpa, dɛkalkɛŋɔ ya ne a ɡɛ Mmara nɔ o fa aa kpɔ yaa berɛ yoma la toole wobɛlbwa bini kpa. Ya ɛo kɛ yaa serewa. Yaa Mmara ŋwɛnɛ ta kpɔe dɛɛ tomɛ Korowii kpa. Korowii Domadɛɛɡe laanee dɛɛ baɡle yaa ŋwɛnɛfale yaa tomɛ Korowii taraken.

Tɔn Pɔɔl Aa Chwerɛ Rom Tena 9:3

N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ.

1 Kɔrent 9:8

Nɛwɛnyini waa ɡbo laa dɛɛ baɡle ɡɛ. Mosis Mmara ɡba baɡle ɡɛ.

Galaasia 4:21

He banɔ la haa dɛ nyin kɛ hɛɛ teŋɛ Mosis Mmara la ta la, he ta noɛ ɡɛ Mosis Mmara la aa dɛ baɡle aa?