Tɔn Pɔɔl Aa Chwerɛ Rom Tena 5:5 - mzwDBL

⁵ Hwɛɡa yaa dɔa nɔ, aa pɛɛ ɛ, dɛkalkɛŋɔ Korowii tɛ yaa o Domadɛɛɡe la ásɛ ya jemɛ o nyina waa dɛ nyin yaa kohona.

Tɔn Pɔɔl Aa Chwerɛ Rom Tena 5:5 Iomraidhean Croise

Job Tɔn 27:8

Dɛ Korowii teŋe nɛra baa wola on tomɛ hweera ta naa, bɔkwa hwɛɡaa baa ba dɔe yɔ, dɛ o teŋe ba mkpa ta naa?

Yela 119:116

Tɛ mɛ bokpeɡa ásɛ n won so le, ɡɛ haa baɡ mɛ nyoa la. Bɛ ɡel n hwɛɡa ta pɛɛ.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

We-ɛɛla 10:45

Juu tena baa ɛ asɔre tena ba ne Pita le Jopa ba aa na ɡɛ la, ba nyoa kpoo kɛŋɔ Korowii aa ɡela o Domadɛɛɡe la ba so nɛra baa wola Juu tena ɛɛ ɡba nɛ,

We-ɛɛla 2:17

‘Korowii ŋɔ, Harɛ chɔɡa tɔpera aa ka mun ta la, mɛɛ tɛ nɛra bwa soo siwi n Domadɛɛɡe la kohonaa, ásɛ he bibaala ne bihaahna bwa bol n waa aa dɛ ba chiɡa kerekere la, ásɛ he bonɔɔna na chaahna, ásɛ he banjeni dee deera.

We-ɛɛla 2:33

O Mɛɛ Korowii aa kpɔɔ kaa nyundua dɛ ɡel o so nomombɔr o diɡ ta la, o tɛo o Domadɛɛɡe la ɡɛ o fa aa baɡɛ nyoa la, asɛ Yeesu ɡe berɛ kpɔ tɛ yaa. O tomaa hɛɛ na dɛɛ no la.

Tɔn Pɔɔl Aa Chwerɛ Rom Tena 1:7

He Rom tena Korowii aa dɛ nyin heyaa dɛ le heyaa ŋɔ hé ba ɛ o nɛra he wa aa toɡra la, he bwaa mɛɛ chwerɛ tɔn nɔ. Ń Naa Korowii ne ya Dɔɔ Yeesu Kristo bwa na he sum, dɛ́ cha heya, dɛ́ tɛ heyaa bosɔɔhna.

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

Tɔn Pɔɔl Aa Chwerɛ Rom Tena 9:33

O waa ba chwerɛ Korowii Tɔn bini la. Ba chwerɔ ŋɔ, “Mɛɛ kpɔ Bwee cheɡ Saayɔn, ásɛ nɛra ɛɛ lɔ naa o ta dɛɛ choɡli. Kɛ nomɛlbwa waa yaradao la, sihiih aa o kpoe ba.”

1 Kɔrent 8:3

Naate waa dɛ nyin Korowii la te, Korowii ɡba jemɔ.

2 Kɔrent 1:22

dɛ do yaa nso aa baɡle kɛ onee dɔ yaa, dɛ tɛ yaa o Domadɛɛɡe la wɛɛ so ya nɛ, ásɛ ya che a ta dɛ́ jemɛ waa bwa waa ɛa cheɡ yaa.

2 Kɔrent 13:14

Yá Dɔɔ Yeesu Kristo na he sum dɛɛ cha heya, Kórowii baɡle o nyina he nɛ, ásɛ Kórowii Domadɛɛɡe la ne he bwa pɛ.

2 Kɔrent 3:18

Anomanta, komɛlbwa ta ya te sie tɔe. Ya Dɔɔ Yeesu jirima chaah ya nɛ, dɛɛ beɡre yaa asɛ yaa do ɡɛ waa doa, jirima yaa dɔa la ɛɛ ja. Ya Dɔɔ Yeesu waa ɛ Domadɛɛɡe la bee a bwa le.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

Galaasia 4:6

Korowii aa dɛ nyin kɛŋɔ o baɡle kɛŋɔ o biirii yaa la nomanta, o tɛ yaa o Bie la Domadɛɛɡe la o so ya nɛ, asɛ ya won dɛɛ yerɔ ‘n Mɛɛ, n Mɛɛ’, kɛŋɔ bie aa dɛ yerɛ o mɛɛ ɡɛ la.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Ɛfesos 1:13

Baa baɡle heyaa kasinteŋ dɛ le Amanesoma la aa dɛ lɛ heyaa la ta la, he ɡba sɛoh dɛ ja beŋkpoŋri ya ne Yeesu Kristo aa ɛa la ta. Haa yarada Korowii dɛ kpɔ he te tɛo la, o kpɔ o Domadɛɛɡe tɛ heyaa ɡɛ waa baɡɛ heyaa nyoa la. O Domadɛɛɡe la lɔ ya nɛɛ dɛ ɛ nso kɛŋɔ ya ɛ Korowii nɛra.

Ɛfesos 4:30

He bɛ ɡel Korowii Domadɛɛɡe la tea bini chɔɡ. Korowiirii kpɔɔ do heyaa nso dɛ́ won jemɛ he banɔ la waa dɛ ba lɛɛ o lɛɛ tɔpere la.

Felepae 1:20

Waa maa dɛ nyin n siwi swɛɛ a ta laanee kɛŋɔ, n bɛ n toma ba ɛ kahonɛ sihiih kpo mɛ, kɛɛ n won dɔ bambile kɛrɛdɛ taraken kɛŋɔ n fa aa dɔ bambile la, ásɛ Yeesu Kristo won dɔ jirima n we-ɛɛla bini. Dɛ ba ɡelɔ n so le noo, ba kpo mɛ noo, Yéesu Kristo dɔ jirima a bwa bini.

1 Tesalonika 4:8

Nomɛlbwa waa wola a ɡɛ waa nɔ ta teŋɛ la, dɛ nɛwɛnyini waa laa o vɛh, dɛ Korowii waa tɛ heyaa o Domadɛɛɡe la waa o vɛh.

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

1 Jɔn 4:19

Ya dɛ nyin dɔŋa, dɛkalkɛŋɔ Korowiirii tɔ sie nyin yaa.