Tɔn Pɔɔl Aa Chwerɛ Rom Tena 5:1 - mzwDBL

¹ Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ.

Tɔn Pɔɔl Aa Chwerɛ Rom Tena 5:1 Iomraidhean Croise

Job Tɔn 21:21

O waane laa bii waa ta ba habɔɔ wa, ɡɛ saŋ o tɔpera aa ba su dɛ ba a jaɡa la.

Yela 122:6

Soŋe deŋnesɔɔhna tɛ Jerusalam tena ŋɔ, “Nɛra baa dɛ nyin hen Jerusalam la, ba wobɛlbwa do wer tɛɛ ba.

Aesaya 27:5

Kɛ dɛ n nɛra dɔma dɛ nyin kɛ n kpɔ nɔn tɔ ba nɛ aa, n ne ba baah ɛɛ do werii.”

Aesaya 32:17

Deŋnesɔɔhnaa dɛɛ ba waa aa toɡra la ta lee, dɛ́ ɡel bɔr sɔɔh, ásɛ ɔmee aa lee do kpa bwa.

Aesaya 54:13

Men Korowiirii dɛ́ baɡle he bii wa, dɛ́ ɡel a chiɡ ba kɛrɛdɛ, bá dɔ deŋnesɔɔhna.

Aesaya 55:12

Silɛɛ nee hɛɛ ba Babelɔn lee, bosɔɔhna nee baa ba he sie tɔe le he ne bwɛjen la ta. Bwejena ne deŋɡarere bwa ɛɛ nao dɛɛ ɡo yela, daa bwa ɡe lɔ kpaŋa.

Habakuk 2:4

Wepila laanee nɔ, Babelɔn tena baa ɛ nyubinikpeɡ tena aa ba nyuu dɔ, kɛ naate o waa aa toɡra dɛɛ su Korowii siwi la, wɛɛ yaradao dɛ́ dɔ o nyu.

Sekaria 6:13

Onee dɛ́ do n Dea la, ásɛ dɛ dɔ jirima dɛ́ so kookara ta di kora. Sɔfo bɛl ɡe ɛɛ che o kookara la jwɛɛh o ne wɛɛ ɛ toma. Ba bwa dɔ nyopɛo deŋnesɔɔhna do ba nɛra banɛ bwa baah ta.’

Amanesoma Luk Aa Chwera Tɔn 19:38

Dɛ ba dɛ ŋɔ, “Korowii swee andɛɛɡa tɛ Kooro waa cheɡɛ o sɔn ta dɛɛ ba nɔ, dɛ́ ɡel nyundua tena bwa bwara sɔɔh ba!”

Amanesoma Luk Aa Chwera Tɔn 19:42

O wio ŋɔ, “Alako he fe jemɛ ɡɛ haa ɛ dɛ́ dɔ bosɔɔhna fini! Korowii kpɔɔ sɔh heya, anomanta, haa won jemɛ.

Amanesoma Luk Aa Chwera Tɔn 2:14

“Hé tɛ Korowii waa lɔ nyundua la sɔn, ásɛ dɛ ɡel nɛwɛnyina baa lɔ harɛ ta Korowii siwi aa su ba la ɡe dɔ bosɔɔhna.”

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Amanesoma Jɔn Aa Chwera Tɔn 20:31

Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.

Amanesoma Jɔn Aa Chwera Tɔn 5:24

Kasinteŋ, n dɛ ŋɔ he be, nomɛlbwa waa no n waa dɛɛ teŋɛ a ta asɛ dɛ yarada n Mɛɛ waa tom mɛ la, onee dɔ mkpa aa wola jaɡa dɔe la. Maa naate waa bol dɛ́ pa bole kpa, dɛkalkɛ o le seo nɔn ta dɛ berɛ dɔ Korowii mkpa.

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

Tɔn Pɔɔl Aa Chwerɛ Rom Tena 1:17

Yeesu Amanesoma laanee dɛɛ baɡle ɡɛ Korowii aa dɛ nyin kɛŋɔ nɛwɛnyini do ásɛ ya waa su o siwi. Le waa la mumpar ka tel a jaɡa bwa, o waa yaradae waa ɡboo a bwa. Korowii Tɔn baɡlɔ kɛŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”

Tɔn Pɔɔl Aa Chwerɛ Rom Tena 1:7

He Rom tena Korowii aa dɛ nyin heyaa dɛ le heyaa ŋɔ hé ba ɛ o nɛra he wa aa toɡra la, he bwaa mɛɛ chwerɛ tɔn nɔ. Ń Naa Korowii ne ya Dɔɔ Yeesu Kristo bwa na he sum, dɛ́ cha heya, dɛ́ tɛ heyaa bosɔɔhna.

Tɔn Pɔɔl Aa Chwerɛ Rom Tena 10:10

dɛkalkɛŋɔ Yeesu Kristo waa la yaradae bambile bwa ne taa a che Korowii ɛɛ lɛ nɛwɛnyina kɛ nɛndɛɛɡa ba wa ɛɛ su o siwi, asɛ a bola nyoa ne dɔŋa be taa a che Korowii ɛɛ lɛ yaa.

Tɔn Pɔɔl Aa Chwerɛ Rom Tena 10:15

Dɛ Korowii ta nɛn tomaa, ɛrɛɛ wɛɛ ba ɛɛ dɛ bol o waa laɔ? Anee kɛŋɔ Korowii Tɔn aa ŋɔa la. O bolɔ ŋɔ, “Hé na ɡɛ toroma baa kpoŋe Amanesoma dɛɛ valɛ la, hé no ba bala wa aa, he bambile ɛɛ sɔɔh heyaa taeh!”

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Tɔn Pɔɔl Aa Chwerɛ Rom Tena 15:33

Korowii waa dɛ tɛ yaa deŋnesɔɔhna la, ó cha he bwa. Aamen.

Tɔn Pɔɔl Aa Chwerɛ Rom Tena 3:22

Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be.

Tɔn Pɔɔl Aa Chwerɛ Rom Tena 3:30

Korowii beŋkpoŋ ɡboo lole. Yeesu Kristo yaradae taa aa ba cheɡa ó ɡel Juu tena ɛ nɛndɛɛɡa ba waa su o siwi. O yaradae taa aa ba cheɡa ó ɡel nɛra baa wola Juu tena ɛɛ ɡe ɛ nɛndɛɛɡa ba waa su o siwi.

Tɔn Pɔɔl Aa Chwerɛ Rom Tena 4:5

Kɛ nɛn waa wola wobɛlbwa ɛɛ dɛ kpɔ o yarada do Korowii ɡbo nɛɛ kɛŋɔ o won wechɔɡ-ɛɛra nɛndɛɛɡa ɛɛ la, a cheɡɛ o yarada la ta asɛ Korowii lɛo kɛ nɛndɛɛɡe o wa ɛɛ su o siwi.

Tɔn Pɔɔl Aa Chwerɛ Rom Tena 5:11

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

Tɔn Pɔɔl Aa Chwerɛ Rom Tena 5:18

Gɛ Adam wechɔɡe beŋkpoŋ aa lɛ chɔɡre tɛ nɛwɛnyina bwa la, ɡɛɛ Yeesu Kristo wedɛɛɡe beŋkpoŋ waa ɛa ɡel Korowii lɛ yaa kɛŋɔ nɛndɛɛɡa ya waa su o siwi, asɛ nɛwɛnyina bwa won dɔ mkpa aa wola jaɡa dɔe bwa.

Tɔn Pɔɔl Aa Chwerɛ Rom Tena 6:23

Wechɔɡa dɔ a kembɔr. A kembɔree seo. Asɛ kon Korowii ɡe aa dɛ tɛ laanee mkpa aa wola jaɡa dɔe bwa. Ya Dɔɔ Yeesu Kristo nɛɛ o che dɛɛ tɛ a ɡɛ mkpa nɔ.

Tɔn Pɔɔl Aa Chwerɛ Rom Tena 9:30

Ɛrɛɛ yaa ba ŋɔe yɔ? Nɛra baa wola Israel tena ɛɛ la, ba siwi aa wola swɛɛrɛ kɛŋɔ Korowii lɛɛ ba kɛ nɛndɛɛɡa ba waa su o siwi la, ba yarada nomanta, Korowii siwi su ba.

Galaasia 2:16

Kɛ, ya jemɔ kɛŋɔ Mosis Mmara ta teŋa laa ɡela nɛn ɛɛ ɛ nɛndɛɛɡe o wa ɛɛ su Korowii siwi, nemenɛ kɛŋɔ haa dɛ yarada Yeesu Kristo waa la, dɛ kpɔ he te tɛo. Yeesu Kristo nɛɛ ya ɡe kpɔ ya yarada do, asɛ Korowii koh o waa dɛ lɛ yaa kɛ nɛndɛɛɡa ya waa su o siwi. Mmara ta teŋa laa dɛɛ ba yaa nɛndɛɛɡa ɛɛ Korowii be, dɛkalkɛŋɔ Mmara ta teŋa aa won ɡel nomɛlbwa waa su Korowii siwi.

Galaasia 3:25

Yeesu Kristo yarada waa nɔ aa tel ya be nɔ, Mosis Mmara la laa dɔ yaa kpa.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Ɛfesos 2:7

O ɛ ɡɛ dɛ kpɔ baɡle nɛra baa wola toole dɛ taa ba bala ásɛ ba na ɡɛ waa ɡara sune ya nɛɛ kohona dɛ cha yaa kɛrɛdɛ, ɡɛ waa cheɡɛ Yeesu Kristo nɛɛ dɛ ta tea ɛ yaa waa nɔ bwa la. O nɛn nɛɛ suna kan kɛrɛdɛ. A ta dɔŋ dɔe.

Felepae 3:9

ásɛ ya bwa won pɛ, ásɛ n ɛ nɛndɛɛɡe, n waa su Korowii siwi. N ta ŋɔe ŋɔ ń che Mmara ta teŋa ta dɛ́ ɛ nɛndɛɛɡe n waa su o siwi. Kɛ n dɛ nyin ń che yarada maa dɛ yarada Yeesu Kristo la ta, dɛ́ ɛ nɛndɛɛɡe n waa su o siwi. Nɛndɛɛɡe ɛɛ le Korowii be o kpɔ dɛɛ tɛ nɛra la bwa baa yarada Yeesu.

Kolosi 1:20

O ɛ ɡɛ dɛ che o Bie la nɛɛ dɛ kwaa o ne kwaa aa lɔ nyundua ne harɛ bwa baah. O ɡelɔ o Bie sewɛ daɡaɡre la ta o chal kwaa wobɛlbwa.

Kolosi 3:15

Hé ɡel nyopɛo waa aa le Yeesu Kristo be la do he bambile bini wobɛlbwa ta, dɛkalkɛŋɔ Korowiirii yerɛ heyaa ŋɔ hé bwa ɛ beŋkpoŋ dɛ́ dɔ nyopɛo. Hé ɡel he sie ɛɛ su waa waa ɛa tɛ heya, hɛ́ɛ jaamo.

1 Tesalonika 5:23

Korowii waa dɛ tɛ yaa bosɔɔhna la, ó ɡbabir laa doŋa bwa kpɔ he nɛ, dɛ ɛ heyaa nɛndɛɛɡa ŋwɛnɛ bɛlbwa ta ka tel kɛŋɔ ya Dɔɔ Yeesu Kristo aa ba.

2 Tesalonika 3:16

Ya Dɔɔ Yeesu Kristo la ɡbaɡba waa dɔ bambisɔn kɛrɛdɛ la, ó tɛ heyaa bambisɔn saŋ bɛlbwa, wobɛlbwa ta, dɛ ja he bwa nɛ.

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.