Tɔn Pɔɔl Aa Chwerɛ Rom Tena 4:9 - mzwDBL

⁹ A ɡɛ som nae nɔ Devid aa bol o waa nɔ, dɛ Juu tena aa dɛ teŋe pena nɔ, ba ɡboo dɛɛ ba som nae yaa, kɛ nɛra baa wola pena teŋe bwaa o ŋɔ? Too, baa baɡla Korowii Tɔn bini ŋɔ, “Abraham yarada taa a che asɛ o waa su Korowii siwi” nɔ,

Tɔn Pɔɔl Aa Chwerɛ Rom Tena 4:9 Iomraidhean Croise

Mumpar 15:6

Belaa o yarada Korowii, asɛ Korowii che o yarada ta dɛ lɛo kɛ nɛndɛɛɡe o waa su o siwi.

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Tɔn Pɔɔl Aa Chwerɛ Rom Tena 4:10

a ɡɛ waa nɔ chiɡo mɔɔ Korowii ɡel Abraham teŋe o pen kɛɛ o teŋo mɔɔ nɔ? A chiɡo mɔɔ Abraham teŋe.

Tɔn Pɔɔl Aa Chwerɛ Rom Tena 4:3

Korowii Tɔn baɡlɔ kɛŋɔ Abraham yarada taa a che Korowii lɛo kɛ nɛndɛɛɡe o waa su o siwi.

Galaasia 3:14

Korowii fa baɡɛ Abraham nyoa ŋɔ wɛɛ sweero andɛɛɡaa. Gɛ aa ɛ ásɛ nɛra baa wola Juu tena ɛɛ che Yeesu Kristo nɛɛ dɛ dɔ a ɡɛ wedɛɛɡe nɔ la, a waa o lɛ nyotaahna la dawɛ o nɛɛ dɛ lɛ yaa le a ta la, ásɛ a che yarada ta Korowii tɛ yaa o Domadɛɛɡe la waa baɡɛ nyoa ŋɔ wɛɛ tɛ yaa la.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Kolosi 3:11

Anomanta, nɛra Korowii aa ɡela ba do ɡɛ dofale nɔ la, ba ta dɔe kɛ ba peɡri dɔŋa bini kpa kɛŋɔ onɔ ɛ Juu te kɛɛ onɔ nɔ ta Juu te ɛɛ nɔ. Nɛra bini peɡra toole kpa, kɛŋɔ onɔ teŋe o pen, kɛɛ onɔ nɔ ta o pen teŋe nɔ. Hɔɔh kɛɛ daamun te kɛɛ yom kɛɛ nɛn waa dɔ o te toole kpa, ba bwa ɛ beŋkpoŋ. Yeesu Kristo ɡbo waa hiah o nɛra.