Tɔn Pɔɔl Aa Chwerɛ Rom Tena 4:2 - mzwDBL

² O we-ɛɛla taa a che o waa su Korowii siwi aa, ate o fe dɔ waa dɛ kpɔ ta nyoa. Kɛ dɛ he nyiŋi Korowii Tɔn bini na naa, waa won ta nyoa Korowii sie.

Tɔn Pɔɔl Aa Chwerɛ Rom Tena 4:2 Iomraidhean Croise

Mumpar 12:18

Belaa kooro la aa na ɡɛ la, o tomɛ ba ka yerɛ Abram ba, asɛ o pɛɛro ŋɔ, “Bɔkwa waa he ɛɛ mɛ kenɔ? Ɛrɛɛ he ta n be ŋɔe ŋɔ he haahnee yɔ?

Mumpar 12:20

Kooro la ŋɔ o bonɔɔna be asɛ ba lawɔ le o harɛ la ta. O ne haah la ne komɛlbwa waa dɔa bwa.

Ɛsekeɛl 8:9

Korowii berɔ ŋɔ, “Jo dɛ́ ka na wedoŋa ne kwaa maa kia baa ɛa bela.”

Tɔn Pɔɔl Aa Chwerɛ Rom Tena 15:17

N ne Yeesu Kristo aa pɛa nomanta, n won n te maŋkurae toma maa ɛa dɛɛ tɛ Korowii nɔ ta.

1 Kɔrent 1:29

ásɛ nɛn bɛ won ɡɔɔ o te Korowii sie.

1 Kɔrent 1:31

Anomanta, ɡɛ Korowii Tɔn la aa ŋɔa la. “Nomɛlbwa waa dɛ nyin o te maŋkurae la, wɛɛ maŋkura o te waa Korowii aa ɛa ta.”

1 Kɔrent 4:7

Umee ŋɔ he be ŋɔ he ɡwaa bane ɔ? Wobɛlbwa haa jema la, Korowiirii tɛɛ. Bɛ nyoa dɛɛ ta a do kɛŋɔ Korowii laa kpɔ waa haa jema la kɛɛ.

1 Kɔrent 9:16

Maa won koh Amanesoma nɔ bola waa dɛɛ baɡle n te, dɛkalkɛŋɔ Korowiirii dɛɛ do mɛ asɛ mɛɛ bol. Dɛ n ta bolaa, mɛɛ dɔ waa.

2 Kɔrent 11:12

Waa maa dɛ ɛ nɔ, maa a ɛɛ ɡela ba. Mɛɛ dɛɛ ɛ ɡɛɛ, ásɛ nɛra baa dɛ maŋkura ba te ŋɔ tombeŋkpoŋii ya ne baa ɛ la bɛ won dɔ ŋwɛnɛ dɛɛ maŋkura ba te.

2 Kɔrent 11:30

Dɛ mɛɛ maŋkura n tenee yaa, waa aa dɛ chaɡle kɛ n ɛ nɛŋɡwɛɡre la taa mɛɛ ba n te maŋkurae.

2 Kɔrent 5:12

Anɔ dɛ baɡle kɛ kpɛɛraa ya kpɛɛ ya te dɛɛ baɡle heyaa ja kɛɛ? Akai! Ya dɛ nyin ya baɡle heyaa wa, ásɛ he che a ta dɛ́ won dɛɛ maŋkura yaa nɛra baa dɛ chɔɡ yaa la be. Waa nɛwɛnyina aa dɛ naa laanee baa maŋkura. Baa nɛn bambile bini waa nyiŋi.

Galaasia 3:22

Korowii Tɔn la baɡlɔ kɛŋɔ wechɔɡa vɔrɔwe nɛwɛnyina bwa, ásɛ Korowii nyobaɡa waa baɡɛ yaa la ɛ nɛra baa yarada Yeesu Kristo la ɡbo kwa. Anomanta, nɛra baa dɛ yarada Yeesu Kristo laanee Korowii ɛɛ ba o nyobaɡa kwaa la kpɔe tɛ.

Ɛfesos 2:9

Ya wedɛɛɡa ta laa a che o lɛ yaa, nomɛlbwa bɛ kpɔ dɛɛ maŋkura o te.

Felepae 3:9

ásɛ ya bwa won pɛ, ásɛ n ɛ nɛndɛɛɡe, n waa su Korowii siwi. N ta ŋɔe ŋɔ ń che Mmara ta teŋa ta dɛ́ ɛ nɛndɛɛɡe n waa su o siwi. Kɛ n dɛ nyin ń che yarada maa dɛ yarada Yeesu Kristo la ta, dɛ́ ɛ nɛndɛɛɡe n waa su o siwi. Nɛndɛɛɡe ɛɛ le Korowii be o kpɔ dɛɛ tɛ nɛra la bwa baa yarada Yeesu.

Josua 24:2

Asɛ Josua ŋɔ ba be ŋɔ, “Korowii ya Israel tena aa dɛ tomɔ la ŋɔ, ‘A saŋ la, he nabaala fa soɡe Yufretis Moo la baŋ le dɛɛ tomɛ voɡa. Ba bini bɛlee Tɛɛra waa ɛ Abraham ne Neehɔ bwa mɛɛ.