Tɔn Pɔɔl Aa Chwerɛ Rom Tena 4:12 - mzwDBL

¹² Nɛra baa teŋe ba pena la, Abraham biirii ba ɡe. Ba pena waa laa ba ɛ o bii. Dɛ ba dɔ yarada Abraham aa dɔa mɔɔ ba teŋe o pen la aa, anee bá ɛ o bii.

Tɔn Pɔɔl Aa Chwerɛ Rom Tena 4:12 Iomraidhean Croise

Job Tɔn 33:11

O do kpɛɛ n nakpale, dɛɛ nyiŋi n vala bini bwa.’

Yela 47:9

Harɛ nɔ ta koranar chemo, ba ne Korowii Abraham aa tomɔ nɛra. Harɛ nɔ ta koranar bwa lɔ o lɔɡa, o dɔŋ toole.

Sɛɡla 2:20

Anomanta, teŋɛ nɛndɛɛɡe luɡe ta, ásɛ dɛ so kɛ nɛn o wa aa toɡra.

Yelsom 1:8

Haah haa wera haahna bwa bini, haa jemɛ kɛ he teŋɛ peera luɡri ta, dɛ kpɔ he bombiire a kaa di peteɡra la kukujeɡre jwɛh.

Ɛsekeɛl 33:24

“Nɛwɛnyini bie, nɛra baa soɡe Israel harɛ bwɛjena aa paɡra ta dɛ bol ŋɔ, ‘Dɛ Abraham ɡboo, asɛ Korowii kpɔ harɛ la bwa tɛo o ɛ o kon. Kɛ ya berɔ warɛ, anomanta, o berɛ ya bwa kon pi.’

Matiu 3:9

He bɛ dɛɛ lii kɛŋɔ haa ɛ Abraham naanar la ɡbo ɛɛ wonoo ɡel he chwa Korowii bandia la. Kasinteŋ, Korowii ɛɛ wonoo ɡel bwea nɔ beɡre Abraham naanar.

Tɔn Pɔɔl Aa Chwerɛ Rom Tena 4:11

O pen teŋa la ɛ we-ɛɛle bɛl waa dɛ baɡle kɛŋɔ o yarada waa o won ɛ nɛndɛɛɡe o waa su Korowii siwi, dɛ baɡle kɛŋɔ waa wola teŋe mɔɔ la, dɛ o waa su Korowii siwi. Nɛra baa wola Juu tena ɛɛ, baa wola pen teŋe dɛɛ yarada Korowii asɛ o lɛɛ ba kɛ nɛndɛɛɡa ba waa su o siwi la, ba mɛɛɛ Abraham.

Tɔn Pɔɔl Aa Chwerɛ Rom Tena 4:13

Korowii nyoa la o fa aa baɡɛ Abraham ne o naanar ŋɔ harɛ nɔ bwa ɛɛ ba ɛ ba konee la, Mmara ta teŋa waa laa o baɡɔ ɡɛ nyoa la. Dɛ Abraham dɛ yarada Korowii, asɛ a che a ta o ɛ nɛndɛɛɡe o waa su Korowii siwi, a waa Korowii baɡɔ nyoa.

2 Kɔrent 12:18

Men soŋe Taetos dɛ tomɛ o ne ya dɔŋ asɔre te la he be. Hɛɛ wonoo ŋɔ Taetos baa neɡre heyaa di aa? Dabeŋkpoŋ laa n ne o kpoŋaa? Ya bwa we-ɛɛla ta beŋkpoŋ ɛɛ yaa?

1 Pita 2:21

A ɡɛ waa nɔɔ Korowii le heyaa ŋɔ hɛɛ na, dɛkalkɛŋɔ Yeesu Kristo koh he waa dɛ na wahala, asɛ a chɔ tɛ heyaa kɛŋɔ hɛɛ lawɛ bambile he wahala ta. Ba chwerɔ ŋɔ,