Tɔn Pɔɔl Aa Chwerɛ Rom Tena 3:2 - mzwDBL

² Ya Juu tena na som taeh dɛ ɡwaa nɛra baa kaa la ŋwɛnɛ bɛlbwa ta. Anɔ la aa tɔ sie laanee kɛŋɔ yanee Korowii tɔ sie kpɔ o waa do ya nɔn ŋɔ ya baɡle nɛra.

Tɔn Pɔɔl Aa Chwerɛ Rom Tena 3:2 Iomraidhean Croise

Yela 119:140

He nyoa haa baɡa ɛ kasinteŋ. Men maa ɛ he bonɔɔ sie dɛ lɛ a ta.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Daneɛl 10:21

kɛ anɔ la aa tɔ sie la, mɛɛ baɡle waa aa lɔ Kasinteŋ Tɔn la binii. Nomɛlbwa toole dɛ́ che n habɔɔ n ne o yo, atane nyundua torome Maekel waa dɛ di kpeɡri Israel harɛ la ɡbo.”

Amanesoma Jɔn Aa Chwera Tɔn 5:39

He swɛɛ siwi dɛɛ kure Korowii Tɔn la, ásɛ dɛɛ lii kɛŋɔ hɛɛ dɔ mkpa aa wola jaɡa dɔe le a ta. Asɛ ɡɛ tɔn nɔ bini waa ɡe ɛɛ di danseɛ dɛɛ tɛ mɛ.

We-ɛɛla 7:38

A ɡɛ Mosis nɔ ne ya naawa ne nyundua torome waa bol waa o be Sinai Bwejen ta laanee fa dɛ cheme pua hɛŋle ɡbo harɛ la ta. Belaa Korowii kpɔ o waa aa wola ɡarɛ, aa wola tonɛ ɡe la, tɛo ŋɔ ó ba ŋɔ ya be.

Tɔn Pɔɔl Aa Chwerɛ Rom Tena 1:2

A ɡɛ Amanesoma nɔ waa o che o keamere waa lee ba nɛɛ dɛ baɡɛ nɛwɛnyina nyoa a saŋ la. A waa ba chwerɛ Korowii Tɔn bini la.

Tɔn Pɔɔl Aa Chwerɛ Rom Tena 2:18

He jemɛ ɡɛ Korowii aa dɛ nyin kɛ hɛɛ ɛ, dɛ jemɛ Mmara la, dɛ jemɛ waa aa wera bwa.

Tɔn Pɔɔl Aa Chwerɛ Rom Tena 3:1

Dɛ kenii a do aa, dɛ ɛrɛ ɡwaalaa ya Juu tena ɡwaa he nɛra haa wola Juu tena ɛɛ yɔ? Dɛ bɔkwa tɔnɔɔ lɔ ya penteŋa ta nɔ?

Tɔn Pɔɔl Aa Chwerɛ Rom Tena 3:3

Amɔ dɛ ya bini bane ta Korowii yaradae yaa, wɛɛ koh a waa ásɛ o waa aa yaradaa dɔ aa?

Tɔn Pɔɔl Aa Chwerɛ Rom Tena 9:4

Israel tena maa dɛ bol ba waa nɔ, Korowii ɛɛ ba o bii dɛ baɡ ba o jirima. O ne ba fɔwɛ fɔo, asɛ o tɛɛ ba o Mmara, dɛ baɡ ba ɡɛ aa chɛ kɛ baa tomɔ, dɛ baɡ ba nyoa bele aŋwɛnɛ bwa.

1 Kɔrent 9:17

Dɛ n tetoora nee mɛɛ ɛa aa, a fe maɡrɔ kɛ n fe ɛɛ lɛ a kembɔr. Kɛ Korowiirii kpɔ o Amanesoma la do n nɔn ta ŋɔ ń bol nɛra be. Anomanta, n ɡbaɡba tetoora laa mɛɛ ɛa.

2 Kɔrent 5:19

Korowii cheɡɛ Yeesu Kristo nɛɛ dɛ kwaa o ne nɛwɛnyina baah, dɛ laɡ ba dɛɛ pɛl o te, waa wola ba wechɔɡa nyiŋi. Yanee o kpɔ o waa tɛ ŋɔ yá baɡle ɡɛ waa kwaa o ne ba baah, dɛ́ laɡ ba ásɛ o ne ba pɛ.

Galaasia 2:7

Ba ɡbabir nao kɛŋɔ Korowiirii kpɔ o waa la tɛ mɛ ŋɔ ń bol nɛra baa wola Juu tena ɛɛ la be, ɡɛ waa kpɔ o waa tɛ Pita ŋɔ ó bol Juu tena be la.

1 Timoti 6:20

Hei, Timoti! Lawɛ waa la bwa Korowii aa kpɔa do he nɔn ta la bini kɛrɛdɛ. Laa he te kpɔ wesale nɛra aa dɛ bol a ne Korowii Waa aa wola kaa, ne ɡɛnewaa bane aa wola jemɛ dɛɛ yera wejema dɛ kpɔ dɛɛ tɔŋle kasinteŋ waa la ta,

Hibru 5:12

Haa lea hweli waa nɔ biɡro, a chɛ kɛ saŋ nɔ he fe aa jema dɛɛ baɡle nɛra a wa. Kɛ he ta do kɛ nɛra baa pa mun dɛɛ hweli Korowii wa, asɛ a chɛ kɛ ba le mun ta dɛ́ baɡ ba a wa. A fe aa chɛ kɛ he won dɛɛ di kondikwaa tenten la, elee he ta ɛɛ ɔr.

1 Pita 4:11

Nomɛlbwa Korowii aa chao o won dɛɛ bol o Waa la, wɛ́ɛ bola dɛ jemɛ kɛŋɔ Korowii Waa wɛɛ bol la. Nomɛlbwa Korowii aa chao o won dɛɛ tomɛ o dɔŋ la, wɛ́ɛ tomɔ bokpeɡa Korowii aa tɛo bwa ne, ásɛ wobɛlbwa ta la, Korowii che Yeesu Kristo nɛɛ dɛ́ dɔ sɔn. On chɛ kpeɡri ne jirima aa wola jaɡa dɔe bwa. Aamen.

Wepila 19:10

Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”

Wepila 22:6

Belaa nyundua torome la ŋɔ n be ŋɔ, “Waa nɔ ɛ kpela, nyosone bɛlbwa toole a ta. N Naa Korowii o fa aa ir keamere nɛɛ la, onee tom mɛ ásɛ n ba baɡle waa aa dɛ ba ɛɛ taraken la, ásɛ o bonɔɔna ne toli jemɛ.”