Tɔn Pɔɔl Aa Chwerɛ Rom Tena 3:10 - mzwDBL

¹⁰ Anee Korowii Tɔn la ŋɔ la. O baɡlɔ ŋɔ, “Nomɛlbwa toole dɛ ɛ nɛndɛɛɡe o wa ɛɛ su Korowii siwi. Nɛmbeŋkpoŋ kwaraa toole.

Tɔn Pɔɔl Aa Chwerɛ Rom Tena 3:10 Iomraidhean Croise

Job Tɔn 14:4

Nɛn waa kah doŋa la ɛɛ won lolɛ nɛn waa wola doŋa kaeh yaa? Nɛn toole!

Job Tɔn 15:14

Nɛnee bɔkwa ó ŋɔ doŋa toole o nɛɔ? Nɛn bɛlbwa toole o waa toɡre Korowii be.

Job Tɔn 15:16

nɛn te pɔɔh, wechɔɡa suu kɛŋɔ waa dɛ nyɔ ne.

Job Tɔn 25:4

Ɛrɛɛ nɛn ɛɛ ba wona ŋɔ o waa toɡrɔ Korowii be nɔ? Ɛrɛɛ nɛwɛnyini ɛɛ ba wona ŋɔ doŋa toole o nɛɔ?

Yela 143:2

Bɛ men maa ɛ he bonɔɔ daah na, nomɛlbwa toole o waa toɡre he sie.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Jeremia 17:9

Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

Matiu 15:19

Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.

Amanesoma Mak Aa Chwera Tɔn 10:18

Anee Yeesu bɔɔro ŋɔ, “Ɛrɛɛ he yer mɛ nɛndɛɛɡe nɔɔ? Nomɛlbwa toole dɛ ɛ nɛndɛɛɡe. Korowii ɡbosoo ɛ nɛndɛɛɡe.

Tɔn Pɔɔl Aa Chwerɛ Rom Tena 11:8

Anee ba chwerɛ Korowii Tɔn bini ŋɔ, “Korowii saa ba liire, dɛ tɛɛ ba sie aa wola kasinteŋ laanee na, ne deŋna aa wola kasinteŋ laanee no, dɛ kpoŋe ba le fini tɔpere nɔ” la.

Tɔn Pɔɔl Aa Chwerɛ Rom Tena 3:11

Nomɛlbwa toole dɛ jemɛ wa, nomɛlbwa toole dɛɛ nyin o Korowii bɔr dɛ́ tomɔ.

Tɔn Pɔɔl Aa Chwerɛ Rom Tena 3:23

Nɛwɛnyini bwa ɛ wechɔɡa, ya bɛlbwa ta ɡɛ Korowii fe aa dɛ nyin o maŋkura yaa la chɛɛ.

Tɔn Pɔɔl Aa Chwerɛ Rom Tena 3:4

Akai! Dɛ nɛwɛnyini bwa ɛ nyosonteŋna kwara naa, Korowii te wa ɛɛ dɔ kasinteŋii saŋ bɛlbwa. Anee Korowii Tɔn la bol la. O baɡle Korowii waa ŋɔ, “He wobol ɛɛ baɡloo kɛŋɔ he dɔ kasinteŋ, hɛɛ dɛɛ di bole he waa taa.”

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

1 Pita 1:16

dɛkalkɛŋɔ ba chwerɛ Korowii Tɔn bini ŋɔ, “Hé do ɡoroŋ, dɛkalkɛ n do ɡoroŋ.”

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.