Tɔn Pɔɔl Aa Chwerɛ Rom Tena 3:1 - mzwDBL

¹ Dɛ kenii a do aa, dɛ ɛrɛ ɡwaalaa ya Juu tena ɡwaa he nɛra haa wola Juu tena ɛɛ yɔ? Dɛ bɔkwa tɔnɔɔ lɔ ya penteŋa ta nɔ?

Tɔn Pɔɔl Aa Chwerɛ Rom Tena 3:1 Iomraidhean Croise

Mumpar 25:32

Anee Esɔ chaŋe ŋɔ, “Sewaa mɛɛ ba sewa la, bɔkwaa nomonome dii ɡe ɛɛ ba wona ɛɛ mɛ nɔ?”

Yela 147:20

O ta anɔ ɛɛ tɛ harɛ bɛlbwa nɛra, baa o Mmarare jemɛ. Hé kpɛɛ Korowii!

Wejereme 6:11

Nɛn wobol warɔ kohona naa, aa mun kohona dɔ. Ɛrɛɛ aa ba wona dɔ tɔnɔ tɛ bɛlbwa nɔ?

Wejereme 6:8

Gwaala besoo wejereme ɡwaa ɡɛne ɔ? Dɛ nɛn nyao waa, o jo nɛra bini naa, o jemɛ ɡɛ waa dɛ lawɛ o te.

Malakae 3:14

He bolɔ ŋɔ, ‘Korowii toma ɛ wepuu. Tɔnɔ besoo ya dɔ dɛɛ le waa waa kpɔa tɛ yaa ŋɔ yaa teŋɛ a ta, asɛ a berɛ do kɛŋɔ ya tea bini chɔɡɔ Koranar Bwa Kooro sie nɔɔ?

Amanesoma Jɔn Aa Chwera Tɔn 4:22

He Samaria tena te, ɛɛ he ɡee ɛ te, kɛ haa kon haa dɛ tomɛ jemɛ. Kɛ ya Juu tena te jemɛ kon yaa dɛ tomɛ, dɛkalkɛ ya nɛɛ aa ba cheɡa ásɛ Korowii lɛ nɛwɛnyina bwa.

Tɔn Pɔɔl Aa Chwerɛ Rom Tena 3:2

Ya Juu tena na som taeh dɛ ɡwaa nɛra baa kaa la ŋwɛnɛ bɛlbwa ta. Anɔ la aa tɔ sie laanee kɛŋɔ yanee Korowii tɔ sie kpɔ o waa do ya nɔn ŋɔ ya baɡle nɛra.

Tɔn Pɔɔl Aa Chwerɛ Rom Tena 3:9

Taraken nɔ, ŋwɛnɛ besoo taa ya Juu tena ɡwaa he nɛra haa wola Juu tena ɛɛ yɔ? Ya ta heyaa ɡwaalɛ. N fa baɡlɔ kɛŋɔ ya Juu tena ne he nɛra haa wola Juu tena ɛɛ la, ya bwa ɛ wechɔɡ-ɛɛra.

1 Kɔrent 15:32

Gɛ nɛra fa aa ɛɛ mɛ Ɛfesos la do kɛŋɔ n ne kpɔɡ bini ola aa yoa ken. Dɛ harɛ nɔ ta waa ɡbo waa n ne ba yo aa, bɔkwa tɔnɔɔ n dɔ a ta nɔ? Dɛ nɛra aa seo taa iraa, ya fe ɛɛ ŋɔɔ, “Hé ɡel ya ir dɛ́ di kwaa dɛ́ lɛ sie, dɛkalkɛŋɔ tɔpebɛl yaa sewɔɔ.”

Hibru 13:9

He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.