Tɔn Pɔɔl Aa Chwerɛ Rom Tena 2:9 - mzwDBL

⁹ Nɛra baa dɛ ɛ wechɔɡa la, ba bwara ɛɛ nyɛɡoo taeh, aa noo baa taeh. Juu tenaa dɛ tɔ sie na bonyɛɡa a noo ba, nɛra baa wola Juu tena ɛɛ la ɡe jao.

Tɔn Pɔɔl Aa Chwerɛ Rom Tena 2:9 Iomraidhean Croise

2 Webena 6:23

noa nyundua bela, dɛ́ pa bole, dɛ́ tɛr onɔ la waa di bolchɔɡe la deŋne, dɛ́ ɡel boldɛɛɡe te la.

Yela 32:10

Nyubinikpeɡ tena wenaale warɔ taeh, kɛ Korowii nyina aa wola jaɡa dɔe la, dɛ tɔ nɛn waa dɛ yaradao la nɛ.

Sɛɡla 11:23

Nɛn o wa aa toɡra konnyini ɛ wedɛɛɡa, kɛ kon wechɔɡ-ɛɛ aa dɛ hwɛɡɛ o waa la, o dɛ ba bandia ne.

Ɛsekeɛl 18:4

Nɛwɛnyina bwa nyu lɔ n nɔn ta, mɛɛ kɛɛ bie bwa nyu lɔ n nɔn ta. Naate waa ɛ wechɔɡa la, naatee dɛ́ sewɛ.

Ɛsekeɛl 22:31

Mɛɛ kpɔ n banfuih ba ta ba nɛɛ kohona, dɛ́ chɔɡ ba, ba waa baa ɛa la wa. Men Nemenɛ Korowiirii bola.”

Emɔs 3:2

He ɡboo ɛ nɛra maa le heya tɛ n te harɛre nɛra bwa bini, a waa a chɛ kɛ ń tɛr he deŋne he wechɔɡa bwa waa la.”

Matiu 16:26

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ? Bɔkwaa nɛwɛnyini ɛɛ ba wona kpɔ dɛ́ charɛ o nyu ɔ?

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.

We-ɛɛla 11:18

Baa no ɡɛ la, ba nyoa sɔɔhnɔ, asɛ ba jam Korowii dɛ ŋɔ, “Amɔ te Korowiirii tɛ nɛra baa wola Juu tena ɛɛ la ɡe ŋwɛnɛ, ásɛ ba charɛ ba liire, dɛ́ le ba wechɔɡa ta, dɛ́ dɔ ba nyu!”

We-ɛɛla 13:26

Yabala, Abraham naanar ne he nɛra haa wola Juu tena ɛɛ dɛɛ tomɛ Korowii bwa, ya bee waa aa dɛ ba nɛwɛnyini lɛɛ nɔ ba.

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

We-ɛɛla 26:20

N tɔ sie la Damaskɔs, dɛ la Jerusalam, dɛ ɡaaɡe Juda harɛ la te bwa, dɛ la harɛre a nɛra aa wola Juu tena ɛɛ ɡe ta. Maa dɛ ɡaaɡe la bwa, dɛ n dɛ ŋɔ ba be ŋɔ bá charɛ ba liire, dɛ́ le ba wechɔɡa ta, dɛ́ ba Korowii be, ásɛ dɛ ɡel ba we-ɛɛla chaɡle kɛ ba charɛ ba liire dɛ le ba wechɔɡa ta.

We-ɛɛla 28:17

Pɔɔl aa di tɔpera atoro Rom la, o yerɛ bela Juu tena nomonome bwa cheme dɛ ŋɔ ba be ŋɔ, “Yabala, n ta ya bwɛɛ tena wobɛlbwa ɛɛ, n ta ya naawa waa baa dɛ ɛ la bɛlbwa nɛɛ joɛ, asɛ ba laɡ mɛ Jerusalam, dɛ kpɔ mɛ tɛ Rom tena ba tɔ mɛ dea la.

We-ɛɛla 28:28

Pɔɔl berɔ ŋɔ, “Anomanta, hé no. Korowii waa aa dɛ ba nɛwɛnyini lɛɛ la, o berɔ kpɔa tɛ nɛra baa wola Juu tena ɛɛ la, dɛkalkɛ ban dɛɛ ba o be noe.”

We-ɛɛla 3:26

A waa Korowii le o Bonɔɔ la dɛ tɔ sie tomɔ he be, ásɛ o ba swee heyaa andɛɛɡa dɛ́ ɡel bɛlbwa charɛ o liire dɛ́ le o wechɔɡa ta la.”

Tɔn Pɔɔl Aa Chwerɛ Rom Tena 1:16

Sihiih aa men kpo Yeesu Amanesoma nɔ bola ta. A taa Korowii che dɛɛ baɡle o kpeɡri, dɛɛ lɛ nɛra bwa baa yarada o waa la. Juu tenaa ó tɔ sie lɛ, nɛra baa wola Juu tena ɛɛ ɡe jao.

Tɔn Pɔɔl Aa Chwerɛ Rom Tena 10:12

Juu tena ne nɛra baa wola Juu tena ɛɛ la, ba bwa kɛrɛdɛ Korowii be. Komɛlbwa Dɔɔree Korowii. Nomɛlbwa waa wia dɛɛ yerɔ la, o dɛ chao kohona.

Tɔn Pɔɔl Aa Chwerɛ Rom Tena 2:10

Asɛ nɛra baa dɛ ɛ wedɛɛɡa la, Korowii ɛɛ ɡeloo ba dɔ jirima, dɛ́ kpɛɛ ba, dɛ́ tɛɛ ba bambisɔɔhna. Juu tenaa dɛ́ tɔ sie na anɔ bwa, nɛra baa wola Juu tena ɛɛ la ɡe jao.

Tɔn Pɔɔl Aa Chwerɛ Rom Tena 8:35

Bɔkwaa dɛ won pere ya ne Yeesu Kristo baah waa wola ya waa nyina ba kpaɔ? Noe aa dɛ no yaa kɛɛ wahala yaa dɛ na, kɛɛ cheɡa nɛra aa cheɡɛ ya nɛ, kɛɛ lɔr, kɛɛ nyaa, kɛɛ dɛ ya cheɡɛ seo nyoa o, kɛɛ sewɔ?

Tɔn Pɔɔl Aa Chwerɛ Rom Tena 9:24

Yanee o sune ya nɛɛ la. Yanee o le ŋɔ ya ɛ o nɛra la. Israel tena ɡbo bini laa o le nɛra ŋɔ ba ɛ o nɛra. O le bane nɛra baa wola Juu tena ɛɛ ɡe bini.

Galaasia 3:28

Anomanta, peɡra bɛlbwa toole he baah kpa. Juu tena oo, nɛra baa wola Juu tena ɛɛ yoo, yoma oo, deheɛre oo, haahna oo, baala oo, he bwa ɛ beŋkpoŋ Yeesu Kristo be pera.

Kolosi 3:11

Anomanta, nɛra Korowii aa ɡela ba do ɡɛ dofale nɔ la, ba ta dɔe kɛ ba peɡri dɔŋa bini kpa kɛŋɔ onɔ ɛ Juu te kɛɛ onɔ nɔ ta Juu te ɛɛ nɔ. Nɛra bini peɡra toole kpa, kɛŋɔ onɔ teŋe o pen, kɛɛ onɔ nɔ ta o pen teŋe nɔ. Hɔɔh kɛɛ daamun te kɛɛ yom kɛɛ nɛn waa dɔ o te toole kpa, ba bwa ɛ beŋkpoŋ. Yeesu Kristo ɡbo waa hiah o nɛra.

2 Tesalonika 1:6

Kɛ nɛra baa dɛ ɛ heyaa hɔhɔrɔwa la te, Korowii ɛɛ bɔ ba a kemee. O we-ɛɛla toɡrɔ. Ó ɛɛ ba ɡɛ hɔhɔrɔwa la,

1 Pita 4:17

Tɔpere telo kɛŋɔ Korowii bol nɛwɛnyina waa dɛ́ pa bole. Korowii nɛra nɛɛ wɛɛ ba mun pae. Waa dɛ ba ya kwaraa kpɔe pa mun nɔ, dɛ ɛrɛɛ nɛra baa wola Amanesoma la yaradae waa ɛɛ ba doe yɔ?