Tɔn Pɔɔl Aa Chwerɛ Rom Tena 2:4 - mzwDBL

⁴ Waa nɔ bwaa Korowii ta tea dɛɛ ɛ heya, dɛɛ tɛ heyaa sisɔna dɛɛ lawɛ bambile nɔ bwa, ásɛ he charɛ he liire dɛ́ le he wechɔɡa ta. Kɛ haa o wedɛɛɡa nɔ bu, dɛɛ nyiŋa pɛɛ.

Tɔn Pɔɔl Aa Chwerɛ Rom Tena 2:4 Iomraidhean Croise

Yela 10:11

Nyubinikpeɡ tena la yon lii ba nyu bini ŋɔ, “Korowii waane laa. O laa sie kpɔ, waa yaa na bwa!”

Yela 104:24

N Naa Korowii, he cheɡɛ he wejema ta, dɛ ɛ wejena taeh, harɛ nɔ bwa su he kontaala haa taa.

Yela 31:19

Nɛra baa dɛ ɔmɛ la, he kwaa kondɛɛɡa aa wera cheɡ ba. Nɛra baa chwaa baa marɛ la, he kpɔ waa aa wera dɛɛ tɛɛ ba.

Yela 78:38

Kɛ Korowii sune o nɛra nɛ, o kpɔ ba wechɔɡa kɛ ba, o ta ban chɔɡɛ. Keraŋwɛnɛ bwaa o lawɛ bambile, dɛ ɡel o bandia nyoa sɔɔh.

Yela 86:15

Kɛ hen Korowii te, he dɔ tedoma tɛ nɛra, dɛɛ nyin ba. He baah aa di warawara, he waa dɔ kasinteŋ, hɛɛ nyin nɛn.

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

Kaala 34:6

Belaa o teŋe Mosis sie ba kaa dɛ ŋɔ, “Menee Korowii, menee dɔ tedoma dɛɛ na nɛra sum. N baah aa di warawara, n nyina ne n kasinteŋ ɡe kan.

Wejereme 8:11

Nɛn ɛ wechɔɡa ba ta o deŋnetɛra kpɔe tɛo warane naa, nɛra dɛ dɔ liifala dɛ kpɔ dɛɛ ɛ wechɔɡa.

Aesaya 30:18

Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.

Jeremia 7:10

Waa maa kia laanee he yon ka ɛ, dɛ́ berɛ ba che n sie n Dea bonɔ dɛ́ ŋɔ, ‘Ya dɔ deŋnesɔɔhna.’

Ɛsekeɛl 11:19

Mɛɛ ɡeloo ba bambile che bobeŋkpoŋ, dɛ́ tɛɛ ba liifala. Mɛɛ laa ba bambikpeɡ waa do kɛŋɔ bwe laanee kpɔ, dɛ́ tɛɛ ba bambile waa pwɛra.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Jona 4:2

asɛ o soŋe Korowii ŋɔ, “N Naa Korowii, waa maa lɔ n bwɛɛ dɛ bol la laa nɔ naa? A waa n fee chwa dɛɛ kaa Taases la. N jemɔ kɛ he dɛ na nɛn sum, he tea dɛ domɛ nɛn nɛ, he baah aa di warawara. Nɛnnyin ɡboo he bwa. He won he liire chara dɛ́ le nɛwɛnyina deŋne tɛra ta.

Nɛra Kura 14:18

He ŋɔ he baah aa di warawara, he nyina do kan kohona, dɛ kpɔ wechɔɡ-ɛɛra ne lwɛmkpeɡ tena waa dɛɛ kɛ ba. Kɛ he dɛ tɛr nomɛlbwa waa di bolchɔɡe deŋne, dɛɛ tɛr nɛra baa ɛ wechɔɡa la deŋne, hale dɛ kpoŋe ka tel ba naanar bele batoro kɛɛ banaarɛ baa ka ba la.

Tɔn Pɔɔl Aa Chwerɛ Rom Tena 10:12

Juu tena ne nɛra baa wola Juu tena ɛɛ la, ba bwa kɛrɛdɛ Korowii be. Komɛlbwa Dɔɔree Korowii. Nomɛlbwa waa wia dɛɛ yerɔ la, o dɛ chao kohona.

Tɔn Pɔɔl Aa Chwerɛ Rom Tena 11:22

He nyiŋo na naa, dɛ he jemɔ kɛŋɔ Korowii tea som, kɛ o waa ɡe kpeɡri taeh. Nɛra ba deŋne aa kpeɡa baa wola o ŋwɛnɛ ta teŋɛ la, o dɛ nyiŋ ba sinyɛɡa ne. Kɛ dɛ hɛɛ dɛɛ teŋɛ o ŋwɛnɛ taa te naa, wɛɛ ta tea tɛ he te. Kɛ dɛ he ta o ŋwɛnɛ ta teŋaa, wɛɛ kɛ he ɡee ta.

Tɔn Pɔɔl Aa Chwerɛ Rom Tena 11:33

Ei! Korowii liire ne o wejema kan te! Umee dɛ́ won jemɛ Korowii waa mun ɔ? Umee dɛ́ won jemɛ o waa bini bwa nɔ?

Tɔn Pɔɔl Aa Chwerɛ Rom Tena 3:25

Korowiirii le Yeesu Kristo ŋɔ ó ba fuɡe o chal ta, dɛ́ soŋe ya wechɔɡa, ásɛ o bandia le nɛra baa yarada Yeesu Kristo seo waa la nɛ. Korowiirii fa saahna ɛ ɡɛ dɛ́ baɡle kɛ o waa toɡrɔ, dɛkalkɛŋɔ a saŋ la, nɛra aa dɛ ɛ wechɔɡa la, o laa sie kpɔ ba be. A fe chɛ kɛ ó tɛr nɛwɛnyini deŋne, kɛ o lawɛ bambile.

Tɔn Pɔɔl Aa Chwerɛ Rom Tena 6:1

Taraken nɔ, ɛrɛɛ yaa ba ŋɔe yɔ? A chɛ kɛ ya na dɛɛ ɛ wechɔɡa tɔpere bɛlbwa, ásɛ Korowii ɛɛ na ya sum, dɛ́ kpɔ dɛɛ kɛ yaa tɔpere bɛlbwa kɛɛ?

Tɔn Pɔɔl Aa Chwerɛ Rom Tena 6:15

Yaa lɔ Korowii suna waa sune ya nɛɛ lɔɡa yaa wola toole Mmara lɔɡa nɔ, a chɛ kɛ yaa ɛ wechɔɡa kɛɛ? Akai!

2 Kɔrent 8:2

Ba na wahala kɛrɛdɛ. A lole kɛ nyaaraa ban kohona, kɛ ba sie aa lɛ Yeesu lɛɛ waa lɛɛ ba la ta kohona nomanta, ba wono ta suuɡa kohona asɛ ba kpɔ cha nɛra.

Ɛfesos 1:18

dɛ́ pili he sie, dɛ́ ɡel he won jemɛ hwɛɡa Korowii aa le heyaa he dɔ a do kan kohona la kɛrɛdɛ, dɛ́ jemɛ kɛŋɔ wedɛɛɡa waa baɡɛ o nɛra ba wa aa toɡra nyoa ŋɔ baa dɔɔ la kan taeh,

Ɛfesos 1:7

O Binyini laanee lɛ ya seo sewɛ. O chalee yawɛ yaa tɛ Korowii, asɛ o kpɔ ya wechɔɡa dɛɛ kɛ yaa. Anee dɛɛ baɡle suna waa sune ya nɛɛ kohona dɛɛ cha yaa la.

Ɛfesos 2:4

Kɛ Korowii nyina waa dɛ nyin yaa kohona, ne suna o yon dɛɛ sune ya nɛɛ kɛrɛdɛ la nomanta,

Ɛfesos 2:7

O ɛ ɡɛ dɛ kpɔ baɡle nɛra baa wola toole dɛ taa ba bala ásɛ ba na ɡɛ waa ɡara sune ya nɛɛ kohona dɛ cha yaa kɛrɛdɛ, ɡɛ waa cheɡɛ Yeesu Kristo nɛɛ dɛ ta tea ɛ yaa waa nɔ bwa la. O nɛn nɛɛ suna kan kɛrɛdɛ. A ta dɔŋ dɔe.

Ɛfesos 3:16

N dɛ soŋo kɛ, chae waa dɛ cha yaa kohona a dɔ jirima nɔ nomanta, ó ɡel o Domadɛɛɡe tɛ heyaa kpeɡri, ásɛ he won lawɛ o waa bini kiŋkiŋ he bambile bwa ne,

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Felepae 4:19

N Naa Korowii ɛɛ cha heyaa komɛlbwa haa nyaa la taa dɛ le o kondɔɔh tenten la ta, pɛɛ he ne Yeesu Kristo aa pɛa la wa.

Kolosi 1:27

bá na dɛ́ jemɛ ɡɛ waa dɛ nyin kɛ ó ɛ nɛra baa wola Juu tena ɛɛ la baah. O waa waa pili a bini la ɛ wedɛɛɡa aa ɛ wejena dɛɛ kpo nyoa. Anee kɛ Yeesu Kristo Doma soɡe he nɛ, he dɔ hwɛɡa o be kɛ tɔpebɛl hɛɛ dɔ jirima o bee.

Kolosi 2:2

dɛ́ do he bwa ɡbemba he won nyin dɔŋa dɛ́ ɛ beŋkpoŋ, dɛ́ won jemɛ Korowii wesɔɔhla waa pili a bini tɛ heyaa la kɛrɛdɛ, he bɛ aahna-aahna tamaa bɛlbwa ɛ, dɛ́ dɔ tɔnɔ le o waa la bini kɛrɛdɛ. O waa laanee Yeesu Kristo.

1 Timoti 1:16

Kɛ Korowii sune n nɛ, asɛ Yeesu Kristo dɔ bambile tɛ mɛ n wechɔɡa damanta nɔ bwa ta, ásɛ nɛra baa ba no Korowii waa dɛ yaradao la jemɛ ɡɛ Yeesu aa dɔ bambile kohona, dɛ́ won yaradao dɛ́ dɔ o mkpa aa wola jaɡa dɔe la.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

1 Pita 3:20

A saŋ la tena baa ɛ deŋnekpeɡ dɛ vɛh Korowii Waa noe ɡɛ saŋ Nowa fa aa dɛ kwaa o daka la, ba lalaa o bol Korowii Waa baɡle la. Korowii fa lawɛ bambile ba nɛɛ biɡri, dɛ ka tel kɛŋɔ Nowa aa kwaa o daka la tonɛ. Nɛra tama baa lɔ o bini laanee Korowii lɛ nee la ta. Dɛ ba lɔ nɛra banuatoro.

2 Pita 1:11

He dɛ ɛ ken nɔ naa, Korowii ɛɛ tɛ heyaa ŋwɛnɛ kohonaa, ásɛ he ja ya Dɔɔ waa ɛ ya Lɛɛ Yeesu Kristo Kora waa wola jaɡa dɔe la ta.

2 Pita 3:15

Hé nyiŋi Korowii bambile waa lawa nɔ kɛŋɔ ŋwɛnɛɛ o tɛ heyaa kɛŋɔ he charɛ he liire, ásɛ o lɛ heya. Anee ya dɔŋ Pɔɔl yaa dɛ nyin o waa la fa kpɔ o wejema Korowii aa tɛo la dɛ chwerɛ heyaa la.

2 Pita 3:3

Anɔ la aa tɔ siee kɛŋɔ, a chɛ kɛ he jemɛ kɛŋɔ tɔpera aa ka mun nɔ ta nɔ, nɛra ɛɛ dɛɛ mamɛ heyaa. Ba sie ɛɛ dɛɛ lɛ ba pɛlchɔɡa taa.

2 Pita 3:9

Korowii aa o nyobaɡa ta too, ɡɛ bane aa dɛ lii kɛŋɔ Korowii biɡri o nyobaɡa waa baɡa ŋɔ ya Dɔɔ Yeesu ɛɛ bao la. Bambilee o dɔ tɛ heya, dɛkalkɛ waa nyin kɛ nomɛlbwa chɔɡ ta. O dɛ nyin kɛ nɛra bwa charɛ ba liire dɛ́ le ba wechɔɡa ta mɔɔ o ba.

Wepila 2:21

N tɛo tɔpere ŋɔ ó ɡel ɡɛ, ásɛ dɛ charɛ o liire le o wechɔɡa ta, kɛ waa no.

Wepila 3:20

Hɛ́ɛ no! N cheɡɛ doonyoa dɛɛ lɔ ɡbera. Naate waa no n taa dɛ́ ba yaa mɛ la, mɛɛ jo o bee, n ne o pɛ nɔn di kwa.