Tɔn Pɔɔl Aa Chwerɛ Rom Tena 2:3 - mzwDBL

³ Kɛ he te, waa haa dɛ pwah nɛra a waa la, anee he ɡee ɛ. He dɛ lii kɛŋɔ Korowii aa he te waa bola ba dɛ́ pa bole kɛɛ?

Tɔn Pɔɔl Aa Chwerɛ Rom Tena 2:3 Iomraidhean Croise

2 Samoɛl 10:3

anee Amɔn nomonjena ŋɔ Kooro Hanun be ŋɔ, “He dɛ lii kɛŋɔ duuree Kooro Devid kpɔ dɛɛ tɛ he mɛɛ dɛ tomɛ toroma ŋɔ bá ba bwɛɛle nɔ naa? Toma laa o tom ba ŋɔ bá ba sɔh nyiŋi ya harɛ nɔ, dɛ́ won ba yo yaa dɛ́ pɔ ya nɛ aa?”

Job Tɔn 35:2

“Job, he dɛ lii kɛŋɔ waa nɔ toɡraa? He ŋɔ, ‘N Naa Korowii, ɛrɛɛ n bolchɔɡe dii ɛɛ ba wona ɛɛ nɔ?’

Yela 50:21

Anɔ bwaa hɛɛ ɛ, asɛ n tɔ nyoa, he dɛ lii kɛŋɔ n do kɛ heya. Kɛ n dɛ kah heya, dɛ́ kpɔ waa haa ɛa bwa bil he sie.”

Yela 56:7

N Naa Korowii, tɛr ba deŋne ba wechɔɡa wa, yoo ba, dɛ́ pɔ ba nɛɛ he bandia ne.

Sɛɡla 11:21

A ɛ kpela kɛŋɔ wechɔɡ-ɛɛra ɛɛ dɔ deŋnetɛraa, kɛ nɛndɛɛɡa te ɛɛ dɔ ba nyuu.

Sɛɡla 16:5

Korowii hah nɛn waa dɛ ɛ mbarafo, kpelaa, naate ɛɛ di bolchɔɡee dɛ́ dɔ deŋnetɛra.

Ɛsekeɛl 17:15

Kɛ Juda kooro la ɛ deŋnekpeɡ dɛ ŋɔ waa won do Babelɔn kooro lɔɡa, asɛ o tomɛ toroma Ijipt harɛ ba ka kpɔ jaɡre ne laa tena baa wara ba. Aa won maɡre tɛo waa? Wɛɛ won le a nyoa aa? Wɛɛ won chɔɡ o ne o baah fɔo la waa wola deŋnetɛraa dɔ aa?

Ɛsekeɛl 17:18

Kooro la ŋwɛɛra waa ŋwɛɛra ne fɔo o ne Babelɔn kooro aa fɔwa la, o ta a ta teŋɛ. Anɔ waa ɛa nɔ bwa ɡelɔ waa won le a nyoa.”

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Matiu 23:33

Nɛnchɔɡa kɛŋɔ harɛkwa, domkpuli bii! Ɛrɛɛ hé ɛ haa wola Bɔnsam nii taa joɔ?

Matiu 26:53

Haa jemɛ kɛŋɔ n fe ɛɛ wonoo yerɛ n Mɛɛ ŋɔ ó ba cha mɛ, ásɛ o ɡel nyundua toroma baa wola nyoa dɔe ba dɛ́ ba yo lɛɛ mɛ kɛɛ?

Amanesoma Luk Aa Chwera Tɔn 12:14

Asɛ Yeesu ŋɔ o be ŋɔ, “Nɛmbaa, umee kpɔ mɛ cheɡ ŋɔ ń bol he waa dɛ́ bɔne he kapɛrɛ ɔ?”

Amanesoma Luk Aa Chwera Tɔn 22:58

Aa bera la sie tama ken la, baa bɛl na Pita dɛ ŋɔ o be ŋɔ, “Ba bini bɛlee he ɡba!” Anee o ŋɔ, “Akai, n ta ba nɛɛ jae!”

Amanesoma Luk Aa Chwera Tɔn 22:60

Belaa Pita ŋɔ baa la be ŋɔ, “Maa waa haa dɛ bol nɔ bini jemɛ!” O nyoa ta aa lɔ waa la ta wɛɛ bol la jabal den si.

Tɔn Pɔɔl Aa Chwerɛ Rom Tena 1:32

Ba jemɔ kɛŋɔ Korowii ŋɔ nɛra baa dɛ ɛ ken la, ba chɛ kpoe, kɛ dɛ ɡe ta na dɛɛ ɛa, dɛ ɡarɛ dɛɛ kpɛɛ nɛra baa dɛ ɛa la.

Tɔn Pɔɔl Aa Chwerɛ Rom Tena 2:1

He naate haa dɛ pwah he dɔŋ la, he ta wobɛlbwa dɔe dɛ́ bol dɛ́ lɛ he te kpa. Henee ume noo, haa dɛ pwah he dɔŋ dɛ berɛ dɛɛ ɛ o wechɔɡa waa dɛ ɛ la dɔŋa la, dɛ he ɡbaɡbaa hɛɛ pa bolchɔɡe la.

Tɔn Pɔɔl Aa Chwerɛ Rom Tena 2:2

Nɛn ɛ wechɔɡa nɔ dɔŋa aa, Korowii dɛ pao bolchɔɡe. O te, aŋwɛnɛ taa wɛɛ pa nɛwɛnyini bolchɔɡe.

Tɔn Pɔɔl Aa Chwerɛ Rom Tena 9:20

Dɛ henee ume kɛŋɔ Korowii bol waa he chaŋe bɛl ɔ? Vii ɡee wonoo bɔɔ mamaa waa aa bala o mao ɡɛ waa mao wa aa?

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.