Tɔn Pɔɔl Aa Chwerɛ Rom Tena 2:16 - mzwDBL

¹⁶ Waa nɔ bwaa dɛɛ ba ɛɛ awola Korowii aa dɛ ba nɛra wechɔɡa baa ɛa dɛɛ sɔh la ne bochaah lee, ásɛ Yeesu Kristo pa ba bole. Gɛɛ me Amanesoma la ɛɛ baɡle.

Tɔn Pɔɔl Aa Chwerɛ Rom Tena 2:16 Iomraidhean Croise

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

Yela 50:6

Kwaa aa lɔ nyundua dɛ baɡle kɛŋɔ Korowii waa toɡrɔ, dɛkalkɛ onee bol nɛra waa dɛɛ pa bole.

Yela 96:13

saŋ Korowii aa ba di kora harɛ nɔ ta la. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta ne kasinteŋ ne.

Yela 98:9

dɛkalkɛ o dɛ ba harɛ nɔ ta ba di kora. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta, ne kasinteŋ ne.

Wejereme 11:9

He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.

Wejereme 12:14

Wobɛlbwa yaa dɛ ɛ la, Korowii ɛɛ bol a waa, dɛ́ pa bole, andɛɛɡa ne anchɔɡa bwa, hale anɔ la aa sɔah bwa.

Wejereme 3:17

N lii n nyu bini ŋɔ, “Korowii ɛɛ ba bol nɛra ba wa aa toɡra, ne nyubinikpeɡ tena bwa waa dɛ́ pa ba bole, dɛkalkɛ wobɛlbwa ɛɛ dɔ o saŋee, we-ɛɛla bɛlbwa ɡe dɔ o tɔpere.”

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Amanesoma Luk Aa Chwera Tɔn 8:17

Komɛlbwa waa sɔah la ɛɛ le bochaahnee ba nao. Waa bwa baa tɔ a ta la ɛɛ ba leo nɛra jemɛ.

Amanesoma Jɔn Aa Chwera Tɔn 12:48

Kɛ nɛn waa vɛh n ne n waa maa dɛ bol la ɛɛ di bolchɔɡee. N waa maa dɛ bol nɔɔ dɛ́ pao bolchɔɡe tɔpere bwa jaɡa wee.

We-ɛɛla 10:42

Onee le yaa dɛ ja yaa ŋɔ yá bol o waa baɡle nɛra bwa, dɛ́ di danseɛ kɛŋɔ onee Korowii le ŋɔ ó ba di weera ne lala bwa wa.

We-ɛɛla 17:31

dɛkalkɛŋɔ o do tɔpere waa dɛ ba nɛwɛnyini bwa waa bola kasinteŋ ne la. O le nɛn wɛɛ ba waa la bola. O ir naate seo ta ásɛ nɛra jemɛ kɛŋɔ kpelaa o waa la.”

Tɔn Pɔɔl Aa Chwerɛ Rom Tena 16:25

Hé ɡel ya jam Korowii. Wɛɛ wonoo ɡel he che kiŋkiŋ Yeesu Kristo Amanesoma maa dɛ bol he be la ta. Korowii pili a ɡɛ waa nɔ bini. Anee fa ɛ wesɔɔhla saŋ la bwa la,

Tɔn Pɔɔl Aa Chwerɛ Rom Tena 2:5

He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.

Tɔn Pɔɔl Aa Chwerɛ Rom Tena 3:6

Kɛ ɡɛ laa a do. Dɛ Korowii waa ta toɡraa, ɛrɛɛ wɛɛ ba ɛɛ dɛ te won bol nɛwɛnyini waa dɛ́ pa bole ɔ?

1 Kɔrent 15:1

Yabala, hé ɡel n lii heyaa Amanesoma la n fa aa bola baɡle heyaa asɛ he no dɛ taa teŋɛ a ta,

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

2 Kɔrent 5:10

dɛkalkɛŋɔ ya bwa ɛɛ ba che Yeesu Kristo sie o bol ya waa dɛ́ pa bole, ásɛ bɛlbwa dɔ waa o fa aa soɡe le dɛɛ ɛ la kembɔr. Dɛ bɛlbwa we-ɛɛla wer oo, aa were oo, wɛɛ dɔ a kembɔree.

Galaasia 1:11

Yabala, hé ɡel n ŋɔ he be ŋɔ Yeesu Kristo Amanesoma nɔ maa dɛ bol he be nɔ, nɛwɛnyini be laa a le.

1 Timoti 1:11

Gɛ waa aa toɡra la bwa lɔ Amanesoma Korowii aa kpɔa do n nɔn ta ŋɔ ń chaɡle nɛra la ta. Anee dɛɛ baɡle Korowii waa dɔ jirima ne silɛɛ la wa.

2 Timoti 2:8

Lii Yeesu Kristo waa kɛŋɔ o iro le seo ta. Kooro Devid Naa on. Gɛ waa nɔɔ mɛɛ bol Amanesoma maa dɛ baɡle nɛra la ta,

2 Timoti 4:1

N cheɡɛ N Naa Korowii ne Yeesu Kristo waa dɛ ba ba bol weera ne lala waa dɛ́ pa bole la sie, dɛ koh kora waa dɛ ba ba di la waa dɛɛ ŋɔ he be sibeɡra ne ŋɔ,

2 Timoti 4:8

Kon waa ka mɛ taraken laanee kompoŋ Korowii aa dɛ́ ba nɛndɛɛɡa baa yoa le, ba waa su o siwi la vɔwa. N Dɔɔ waa kpɔ kasinteŋ bol waa dɛɛ pa bole laanee dɛɛ ba n tɛɛ, awola waa ba bol nɛra bwa waa dɛ́ pa bole la. N ɡbo laa dɛɛ ba ɡɛ kembɔr la dɔe. Nɛra baa dɛ pɛlɛ o nɛɛ dɛɛ nyiŋu ŋwɛnɛ la bwa ɛɛ dɔɔ.

Hibru 9:27

Kerabeŋkpoŋii nɛwɛnyini bɛlbwa ɛɛ ba sewa, ásɛ a habɔɔ la, Korowii bol o waa dɛ́ pa bole.

1 Pita 4:5

Anɔ bwa baa dɛ ɛ nɔ, baa ba tɔh ba nyoa Korowii siee. O kpɔ o te dɛɛ ba weera ne lala bwa waa bola dɛ́ pa bole.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.