Tɔn Pɔɔl Aa Chwerɛ Rom Tena 2:12 - mzwDBL

¹² Nɛra baa wola Mmara Korowii aa kpɔa tɛ Mosis la jemɛ dɛɛ ɛ wechɔɡa la, baa sewɔɔ. Kɛ Mosis Mmara la ta laa Korowii ɛɛ ba nyiŋa, dɛ́ bol ba waa dɛ́ pa bole. Banɔ la baa jemɛ Mmara la, Mmara la taa Korowii ɛɛ ba nyiŋa dɛ́ bol ba waa dɛ́ pa bole.

Tɔn Pɔɔl Aa Chwerɛ Rom Tena 2:12 Iomraidhean Croise

Matiu 11:22

Kasinteŋ, awola Korowii aa ba dɛ́ ba bol nɛra bwa waa dɛ́ pa bole la, wɛɛ na Taaya ne Sidon tena sumii ɡwaa heya.

Matiu 11:24

Kasinteŋ, hé jemɛ kɛŋɔ awola Korowii aa ba bol nɛra bwa waa dɛ́ pa bole la, wɛɛ na Sodom tena sumii ɡwaa heya.”

Amanesoma Jɔn Aa Chwera Tɔn 19:11

Asɛ Yeesu ŋɔ, “Korowiirii sɛah dɛ ɡel he dɔ kpeɡri n nɛ. O fe ta sɛɛh yaa, he fe ta kpeɡri dɔe n nɛ. Nɛn waa lee mɛ tɛ dɛ ɡel he dɔɔ mɛ la wechɔɡa ɡwaa he kwa.”

We-ɛɛla 2:23

Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo.

Tɔn Pɔɔl Aa Chwerɛ Rom Tena 1:32

Ba jemɔ kɛŋɔ Korowii ŋɔ nɛra baa dɛ ɛ ken la, ba chɛ kpoe, kɛ dɛ ɡe ta na dɛɛ ɛa, dɛ ɡarɛ dɛɛ kpɛɛ nɛra baa dɛ ɛa la.

Tɔn Pɔɔl Aa Chwerɛ Rom Tena 4:15

Mmara laanee dɛɛ ba Korowii bandia ne nɛra nɛ. On lole nɛra ɡee konu waa Korowii baah ɛɛ di nɛra nɛ. Dɛ Mmara fe toole naa, nɛra fe aa on koni.

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

1 Kɔrent 9:21

Gɛ tentenee dɛ n koo nɛŋhɔɔhra baa wola Mosis Mmara la ta teŋɛ nɛ aa, n yon ɛ n te kɛ ban, ásɛ dɛ dɔɔ ba tɛ Korowii. Kɛ aa baɡle kɛ n dɛ vɛh Korowii nyoa wobol. N dɛ teŋɛ ɡɛ Yeesu Kristo aa ŋɔa yá teŋɛ la ta.

Galaasia 3:10

Nɛra baa kpɔ sie dawɛ Mosis Mmara ɡbo ta kɛŋɔ a taa ba che Kórowii lɛɛ ba la, bá bwɛɛlɛ, dɛkalkɛŋɔ a lɔ Korowii Tɔn bini kɛŋɔ, “Nomɛlbwa waa koni Mosis Mmara la bɛlbwa saŋ bɛlbwa wee la, ó bwɛɛlɛ.”

Galaasia 3:22

Korowii Tɔn la baɡlɔ kɛŋɔ wechɔɡa vɔrɔwe nɛwɛnyina bwa, ásɛ Korowii nyobaɡa waa baɡɛ yaa la ɛ nɛra baa yarada Yeesu Kristo la ɡbo kwa. Anomanta, nɛra baa dɛ yarada Yeesu Kristo laanee Korowii ɛɛ ba o nyobaɡa kwaa la kpɔe tɛ.

Mmarare 27:26

Ásɛ ba berɛ ŋɔ, ‘Nomɛlbwa waa wola Korowii Mmarare ne o webaɡla ta teŋɛ la, Kórowii taahno.’ Israel tena la bwa chaŋe ŋɔ, ‘Aamen!’ ”

Jems 2:10

Nomɛlbwa waa teŋɛ Mmara la bwa ta kɛ dɛ koni o bini beŋkpoŋ la, dɛ o koni o bwa, dɛ di bolchɔɡe.