Tɔn Pɔɔl Aa Chwerɛ Rom Tena 2:10 - mzwDBL

¹⁰ Asɛ nɛra baa dɛ ɛ wedɛɛɡa la, Korowii ɛɛ ɡeloo ba dɔ jirima, dɛ́ kpɛɛ ba, dɛ́ tɛɛ ba bambisɔɔhna. Juu tenaa dɛ́ tɔ sie na anɔ bwa, nɛra baa wola Juu tena ɛɛ la ɡe jao.

Tɔn Pɔɔl Aa Chwerɛ Rom Tena 2:10 Iomraidhean Croise

Job Tɔn 22:21

Job, kpɔ he te tɛ Korowii, ásɛ he bwara sɔɔhne, he ɛ ɡɛ naa, wobɛlbwa ɛɛ do werii tɛɛ.

Yela 15:2

Naate waa dɛ teŋɛ Korowii waa ta dɛɛ ɛ waa aa toɡra, dɛɛ bol kasinteŋ o bambile bwa ne la,

Yela 29:11

Korowiirii dɛɛ tɛ o nɛra bokpeɡa, dɛɛ swee ba andɛɛɡa, dɛɛ tɛɛ ba deŋnesɔɔhna.

Yela 37:37

Hé nyiŋi nɛra ba wa aa toɡra na, ba dɔ deŋnesɔɔhna ba kerekere soɡa bini.

Sɛɡla 11:18

Wechɔɡ-ɛɛ koeh aa tɔnɔ bɛlbwaa dɔ tɛo, nɛn o wa aa toɡra dɛ́ dɔ kɛrɛdɛ.

Sɛɡla 8:18

Menee dɔ kondɔɔh ne jirima dɛ kpɔ dɛɛ tɛ, dɛ soɡa bini wer doe dɛ ka tonɛ.

Aesaya 26:12

N Naa Korowii, he dɛ tɛ yaa deŋnesɔɔhna, komɛlbwa yaa dɔa la, henee ɛa tɛ yaa.

Aesaya 32:17

Deŋnesɔɔhnaa dɛɛ ba waa aa toɡra la ta lee, dɛ́ ɡel bɔr sɔɔh, ásɛ ɔmee aa lee do kpa bwa.

Aesaya 48:18

Dɛ he fe cheɡ deŋne n waa ta naa, he fe dɔ deŋnesɔɔhna kɛrɛdɛ, kɛŋɔ nenabɔɔ waa wola hweeh bwa, dɛ́ dɔ kpeɡri kohona kɛŋɔ mpo nehɛma ken, dɛ́ won wobɛlbwa ɛɛ á toɡre.

Aesaya 48:22

Korowii ŋɔ, “Bosɔɔhna toole dɛ tɛ wechɔɡ-ɛɛra.”

Aesaya 55:12

Silɛɛ nee hɛɛ ba Babelɔn lee, bosɔɔhna nee baa ba he sie tɔe le he ne bwɛjen la ta. Bwejena ne deŋɡarere bwa ɛɛ nao dɛɛ ɡo yela, daa bwa ɡe lɔ kpaŋa.

Aesaya 57:19

ásɛ Israel tena wii berɛ kpɛɛra. Banɔ la baa lɔ bojaŋa ne sie bonɔ la, mɛɛ tɛɛ baa deŋnesɔɔhna tentenee, mɛɛ chaah baa. Men Korowiirii bola.

Jeremia 33:6

Kɛ bwɛjen nɔ nɛra te, mɛɛ berɔ ɡel bá dɔ bokpeɡa, dɛ́ ɡel ba dɔ deŋnesɔɔhna ne bosɔɔhna ɡe kohona.

Nɛra Kura 6:26

Ó ɛ heyaa kɛrɛdɛ, dɛ́ tɛ heyaa deŋnesɔɔhna.”

Matiu 10:13

Dɛ dem bela tena lɛ heyaa silɛɛ ne naa, baa dɔ bosɔɔhna dem belaa. Kɛ dɛ ba ta heyaa lɛɛ silɛɛ ne naa, baa bosɔɔhna dɔe ba.

Amanesoma Luk Aa Chwera Tɔn 1:79

ásɛ dɛ chaah ya banɔ la yaa lɔ biro ta dɛɛ ɔmɛ seo la, dɛ́ chaɡle yaa deŋnesɔɔhna ŋwɛnɛ.”

Amanesoma Luk Aa Chwera Tɔn 12:37

Bonɔɔna baa soɡa kpa ba dɔɔ, ba ta dom chɔe o ba puu ba la, ba sie dɛ lɛ. Kasinteŋ, n dɛ ŋɔ he be, wɛɛ kpɔ o tenee dɛ́ yer ba so tiɡ ta, ásɛ dɛ tɛɛ ba kwaa ba di.

Amanesoma Luk Aa Chwera Tɔn 19:42

O wio ŋɔ, “Alako he fe jemɛ ɡɛ haa ɛ dɛ́ dɔ bosɔɔhna fini! Korowii kpɔɔ sɔh heya, anomanta, haa won jemɛ.

Amanesoma Luk Aa Chwera Tɔn 22:14

Bɔr aa maɡra kɛŋɔ bá di Galekaa kondikwaa la, Yeesu ne o toroma la kaa so dɛɛ ba kwaa dii.

Amanesoma Luk Aa Chwera Tɔn 9:48

dɛ ŋɔ ba be ŋɔ, “Nomɛlbwa waa koh n waa dɛ nyiŋi bie nɔ nɛɛ la, dɛ menee o nyiŋi la. Nomɛlbwa ɡe waa nyiŋi n nɛɛ la, dɛ naate waa tom mɛ laanee o nyiŋi la. Naate waa ɛ o te bechala he bini la, onee nomoa.”

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

We-ɛɛla 10:35

Kɛ harɛ bɛlbwa ta la, nomɛlbwa waa dɛ ɔmɛ Korowii dɛ jemɔ la, Korowii sie dɛ lɛ o nɛ.

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

Tɔn Pɔɔl Aa Chwerɛ Rom Tena 2:9

Nɛra baa dɛ ɛ wechɔɡa la, ba bwara ɛɛ nyɛɡoo taeh, aa noo baa taeh. Juu tenaa dɛ tɔ sie na bonyɛɡa a noo ba, nɛra baa wola Juu tena ɛɛ la ɡe jao.

Tɔn Pɔɔl Aa Chwerɛ Rom Tena 5:1

Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ.

Tɔn Pɔɔl Aa Chwerɛ Rom Tena 8:6

He kpɔ liire do nɛwɛnyini mar nɔ liichɔɡa waa ta naa, he ne sewee. Kɛ he kpɔ liire do Korowii Domadɛɛɡe tetoowaa ta naa, he dɔ mkpa dɛ dɔ deŋnesɔɔhna.

Tɔn Pɔɔl Aa Chwerɛ Rom Tena 9:21

Naate waa dɛ ma la, o ta ŋwɛnɛ dɔe kɛ o kpɔ choh waa dɛ ma a ne la ma kwaa aa too o tea aa? A too o tea aa, wɛɛ kpɔ a ɡɛ choh laanee ma viine anɛ, dɛ́ kpɔ bɛl dɛɛ ɛ kwaa tɔpejena ɡbo, dɛ́ kpɔ bɛl ɡe dɛɛ ɛ kwaa tɔpere bɛlbwa.

Tɔn Pɔɔl Aa Chwerɛ Rom Tena 9:23

ásɛ nɛra waa sune ba nɛɛ dɛ cheɡ ba kɛŋɔ bá ba na som la won jemɛ ɡɛ o som la aa doa dɛ dɔ jirima kohona.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Felepae 4:7

Belaa ó ɡe tɛ heyaa o bambisɔn waa ɡwaa bambisɔn te bwa nɛwɛnyini be á cha heya, dɛ́ ɡel he bambile ne liire chɔ bobeŋkpoŋ pɛɛ he ne Yeesu Kristo aa pɛa la wa.

1 Timoti 1:17

Yá kpɔ duure tɛ Koojen la o Kora dii aa wola jaɡa dɔe, waa wola sewɛ bwa, baa wola won on na, o ɡbo aa ɛ Korowii la, dɛɛ ɡuŋu harɛ fini ne tɔpere bɛlbwa. Aamen.

Hibru 2:7

Tamaa kenii he ɡel nyundua toroma ɡwaalo. He ɡelɔ o dɔ jirima, asɛ komɛlbwa ɛɛ tɛo duure,

Jems 2:22

He ta nae kɛŋɔ o yarada ne o wedɛɛɡa ɛɛ bwa aa pɛ aa? O wedɛɛɡa ɛɛ taa a che o yarada ɛ yarada kasinteŋ.

Jems 3:13

He bini umee ɛ wejereme dɛɛ no waa mun ɔ? Gel o pwɛr o te dɛɛ ɛ wedɛɛɡa, ásɛ o da baɡle kɛ o ɛ wejereme.

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

1 Pita 5:4

He dɛ ɛ ɡɛ naa, Peteɡra Bwa Dɔɔ la balaa, wɛɛ tɛ heyaa jirima kon o wer aa wola tu bwa, o ɛ kompoŋ haa yoa dɛ le ba vɔwɛ heya.

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.