Tɔn Pɔɔl Aa Chwerɛ Rom Tena 16:4 - mzwDBL

⁴ Ba fa koh n waa dɛ kpɔ ba nyuune charɛ seo. N ne asɔre tena baa wola Juu tena ɛɛ la bwaa dɛɛ jam ba.

Tɔn Pɔɔl Aa Chwerɛ Rom Tena 16:4 Iomraidhean Croise

2 Samoɛl 22:41

He ɡelɔ n dɔma chwa le n sie, n kpoo ba.

Maeka 2:3

Anomanta, Korowii ŋɔ, “N dɛ vɔrɔwe kɛ ń kpɔ wahala ba ta he nɛ, haa wola won chwa dɛ le a nyoa. Wenaale la dɛ ba he nɛɛ ɡwaala kohona, haa wola won valɛ dɛɛ ɡu kpa.

Amanesoma Jɔn Aa Chwera Tɔn 15:13

Nyina bɛlbwa toole dɛ ɡwaa kɛŋɔ nɛn aa wona koh o daamanar waa dɛ sewɛ.

We-ɛɛla 15:26

Bambile bwa nee Pɔɔl ne Banabas ɛɛ ɛ ya Dɔɔ Yeesu Kristo toma nɔ. Dɛ baa dɔ sewee toma nɔ ɛɛ ta noo, ba waane laa.

We-ɛɛla 15:41

Baa dɛ kaa la, ba kpɔ Siiria ne Silisia harɛ ta dɛɛ ja bela asɔre tena, dɛɛ do ba ɡbemba.

We-ɛɛla 16:5

Gɛɛ ba ɛ dɛ won cha bela asɔre tena ba do kpeɡri Yeesu waa baa dɛ yarada la ta, asɛ nɛnfala ɡe baa ja ba nɛɛ tɔpere bɛlbwa.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

Tɔn Pɔɔl Aa Chwerɛ Rom Tena 16:3

N dɛ na Presela ne Akwela n ne ba bwa aa dɛ ɛ Yeesu Kristo toma nɔ la.

Tɔn Pɔɔl Aa Chwerɛ Rom Tena 16:5

N dɛ na asɔre tena baa cheme ba dem dɛɛ tomɛ Korowii la bwa. N dɛ na n chamenate Epaenitus waa tɔ sie yarada Yeesu Kristo waa nɔ Eesia harɛ ta bwa la.

Tɔn Pɔɔl Aa Chwerɛ Rom Tena 5:7

A kpeɡri kɛŋɔ nɛn lɛ nɛndɛɛɡe kwaraa seo dɛ́ sewɛ. Nɛn waa dɛ nyin nɛn la te, bɛl lole nomɛl ken ɛɛ wonoo lɔ bambile lɛ o seo dɛ́ sewɛ.

1 Kɔrent 16:1

A ka suuɡa yaa dɛ nyin ya ta tɛ Korowii nɛra la. Hɛ́ɛ ɛ ɡɛ n fa aa ŋɔ asɔre tena baa lɔ Galaasia harɛ ta be ŋɔ báa ɛ la.

1 Kɔrent 7:17

Korowiirii tɛ bɛlbwa o we-ɛɛla wɛɛ ɛ. Anomanta, a chɛ kɛŋɔ bɛlbwa ɛ ɡɛ Korowii aa leo dɛ tɛo ŋɔ wɛ́ɛ ɛ la. Gɛɛ mɛɛ bol asɔre tena baa lɔ bobɛlbwa la be.

Felepae 2:30

Yeesu Kristo toma waa o koh dɛ kpɔ o nyu charɛ seo. A ka jɛɛ ken o fee sewɛ. Waa haa wola won cha mɛ a ta, dɛ koh a waa tomɔ n be la taa o fe ɛɛ ba sewa.

1 Tesalonika 2:14

Yabala, he ne Korowii nɛra baa lɔ Juda harɛ dɛɛ teŋɛ Yeesu Kristo nɛɛ la bwa ɛ beŋkpoŋ, dɛkalkɛŋɔ wahala baa naa Juu tena be la, he ɡe na a dɔŋa he bwɛɛ tena be.

Josua 10:24

Baa laɡ ba le ba tɛ Josua la, o yerɛ Israel tena la ne laa nomonome la bwa cheme, asɛ dɛ ŋɔ nomonome la be ŋɔ, “Hé kpɔ he nakpale ɛɡre a ɡɛ koranar nɔ baŋare ta.” Ate, koranar la le dɛ ba chɔ harɛ, ba kpɔ ba nakpale ɛɡre ba baŋare ta.

1 Jɔn 3:16

Gɛ Yeesu Kristo aa koh ya waa dɛ kpɔ o te tɛ dɛ sewɛ la, a taa ya che dɛ jemɛ ɡɛ nyina aa doa. A chɛ kɛŋɔ ya ɡe koh yabala waa dɛ́ ɡe kpɔ ya te tɛ kɛŋɔ yaa sewɔɔ tɛɛ ba.

Wepila 1:4

Men Jɔnee chwerɛ waa nɔ dɛɛ tɛ asɔrere bele anuanɛ aa lɔ Eesia harɛ ta la. Korowii waa lole saŋ la dɛ ba le fini, dɛɛ ba le doe saŋ bɛlbwa la, o ne o Domare anuanɛ aa lɔ o kookara mun la,