Tɔn Pɔɔl Aa Chwerɛ Rom Tena 16:1 - mzwDBL

¹ Yɔɔ. Ya nimambie nɔ sɔne Fiibi. Asɔre tena baa lɔ Keŋkrea la binii o do dɛɛ ɛ toma.

Tɔn Pɔɔl Aa Chwerɛ Rom Tena 16:1 Iomraidhean Croise

Matiu 12:50

Nomɛlbwa waa dɛ ɛ waa n Mɛɛ waa lɔ nyundua aa dɛ nyin kɛ ó ɛ laanee n nime ne n nimambie ne n nya.”

Amanesoma Mak Aa Chwera Tɔn 10:30

wɛɛ dɔ a ɡɛ bwɛɛre ne nimanar ne dɔɔranar ne nyawa ne bii, dɛ kooni nɔ bɛlbwa kembɔree kera lafa harɛ nɔ ta, dɛ́ ja hɔhɔrɔwa nɛra aa dɛ ba o haeh dɛ́ ɛo la ta. A bwa habɔɔ la, wɛɛ dɔ Korowii mkpa aa wola jaɡa dɔe ɡee nyundua ja.

Amanesoma Luk Aa Chwera Tɔn 8:3

Bɛl ɡee Joana waa ɛ Kusa waa ɛ nomoa dɛɛ nyiŋi Kooro Hɛrɔd dem la haah, ne Susaana ne ba bala bane baa wara dɛ teŋɛ Yeesu ne o habɔteŋra la nɛ, dɛ kpɔ ba ɡbaɡba suuɡa dɛ yawɛ kwaa tɛɛ ba baa di la.

We-ɛɛla 18:18

A habɔɔ la, Pɔɔl soɡe Kɔrent asɔre tena la be biɡri, asɛ dɛ kal ba dɛ le bela kaa Keŋkrea. Dɛ o baɡɛ nyoa bɛl, anomanta, o fonɛ o nyu mɔɔ dɛ le Keŋkrea, asɛ o ne Akwela ne Presela kpɔ stiimae dɛɛ kaa Siiria harɛ.

2 Kɔrent 3:1

Yaa dɛ ŋɔ ken nɔ, kpɛɛraa yaa kpɛɛ ya te ja kɛɛ? A hiaoh kɛŋɔ ya kpoŋe tɔne aa baɡle ya nɛnsoo ne ɡɛ ya toma aa doa mɔɔ he lɛ yaa aa? Kɛɛ a hiaoh kɛ ya dɔ ane le he be ásɛ nɛra won yarada yaa aa?

1 Timoti 5:2

dɛ́ kpɔ haahna baa ɡwaale nomonome la ɛ he nyare. Ásɛ bihaahna haa ɡwaa ba la ɡe, hɛ́ɛ ɛɛ ba kɛ he nimambii, wedoŋa bɛlbwa bɛ he ne ba baah ta do.

Faelemɔn 1:2

ne ya nimambie Afia, ne ya dɔŋ Akipus ya ne waa cheɡa dɛ yo dɛɛ tɛ Korowii o toma nɔ ta la, ne asɔre tena baa dɛ cheme he dem la bwa.

Jems 2:15

He nao kɛŋɔ he dɔŋ baa kɛɛ haah dɛ chɔ waa, dɛɛ nyin yal dɛ́ tɔ, dɛɛ nyin kondikwaa ɡe dɛ́ di,