Tɔn Pɔɔl Aa Chwerɛ Rom Tena 13:8 - mzwDBL

⁸ He bɛ kem di wobɛlbwa ta a chɔ le kpa heyaa ka ja dɔŋa nyina ta. A ɡboo ɛ kem aa chɛ kɛ he di. Nomɛlbwa waa wona dɛɛ nyin o dɔŋ la, o tonɛ Korowii Mmara la bwa.

Tɔn Pɔɔl Aa Chwerɛ Rom Tena 13:8 Iomraidhean Croise

Matiu 7:12

Gɛ haa dɛ nyin kɛ nɛra ɛ dɛɛ tɛ heyaa la, hé ɡe ɛ ɡɛ tenten dɛɛ tɛɛ ba. A ɡɛɛ dɛɛ baɡle Mosis Mmara la, ne Korowii keamere la webaɡla la bini kɛrɛdɛ.”

Amanesoma Jɔn Aa Chwera Tɔn 13:34

N dɛ do heyaa wefala ta. Anee kɛŋɔ, hɛ́ɛ nyin dɔŋa. Gɛ maa nyin heyaa la, ɡɛɛ chɛ kɛŋɔ he ɡe ɛɛ nyin dɔŋa.

Tɔn Pɔɔl Aa Chwerɛ Rom Tena 13:10

Nɛn haa dɛ nyinu la, haa on wechɔɡaa ɛ bwa. Naate waa dɛ nyin o dɔŋ la, dɛ o dɛ teŋɛ Korowii Mmara la bwa ta.

Tɔn Pɔɔl Aa Chwerɛ Rom Tena 13:7

Anomanta, komɛlbwa aa chɛ kɛ he tɛ nɛn la, tɛo. Dɛ he nyu toɔ yaa, bɔ. Dɛ he kondɔɔh bɛlbwa ɡe toɔ yaa, bɔ. Dɛ duuree a chɛ kɛ he tɛ nɛn aa, tɛo, dɛ jirimaa a chɛ kɛ he tɛ nɛn aa, tɛo.

Galaasia 5:14

Maa dɛ ŋɔ nɔ, webeŋkpoŋ bɛl lole dɛ he dɛ ɛ aa, dɛ he tonɛ Mosis Mmara la bwa. Onee kɛŋɔ, “Nyin he dɔŋ kɛ he ɡbaɡba.”

Kolosi 3:14

Anɔ nɔ habɔɔ, hɛ́ɛ nyin nɛn. Nɛnnyinii dɛ́ won ɡel he dɔ nyopɛo dɛ́ ɛ anɔ bwa kɛrɛdɛ ka tonɛ.

1 Timoti 1:5

Waa maa koh a waa doe waa nɔ ta laanee kɛŋɔ bá won dɔ nɛnnyin. Nɛn waa dɔ nɛnnyin nɔ soo la ta wechɔɡa bɛlbwa dɔe, o tea too, o dɔ yarada kasinteŋ.

Jems 2:8

Dɛ he dɛ teŋɛ Korowii Kora Mmara baa chwera ŋɔ, “Nyin he dɔŋ kɛ he te ɡbaɡba la” ta naa, dɛ he dɛ ɛ kɛrɛdɛ.

1 Jɔn 3:10

Anɔ taa yaa ba cheɡa dɛ́ jemɛ banɔ la baa ɛ Korowii bii ne banɔ la baa ɛ Bɔnsam kwa. Nomɛlbwa waa wola wedɛɛɡa aa su Korowii siwi ɛ, kɛɛ waa wola o dɔŋ nyin la, o ta o bie ɛɛ.