Tɔn Pɔɔl Aa Chwerɛ Rom Tena 13:7 - mzwDBL

⁷ Anomanta, komɛlbwa aa chɛ kɛ he tɛ nɛn la, tɛo. Dɛ he nyu toɔ yaa, bɔ. Dɛ he kondɔɔh bɛlbwa ɡe toɔ yaa, bɔ. Dɛ duuree a chɛ kɛ he tɛ nɛn aa, tɛo, dɛ jirimaa a chɛ kɛ he tɛ nɛn aa, tɛo.

Tɔn Pɔɔl Aa Chwerɛ Rom Tena 13:7 Iomraidhean Croise

1 Koranar 3:17

Beŋkpoŋ ŋɔ, “N naa kooro kaforachɛ, n ne n dɔŋ nɔɔ pɛa so dembeŋkpoŋ ta. N lolɛ bibaa o siwi ta.

Kaala 20:12

Hé duu he nyare ne he mɛɛnanar. Anee dɛ́ ɡel he dɔ mkpajaŋ harɛ men Korowii aa kpɔa tɛ heyaa ŋɔ he so o ta la ta.

Sɛɡla 24:21

N bie, dɛɛ ɔmɛ Korowii ne he kooro, he ne nɛra baa dɛ ɛɛ ba deŋnekpeɡ bɛ pɛ dɛ́ ɛ beŋkpoŋ.

Sɛɡla 3:27

Gɛ haa dɛ ba wona ɛ tɛ nɛra aa hiah ba la ɛ, dɛ he dɔ a kpeɡri aa.

Lewi Dea Tena 19:3

He bini bɛlbwa chɛ kɛ wɛ́ɛ duu o nya ne o mɛɛ, ásɛ dɛɛ di n Ona Tɔpera maa kpɔa tɛ heyaa la. Menee Korowii haa dɛ tom mɛ la.

Lewi Dea Tena 19:32

Hé kpɔ jirima dɛɛ tɛ nɛra baa hwɛɛhra, ásɛ dɛɛ duu ba, dɛ́ɛ duu men Korowii haa dɛ́ tom mɛ ɡe. Men Korowiirii bola.

Matiu 17:25

Anee Pita ŋɔ, “Ɔɔh, o dɛ bɔ.” Pita aa jo dem bini la, Yeesu den tɔ sie pɛɛro, “Seemɔn, bamewaa bɔ toɔ dɛɛ tɛ harɛ nɔ ta koranar ɔ? Ba ɡbaɡba bii kɛɛ hɔɔhra ɔ? Ɛrɛɛ he na nɔ?”

Matiu 22:21

Anee ba chaŋo ŋɔ, “Koojen Siisa nyu ne o sɔnee.” Anee Yeesu ŋɔ ba be ŋɔ, “Gɛɛ a do te naa, hé kpɔ kwaa aa ɛ Koojen Siisa kwaa tɛo, dɛ́ kpɔ kwaa aa ɛ Korowii kwaa la tɛ Korowii.”

Amanesoma Mak Aa Chwera Tɔn 12:17

Asɛ Yeesu ŋɔ ba be ŋɔ, “Oo. Amɔ hé kpɔ kwaa aa ɛ Koojen Siisa kwaa la tɛo, dɛ́ kpɔ kwaa aa ɛ Korowii kwaa la tɛ Korowii.” Asɛ o waa ɛɛ ba anebɛlbwa.

Amanesoma Luk Aa Chwera Tɔn 20:22

Webeŋkpoŋii yaa nyin kɛŋɔ ya jemɛ. Onee kɛŋɔ ya mmarare dɛ tɛ yaa ŋwɛnɛ kɛ ya bɔ toɔ dɛɛ tɛ Rom Koojen Siisa kɛɛ ya bɛ dɛɛ bɔɔ?”

Amanesoma Luk Aa Chwera Tɔn 20:25

Asɛ ba chaŋe ŋɔ, “Koojen Siisaa.” Anee Yeesu ŋɔ ba be ŋɔ, “Oo. Amɔ hé kpɔ kwaa aa ɛ Koojen Siisa kwaa tɛo, dɛ́ kpɔ kwaa aa ɛ Korowii kwaa la tɛ Korowii.”

Amanesoma Luk Aa Chwera Tɔn 23:2

dɛ ka haŋɛ o nyoa ŋɔ, “Ya lawɛ baa nɔ kɛ waa dɛ chɔɡ ya harɛ. O dɛ do nɛra dochɔɡa ŋɔ ba bɛ toɔ bɔ dɛɛ tɛ Rom Koojen Siisa kpa, dɛ berɛ dɛɛ ɛ o te ya Juu tena kooro Kristo la Korowii aa baɡɛ yaa nyoa ŋɔ wɛɛ ɡeloo o ba ba lɛ yaa la.”

Tɔn Pɔɔl Aa Chwerɛ Rom Tena 12:10

Hé lawɛ dɔŋa kɛ nyabii, dɛɛ tɛ dɔŋa duure ɡwaa ɡɛ haa dɛ lii he te ɡbaɡba.

Tɔn Pɔɔl Aa Chwerɛ Rom Tena 13:6

A waa a do wer kɛŋɔ hɛɛ bɔ toɔ ɡe la, dɛkalkɛŋɔ nomonome baa do toɔ lɛɛ mmara nɔ la, Korowii tomaa baa ɛ ɡɛ la.

Ɛfesos 5:33

Anomanta, he bɛlbwa takapɔ dɛ́ nyin o haah kɛŋɔ o ɡbaɡba, háah ɡe kpɔ duure dɛɛ tɛ o jaa.

Ɛfesos 6:5

He banɔ la baa do heyaa bonɔɔna kɛɛ toli la, hɛ́ɛ no he dɔɔranar baa lɔ harɛ nɔ ta wa, dɛ́ɛ duu ba, dɛ́ ta tea dɛ́ɛ tom ba kɛŋɔ Yeesu Kristoo hɛɛ tomɛ.

1 Timoti 5:13

Luhaahna nɔ dɔŋa, baa wedɛɛɡa bɛlbwa dɔe dɛɛ ɛ ka ja kɛŋɔ baa dɛ ɡaaɡe dɛɛ valɛ deremi ta pɛɛpɛɛ. A ɡbo laa. Ba kpɔ nyoa dɛɛ do nɛra waa ta, dɛɛ ŋwalɛ nɛra, asɛ dɛɛ bol waa aa wola chɛɛ kɛŋɔ ba bol bwa.

1 Timoti 5:17

Asɔre nomonome la baa dɛ tɔ asɔre tena sie kɛrɛdɛ la chɛ kembɔr bele anɛ. Banee kɛŋɔ banɔ la ba sie aa dɛ beɡre Korowii Waa la bola ne a chaɡla ta la,

1 Timoti 6:1

Nɛra baa ɛ nɛndɔɔla la chɛ kɛŋɔ baa ɔmɛ ba dɔɔranar dɛɛ duu ba, ásɛ nɛra bɛ ŋwɛnɛ dɔ bol wechɔɡa yaɡɛ Korowii ne waa nɔ yaa dɛ chaɡle nɔ.

1 Pita 3:7

Baala ɡe, ɡɛɛ a chɛ kɛ he dɔ liire he ne he haahna soɡa bini, dɛ́ jemɛ kɛŋɔ baa kpeɡe kɛŋɔ heya. Hɛ́ɛ duu ba, dɛkalkɛŋɔ he ne ba bwaa dɛɛ ba Korowii mkpa waa cha heyaa hɛɛ ba dɔe la dɔe. Hɛ́ɛ ɛ ken ásɛ wobɛlbwa bɛ he Korowii soŋa ŋwɛnɛ tɔ.

1 Samoɛl 12:18

Anee Samoɛl soŋe Korowii awola, asɛ bwaala nɛ dɛ kɔr kohona. Asɛ ɔmee kohona lawɛ nɛra la bwa Korowii ne Samoɛl wa.