Tɔn Pɔɔl Aa Chwerɛ Rom Tena 13:6 - mzwDBL

⁶ A waa a do wer kɛŋɔ hɛɛ bɔ toɔ ɡe la, dɛkalkɛŋɔ nomonome baa do toɔ lɛɛ mmara nɔ la, Korowii tomaa baa ɛ ɡɛ la.

Tɔn Pɔɔl Aa Chwerɛ Rom Tena 13:6 Iomraidhean Croise

2 Samoɛl 8:5

Siiria tena baa le Damaskɔs balɔ dɛ ba cha Soba Kooro Hadadesa, asɛ Kooro Devid kpoo ba bini nɛra kaɡboŋa fifraanɛ dɛ banɛ.

1 Webena 18:14

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

Ɛsra 4:13

N naa kooro, berɛ jemɛ kɛŋɔ dɛ ba wono kwaa do bwɛjen nɔ tonaa, baa toɔ bɛlbwaa bɔ tɛɛ kpa, ásɛ komɛlbwa aa he kara munii do kpa.

Ɛsra 4:20

Koranar baa kpeɡa Jerusalam di kora dɛ nyiŋi harɛ waa chɔ Yufretis Moo wee cholibɔr baŋ le bwa ta, dɛ ɡel ba bɔ toɔre dɛ lɛ harɛ la kwaa baa tɛɛ ba.

Ɛsra 6:8

N dɛ do heyaa kɛŋɔ hé cha ba, ásɛ ba won mao. Hé kpɔ suuɡa aa le Yufretis Moo wee cholibɔr harɛ baa bɔa dɛɛ do kara mun la, dɛɛ bɔ Dea la toma bɛlbwa kem, ɡɛ aa ɛ toma la bɛ ba ka che.

Nehemia 5:4

Asɛ bane ɡe ŋɔ, “Yá kemɛ suuɡa, dɛ́ kpɔ bɔ toɔ kooro aa dɛ lɛ yaa ya kooni ne daa kooni ta.

Amanesoma Luk Aa Chwera Tɔn 23:2

dɛ ka haŋɛ o nyoa ŋɔ, “Ya lawɛ baa nɔ kɛ waa dɛ chɔɡ ya harɛ. O dɛ do nɛra dochɔɡa ŋɔ ba bɛ toɔ bɔ dɛɛ tɛ Rom Koojen Siisa kpa, dɛ berɛ dɛɛ ɛ o te ya Juu tena kooro Kristo la Korowii aa baɡɛ yaa nyoa ŋɔ wɛɛ ɡeloo o ba ba lɛ yaa la.”

Tɔn Pɔɔl Aa Chwerɛ Rom Tena 12:8

Dɛ nɛra ɡbemba doe kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ dɔŋa kwaa kɛɛ kpeɡrii o tɛɛ naa, a chɛ kɛ hɛɛ ɛa bambile bwa ne. Dɛ waa sie tɔe kpeɡrii o tɛɛ naa, a chɛ kɛ hɛɛ ɛa tea bwa ne. Dɛ wedɛɛɡa ɛɛ kpeɡrii o tɛɛ naa, a chɛ kɛ hɛɛ ɛa tepoŋ ne.

Tɔn Pɔɔl Aa Chwerɛ Rom Tena 13:5

Anomanta, hé ɡel he siwi ɛɛ su he nomonome. Korowii bala waa dɛ ba bala dɛ́ ba tɛr he deŋne la ɡbo waa laa a chɛ kɛ he siwi ɛɛ su ba. Dɛ he siwi aa ban su aa, dɛ he ɡbabir liire aa ɡel he bambile sɔɔhne.

Tɔn Pɔɔl Aa Chwerɛ Rom Tena 13:7

Anomanta, komɛlbwa aa chɛ kɛ he tɛ nɛn la, tɛo. Dɛ he nyu toɔ yaa, bɔ. Dɛ he kondɔɔh bɛlbwa ɡe toɔ yaa, bɔ. Dɛ duuree a chɛ kɛ he tɛ nɛn aa, tɛo, dɛ jirimaa a chɛ kɛ he tɛ nɛn aa, tɛo.