Tɔn Pɔɔl Aa Chwerɛ Rom Tena 13:4 - mzwDBL

⁴ dɛkalkɛŋɔ Korowii bonɔɔnaa ban. He kɛrɛdɛ waa baa ɛ ba toma la. Dɛ he dɛ ɛ wechɔɡa te naa, dɛɛ ɔmɛ nomonome, dɛkalkɛŋɔ pɛɛpɛɛ laa ba dɔ kpeɡri baa kpoŋa la. Korowiirii tɛɛ ba kpeɡri ásɛ ba tɛr wechɔɡ-ɛɛra deŋne dɛɛ tɛo.

Tɔn Pɔɔl Aa Chwerɛ Rom Tena 13:4 Iomraidhean Croise

1 Koranar 10:9

Korowii haa dɛ tomɔ laanee dɔ jam. O sie lɛ he nɛ, dɛ cheɡe kora ta Israel. Korowii nyina aa wola jaɡa dɔe bwa o kpɔ dɛɛ nyin o nɛra Israel tena la nomanta, o cheɡe kora ŋɔ he nyiŋi ba nɛɛ kasinteŋ ne waa aa toɡra ne.”

2 Webena 19:6

dɛ ŋɔ ba be ŋɔ, “Hé nyiŋi dɛ́ bol waa dɛɛ pa bole aŋwɛnɛ ta, nɛn kpeɡri ne laa, Korowii kpeɡri taa, wɛɛ ja he nɛɛ he waa bola dɛɛ pa bole ta.

Sɛɡla 16:14

Kooro baah diu waa, wɛɛ won ɡel ba kpoe, wejeremee jemɛ o larawa.

Sɛɡla 20:2

Kooro bandia do kɛŋɔ nyujente aa dɛ si ken. Nomɛlbwa waa dɛ doo bwaawee la dɛ ta o nyu.

Sɛɡla 20:26

Kooro waa jemɛ waa laanee yon na nɛnchɔɡe, dɛ yon tɛr o deŋne waa wola o sum na.

Sɛɡla 20:8

Kooro soɡe o kookara ta dɛ́ bol waa dɛ́ pa bole aa, o dɛ na anɔ la aa wola were.

Aesaya 1:17

dɛ́ do sie wedɛɛɡa ɛɛ ta! Hɛ́ɛ teŋɛ kasinteŋ ŋwɛnɛ ta, dɛɛ cha nɛra baa dɛ ɛɛ ba hɔhɔrɔwa. Hɛ́ɛ bol bilalbii ne luhaahna waa dɛɛ tɛɛ ba.

Jeremia 5:28

Baa di kondɛɛɡa vaɡɛ dɛ je nomanta, ba wechɔɡa ta jaɡa dɔe. Baa bilalbii waa bolɛ dɛɛ tɛɛ ba, baa kasinteŋ bol dɛɛ cha nyaara ɡe.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 25:14

N nɛra Israel tena ɛɛ yo Edom tenaa dɛ́ tɔ n wel. Baa ɡeloo Edom tena na n bandia kohona, dɛ́ jemɛ kɛŋɔ menee tɔ ba wel. Men Nemenɛ Korowiirii bola.’ ”

Maeka 3:9

Hé no, Israel sitɔɔla, he hah waa aa toɡra, dɛɛ berɛ waa aa ɛ kasinteŋ sie.

Tɔn Pɔɔl Aa Chwerɛ Rom Tena 12:19

Yabala, nɛra ɛ heyaa wechɔɡa aa, he bɛ ane ɛ dɛɛ bɔ kem. Hé kpɔ tɛ Korowii. O baah dɛ di ba nɛɛ taeh. On dɛ bɔ ba kem, dɛkalkɛŋɔ ba chwerɛ Korowii Tɔn bini ŋɔ, “Korowii bolɔ ŋɔ, ‘Mɛɛ tɔ a peɡee, mɛɛ bɔ ba a kemee.’ ”

Tɔn Pɔɔl Aa Chwerɛ Rom Tena 13:6

A waa a do wer kɛŋɔ hɛɛ bɔ toɔ ɡe la, dɛkalkɛŋɔ nomonome baa do toɔ lɛɛ mmara nɔ la, Korowii tomaa baa ɛ ɡɛ la.

1 Tesalonika 4:6

Nomɛlbwa bɛ o dɔŋ nɛɛ jo a ɡɛ waa nɔ ta, dɛkalkɛ Korowii ɛɛ tɛr nɛra baa dɛ ɛ ɡɛ la deŋnee, ɡɛ yaa ja heyaa loɡla la ŋɔ hé nyiŋi a ta kɛrɛdɛ la.

Josua 20:5

Naate waa dɛ nyin dɛ́ kpoo bɔ kem la tiu la bela aa, bwɛjen la tena bɛ nɛn baa lɛo so la le tɛo, saahna waa wola saahnɛ dɛ kpo o dɔŋ la wa.

Josua 20:9

Gɛ bwɛjena nɔɔ Korowii che Mosis nɛɛ ŋɔ Israel tena be ŋɔ bá le cheɡ, ásɛ dɛ ba bini bɛlbwa kɛɛ hɔɔh bɛlbwa waa soɡe ba bini ta saahnɛ kpo nɛn baa nyinu dɛ́ kpo aa, ó chwa ka so a ta. Asɛ naate waa dɛ nyinu dɛ́ kpo bɔ kem la bɛ on kpo, dɛ́ ka tel kɛŋɔ ɡɛ bwɛjen waa chwaa ka so o ta la tena bwaa chema, dɛ́ nyiŋi naate waa kpo nɛn la waa bini mɔɔ.

1 Pita 2:14

ne o ɡe nɛra waa lee ba ŋɔ báa tɛr wechɔɡ-ɛɛra deŋne dɛɛ kpɛɛ nɛra baa dɛ ɛ waa aŋwɛnɛ ta la.