Tɔn Pɔɔl Aa Chwerɛ Rom Tena 12:3 - mzwDBL

³ N cheɡɛ suna Korowii aa sune n nɛɛ dɛ kpɔ o toma do n nɔn ta nɔ ta, dɛɛ ja heyaa kɛ ɡɛ bɛlbwa haa doa la, ɡel ba nae ɡɛ. Bɛ́lbwa pwɛr o te, dɛ́ won jemɛ waa Korowii aa tɛo yarada ŋɔ ó kpɔ ɛ.

Tɔn Pɔɔl Aa Chwerɛ Rom Tena 12:3 Iomraidhean Croise

Sɛɡla 25:27

Tooh kohona dii aa were, ɡɛɛ aa wola were kɛ he nyin sɔn kohona.

Sɛɡla 26:12

Nɛn waa ɡɛna kohona la, hwɛɡa lɔ o nɛɛ ɡwaa nɛn waa dɛ lii kɛ o jemɛ wa, kɛ o ɡe aa jemɛ.

Wejereme 7:16

Bɛ ɛ kɛŋɔ he waa toɡrɔ kohona, kɛɛ he jemɛ waa kohona, dɛ́ chɔɡ he te.

Maeka 6:8

Akai, waa aa weraa Korowii chaɡle yaa, wáa waa dɛ nyin dɛ́ le ya be laanee kɛŋɔ, ya di kasinteŋ dɛɛ sune dɔŋa nɛ, dɛ́ pwɛr ya te tɛo.

Amanesoma Luk Aa Chwera Tɔn 18:11

Belaa Farisii te la ir che dɛ soŋe Korowii o nyu bini ŋɔ, ‘Korowii, n dɛ jaame kɛŋɔ maa wola doe kɛ n bala baa dɛ bɔ apoo, baa wola kasinteŋ bol, dɛɛ bɔ jwamane nɔ. N dɛ jaame kɛŋɔ maa wola doe kɛŋɔ banchɔɡe nɔ waa dɛ lɛ toɔ nɔ.

Amanesoma Jɔn Aa Chwera Tɔn 3:34

Nɛn Korowii aa tomɔ la, Korowii wobolee wɛɛ bol, dɛkalkɛ Korowii tɛo o Domadɛɛɡe la tɛɛ tenten.

Tɔn Pɔɔl Aa Chwerɛ Rom Tena 1:5

O nɛɛ Korowii che dɛ sune n nɛ, dɛ cha mɛ, dɛ ɡel mɛɛ ɛ Yeesu toma dɛɛ baɡle nɛwɛnyina te bwa o waa ásɛ ba yaradaa dɛɛ ɛa, ásɛ o dɔ sɔn.

Tɔn Pɔɔl Aa Chwerɛ Rom Tena 11:20

He ŋɔ ɡɛ naa, kpelaa he ŋɔ. Baa wola Yeesu waa la yaradae waa ba teŋ ba ta. He ɡe aa yarada Yeesu waa la, a waa he ta che la. Anomanta, bɛ mbarafo dɛɛ ɛ. Pwɛr he te dɛɛ nyiŋi kɛrɛdɛ.

Tɔn Pɔɔl Aa Chwerɛ Rom Tena 11:25

Yabala, wesɔɔhla anee mɛɛ nyin kɛ he jemɛ, ásɛ dɛ jemɛ kɛŋɔ wobɛlbwa laa he den jemɛ. Anee kɛŋɔ Israel tena nɔ bane deŋnekpeɡ baa dɛ ɛ nɔ, ken laa aa ba kae. Nɛra baa wola Israel tena ɛɛ Korowii ɛɛ nyin kɛ o lɛɛ ba la, ba tel ɡɛ del waa dɛ nyin la aa, Israel tena ɛɛ ɡel ba deŋnekpeɡ nɔɔ.

Tɔn Pɔɔl Aa Chwerɛ Rom Tena 12:16

Hé ne he dɔŋa so sodɛɛɡa. He bɛ jenu dɛɛ ɛ, he bɛ he te pere dɛɛ le nyaara ne nɛŋɡwɛɡra bini. He bɛ he te wejerema kohona dɛɛ lii.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

1 Kɔrent 3:10

Korowiirii cha mɛ n won ɛ toma kɛŋɔ nɛn waa jemɛ dea mae kɛrɛdɛ la, dɛ pa dea la mun, asɛ nomɛl ɡe ba ma dɛɛ chɔŋɛ. Kɛ bɛlbwa nyiŋi kɛrɛdɛ ɡɛ waa maa dɛɛ chɔŋɛ.

1 Kɔrent 7:17

Korowiirii tɛ bɛlbwa o we-ɛɛla wɛɛ ɛ. Anomanta, a chɛ kɛŋɔ bɛlbwa ɛ ɡɛ Korowii aa leo dɛ tɛo ŋɔ wɛ́ɛ ɛ la. Gɛɛ mɛɛ bol asɔre tena baa lɔ bobɛlbwa la be.

2 Kɔrent 10:13

Waa aa wola toole anɔ la Korowii aa ɡela yaa ɛ ta la, ya te aa anee kpɔ maŋkura ya te. Anɔ la bwa waa maɡa tɛ yaa la, a ɡbo taa yaa ba ya te maŋkurae. Toma yaa dɛ ɛ he be la ɡba ja anɔ la waa tɛ yaa la ta.

2 Kɔrent 12:13

Bɔkwaa n ɛ tɛ asɔre tena baa kaa la maa wola ɛɛ tɛ heya ɔ? Anɔ la maa wola heyaa ɛɛ laanee kɛŋɔ, n ta heyaa hae suuɡa waa ta. Hé kpɔ n wechɔɡa kɛ mɛ!

2 Kɔrent 12:7

Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo.

Galaasia 6:3

Dɛ nɛn ta nɛnjen ɛɛ dɛɛ lii o te nɛnjen aa, dɛ o dɛ neɡre o te.

Ɛfesos 3:2

He ken no ɡɛ Korowii aa sune n nɛɛ dɛ cha mɛ kɛrɛdɛ n won dɛɛ cha heyaa la.

Ɛfesos 3:4

Dɛ he kure ɡɛ n fa aa chwera la aa, hɛɛ wonoo jemɛ kɛŋɔ n jemɛ Yeesu Kristo wesɔɔhla la bini.

Ɛfesos 4:16

Yan ɡee o bwadabi. Onee choŋri bwadabii la bwa, aa lawɛ dɔŋa kɛrɛdɛ dɛ bwa ɛ beŋkpoŋ dɛɛ cha dɔŋa, ásɛ dɛ won kpeɡ tel ɡɛ o mar aa doa. Dɔŋa nyinaa ɡela Yeesu Kristo bwadabii won kpeɡ ɡɛ dɛ do kpeɡri la.

Felepae 2:13

dɛkalkɛŋɔ Korowii soɡe he bɛlbwa nɛɛ dɛɛ ɛ toma, dɛ ɡel he won sɛh dɛ won dɛɛ tomɔ kɛrɛdɛ ɡɛ aa su o siwi.

Kolosi 1:29

A waa ɡela n swɛɛ siwi dɛ takapɔ dɛɛ ɛ toma la. Yeesu Kristoo tɛ mɛ kpeɡri ɡa n won dɛɛ ɛ ɡɛ toma la.

Kolosi 2:13

He wechɔɡa ne he dobene Korowii fa aa wola teŋe ta la ɡelɔ he fa do kɛŋɔ he serewɔ. Kɛ he ne Yeesu Kristo aa pɛa la, Korowii kpɔ he bwa wechɔɡa kɛ heya, dɛ tɛ he bwa mkpafale.

1 Timoti 1:14

O sune n nɛɛ kohona dɛ cha mɛ taeh n dɔ yarada ne nɛnnyin yaa dɔa le pɛɛ ya ne Yeesu Kristo aa pɛa la ta.

1 Timoti 2:15

Kɛ dɛ haahna kpoŋe Korowii yarada bini kiŋkiŋ, dɛɛ nyin nɛn, dɛ laa ba te dɛɛ kpɔ wedoŋa ta, baa wesale ɛ aa, Korowii ɛɛ ɡeloo ba dɔ ba nyu ba lola ta.

1 Timoti 2:9

Gɛ tentenee mɛɛ nyin kɛ dɛ haahna dɛ ba laala doe yaa, ba bɛ jwamanlaala ne laala a waa aa do bola dɛɛ do. Bá kpɔ laala aa maɡre ba ne, dɛ bɛ ba te kpɔ do nyuune ɛɛ aa dɛ ba kem ne, ne suuɡaswɛm koŋkwaare doe, ne yale a yoɡ aa kpeɡa liɡa ta.

Taetos 2:12

Anomanta, ɡɛ dɛ baɡle kɛŋɔ a wer kɛ ya laa sie kpɔ wechɔɡa bɛlbwa ne harɛ nɔ ta pɛlchɔɡa la bwa ta, dɛ́ dɔ nfɛrɛ, dɛɛ ɛ waa aa toɡra, dɛɛ ɔmɛ Korowii ya bere nɔ ta,

Taetos 2:2

Ŋɔ banjeni be báa lawɛ ba te, dɛɛ ɛ waa aa dɔ duure, dɛ́ dɔ nfɛrɛ, dɛɛ teŋɛ Korowii waa aa ɛ kasinteŋ kɛrɛdɛ la ta, dɛɛ nyin nɛn kɛrɛdɛ, dɛ́ dɔ bambile ɡe.

Taetos 2:4

Dɛ ba dɛ ɛ ɡɛ naa, anee dɛ́ baɡle han-yala báa nyin ba jaranar ne ba bii,

Taetos 2:6

Ŋɔ bonɔɔna ɡe be ŋɔ bá dɔ nfɛrɛ wobɛlbwa ta.

Jems 4:6

Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”

1 Pita 1:13

Anomanta, hé ir nyu ne dɛ́ ɡel he sie chɔ harɛ. Hé kpɔ he hwɛɡa bwa do chae Yeesu Kristo aa cha heyaa awola waa ba nɛra bwa nao la ta.

1 Pita 4:11

Nomɛlbwa Korowii aa chao o won dɛɛ bol o Waa la, wɛ́ɛ bola dɛ jemɛ kɛŋɔ Korowii Waa wɛɛ bol la. Nomɛlbwa Korowii aa chao o won dɛɛ tomɛ o dɔŋ la, wɛ́ɛ tomɔ bokpeɡa Korowii aa tɛo bwa ne, ásɛ wobɛlbwa ta la, Korowii che Yeesu Kristo nɛɛ dɛ́ dɔ sɔn. On chɛ kpeɡri ne jirima aa wola jaɡa dɔe bwa. Aamen.

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

3 Jɔn 1:9

N fa chwerɛ waane dɛ tɛ asɔre tena bela, kɛ Dayɔtrafes aa dɛ nyin nomonome nomanta, o vɛh ya waa la.