Tɔn Pɔɔl Aa Chwerɛ Rom Tena 11:8 - mzwDBL

⁸ Anee ba chwerɛ Korowii Tɔn bini ŋɔ, “Korowii saa ba liire, dɛ tɛɛ ba sie aa wola kasinteŋ laanee na, ne deŋna aa wola kasinteŋ laanee no, dɛ kpoŋe ba le fini tɔpere nɔ” la.

Tɔn Pɔɔl Aa Chwerɛ Rom Tena 11:8 Iomraidhean Croise

2 Koranar 17:34

Ba ta dɛ ɛ ɡɛ waa la ba le fini. Baa Korowii tomɛ kasinteŋ ne, kɛɛ dɛɛ teŋɛ o Mmarare ne waa waa do ba a ta, dɛ kpɔa tɛ Jekɔb baa bera dɛɛ yerɔ Israel la naanar.

2 Koranar 17:41

Hale baa dɛ tomɛ Korowii la, dɛ ba ta dɛ tomɛ ba voɡare. Dɛ kpoŋe ba le fini, ba naanar ta teŋɔ dɛɛ ɛ waa ba naawa fa aa dɛ ɛ la.

Aesaya 29:10

Korowii kpɔ dom ta he nɛ, hɛɛ ba dom chɔe ka ɡarɛ, dɛ tɔɔɡe keamere la sibie, dɛ wili nɛra baa dɛ na waa bini la.

Aesaya 6:9

O ŋɔ, “La dɛ́ ka ŋɔ Jerusalam tena be ŋɔ, ‘Hɛ́ɛ no n waa kohonaa, kɛ haa a mun noe ba, hɛɛ nyiŋi a bini kohonaa, kɛ haa waa aa dɛ ba chiɡa jema ba.’ ”

Jeremia 5:21

‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

Ɛsekeɛl 12:2

“Nɛwɛnyini bie, deŋnekpeɡ tena binii he so la. Ba dɔ sibie kɛ baa na, dɛ dɔ deŋna ɡe kɛ baa waa no, dɛkalkɛ ba ɛ deŋnekpeɡ tena.

Ɛsekeɛl 20:26

N ɡelɔ ba kpɔ ba bibanloɡla ɛ sarahare dɛ kah doŋa, n ɛ ɡɛ dɛ kpɔ ɔmee kohona ta ba nɛɛ ba chel, ásɛ ba jemɛ kɛŋɔ menee Korowii.”

Amanesoma Luk Aa Chwera Tɔn 8:10

Anee o ŋɔ ba be ŋɔ, “Korowii ta o Kora bini wobɛlbwa kpɔe sɔh he te. Kɛ nɛra baa kaa la te, sɛɡla nee mɛɛ ba waa ba be bola, ásɛ a ɛ ɡɛ baa chwera ŋɔ, ‘Ba dɔ sibie kɛ baa na, dɛ dɔ deŋna kɛ baa no, baa waa mun jemɛ.’

We-ɛɛla 28:26

‘Ka ŋɔ nɛra la be ŋɔ, “Hɛɛ noo kohona, kɛ haa a mun noe ba, hɛɛ nyiŋuu kohona, kɛ haa a jema ba.

Mmarare 29:4

Kɛ kpoŋe ba le fini Korowii saa he liire, dɛ tɛ heyaa sibie aa wola kasinteŋ laanee na, ne deŋna aa wola kasinteŋ laanee no.