Tɔn Pɔɔl Aa Chwerɛ Rom Tena 10:2 - mzwDBL

² Kasinteŋ, n wono bol ba waa kɛŋɔ ba Korowii toma swɛɛ ba siwi te, kɛ baa on tomɛ aŋwɛnɛ ta.

Tɔn Pɔɔl Aa Chwerɛ Rom Tena 10:2 Iomraidhean Croise

2 Koranar 10:16

Kooro Jehu ŋɔ o be ŋɔ, “Ya kaa ásɛ he ka na ɡɛ Korowii waa aa lɔ n bini kɛrɛdɛ.” Asɛ ba bwa che Kooro Jehu torɔɡo la bini, dɛ kaa bwɛjen Samaria.

Yela 14:4

Korowii ŋɔ, “Amɔ wechɔɡ-ɛɛra ɛɛ hweli waa yaa? Banee lawɛ n nɛra baa teŋɛ n nɛɛ dɛɛ liɡli kɛŋɔ kondikwa, baa wola men Korowii soŋe ŋɔ ń cha ba la.”

Sɛɡla 19:2

Aa were kɛŋɔ nɛn nya wejema, ɡɛɛ dɛ haa waa bini nyiŋi dɛɛ ɛa warawara ɡe aa, hɛɛ ɛ wechɔɡa.

Aesaya 27:1

Awola tɔpere la, Korowii ɛɛ kpɔ o kerejen waa nyɛɡa laanee tɛr oljen waa dɛ tuuɡi harɛ, dɛ ɛ harɛkon, dɛ ɡoɡli dɛɛ kaa sɔrr la deŋne. Onee mpo bini oljen Lɛvayatan la.

Amanesoma Jɔn Aa Chwera Tɔn 16:2

Nɛra ɛɛ doŋi heyaa cheremi deene binii, ásɛ a ba saŋ bɛl kɛŋɔ bá kpoo heya, dɛɛ lii kɛŋɔ Korowii tetoowaa baa ɛ ɡɛ la.

We-ɛɛla 21:20

Baa no Pɔɔl waa la, ba jam Korowii taeh. Belaa ba ɡe ŋɔ o be ŋɔ, “Nomoa, taraken nɔ, yaa won jemɛ Juu tena baa yarada ya Dɔɔ Yeesu nɔ nyoa baɡle. Ba warɔ kohona. Ba sie beɡre Mosis Mmara la ɡe ta taeh.

We-ɛɛla 21:28

dɛ kpɔ takpeɡ dɛɛ ŋɔ, “Israel tena, hé ba cha yaa oo! Baa nɔɔ vala dɛɛ bol waa bobɛlbwa dɛɛ yaɡɛ ya Israel tena ne Mosis Mmara ne Korowii Dea nɔ la. Name te kwara doŋaa o kpɔ baa jo ya Korowii Dea nɔ bini. Nɛra baa wola Juu tena ɛɛ, Grik tena baa wola chɛɛ kɛŋɔ ba jo Korowii Dea la, banee o lawɛ baa jo o bini!”

We-ɛɛla 22:22

Pɔɔl aa dɛ bol o waa la bwa dɛ nɛra la bwa cheɡ deŋne dɛɛ no o be. Kɛ waa ba dɛ bol nɛra baa wola Juu tena ɛɛ be laŋa waa la, ba baah diu baa nyɛɡ kohona dɛɛ ŋɔ, “Hé le o ne! Bɔkwaa he ɡel o che dɛɛ ɛɔ?”

We-ɛɛla 22:3

“Juu tee men. Silisia harɛ bwɛɛ baa dɛ yerɔ Taasos la taa ba lol mɛ. Kɛ bwɛjen Jerusalam bonɔɔ ba dɛɛ mɛ, asɛ Gamaleɛl chaɡ mɛ kwa, dɛ baɡ mɛ ya naawa kii bwa, asɛ mɛɛ teŋɛ a ta. N sie beɡrɔ mɛɛ tomɛ Korowii ɡɛ he bɛlbwa aa dɛ tomɔ fini nɔ.

Tɔn Pɔɔl Aa Chwerɛ Rom Tena 10:1

Yabala, Korowii fe lɛ Israel tena aa, a fe som n be noo! N soŋe Korowii dɛɛ tɛɛ ba ɡa.

Tɔn Pɔɔl Aa Chwerɛ Rom Tena 10:3

Baa ɡɛ Korowii aa ɛa dɛɛ lɛ nɛra kɛ nɛndɛɛɡa ba wa ɛɛ su o siwi jemɛ, anomanta, ba ɡbaɡba ŋwɛnɛɛ baa kpɔ, dɛ vɛh Korowii ŋwɛnɛ waa cheɡɛ o ta dɛ ɡel nɛra wa ɛɛ su o siwi la ta teŋa.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

2 Kɔrent 8:3

Mɛɛ wonoo ŋɔ ba ta tea tɛ yaa kwaa ɡɛ ba bokpeɡa aa tela, hale ba tɛo ɡwaa ba bokpeɡa del kwara. Ba ɡbaɡba tetooraa ba ɛ ɡɛ, nɛn laa do ba.

Galaasia 1:14

Dɛ n dɛ teŋɛ ya Juu tena Korowii toma ŋwɛnɛ la ta ɡwaa n nyudɔŋa baa ɛ Juu tena kɛrɛdɛ, dɛɛ teŋɛ ya Juu tena nawee waa ɡe ta ɡwaa nomɛlbwa.

Galaasia 4:15

He sie fa aa lɛ n nɛɛ kohona la, taraken te bɔkwa waa bera ba nɔ? Mɛɛ wonoo ŋɔ ɡɛ saŋ la he fe wonaa, he fe foromi he sibie kwaraa tɛ mɛ.

Felepae 1:9

N dɛ soŋe Korowii kɛŋɔ ó ɡel he dɔ nɛnnyin kɛrɛdɛ dɛ́ɛ ja, dɛ́ berɛ dɔ wejema ne nfɛrɛ dɛ́ ja a ta,

Felepae 3:6

Ba dɛ nyin nɛn o siwi fa aa swɛɛ a ta naa, menee, dɛkalkɛŋɔ n fa cheɡɛ Yeesu habɔteŋra la nɛɛ taeh. Dɛ ba berɔ dɛɛ nyin nɛndɛɛɡe Mmara la be pera ɡe aa, n waa bwa toɡrɔ.

Kolosi 4:13

N ɡbabir na ɡɛ Epafras aa dɛ tomɛ he ne banɔ la baa lɔ Laodisia ne Heɛrapɔles la kohona.