Tɔn Pɔɔl Aa Chwerɛ Rom Tena 1:12 - mzwDBL

¹² Ya bwaa dɛɛ ba dɔŋa chae. Gɛ maa yarada Yeesu Kristo la, aa do heyaa ɡbembaa, ásɛ ɡɛ he ɡe aa yaradao la do n ɡe ɡbemba.

Tɔn Pɔɔl Aa Chwerɛ Rom Tena 1:12 Iomraidhean Croise

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

Tɔn Pɔɔl Aa Chwerɛ Rom Tena 1:11

N sie cheɡɛ chiŋ mɛɛ nyin kɛ n na heyaa dɛ́ cha heyaa waane Korowii Domadɛɛɡe la aa tɛ mɛ ne, ásɛ he do kpeɡri he teŋa haa dɛ teŋɛ Yeesu nɛɛ la ta.

Tɔn Pɔɔl Aa Chwerɛ Rom Tena 1:13

Yabala, n dɛ nyin kɛ hé jemɛ kɛŋɔ saŋ bɛlbwaa n fe ɛɛ nyin kɛ ń ba he be, asɛ waa yon dɛɛ tɔ mɛ ŋwɛnɛ. N dɛ nyin ń dɔ he bane dɛ tɛ Yeesu Kristo kɛŋɔ maa dɔ bane le nɛra ba ɡe aa wola Juu tena ɛɛ bini la.

Tɔn Pɔɔl Aa Chwerɛ Rom Tena 15:24

n dɛ nyin kɛŋɔ n ba dɛ kaa Speen harɛ ta naa, ń na heya. N jemɔ kɛŋɔ n baa so he be tɔpera anɛ, dɛ le bela dɛɛ kaa Speen harɛ ta naa, hɛɛ cha mɛɛ.

Tɔn Pɔɔl Aa Chwerɛ Rom Tena 15:32

ásɛ dɛ Korowii sɛoh waa, ń ba he be silɛɛ ne, dɛ́ ba onɛ tama.

2 Kɔrent 7:13

Anee larawe ya bwara. A ɡbo laa. Yaa na ɡɛ haa cha Taetos o dɔ silɛɛ la, a ɡelɔ ya sie lɛ.

Ɛfesos 4:5

Ya bwa Dɔɔ lɔ beŋkpoŋ. Waa ya bwa aa dɛ yarada, ne Korowii nee baa sɔ ya bwa la ɡe ɛ beŋkpoŋ.

2 Timoti 1:4

N lii wii awola haa wia la aa, ɡɛɛ n sie che chiŋ mɛɛ nyin n ba nae ásɛ n sie lɛ kɛrɛdɛ.

Taetos 1:4

N bie Taetos, henee n chwerɛ tɔn nɔ dɛɛ tɛ. Waa ya bwa aa dɛ yarada la taa a che he ɛ n bie tenten. Ń Naa Korowii ne ya Lɛɛ Yeesu Kristo chae dɛ́ tɛɛ bosɔɔhna.

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

2 Jɔn 1:4

N sie lɛo kohona kɛ maa na he bii la bane kɛ ba teŋɛ kasinteŋ waa la ta ɡɛ ya Mɛɛ waa lɔ nyundua la aa ŋɔa yáa ɛ la.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.