Nehemia 9:6 - mzwDBL

⁶ He ɡboo Korowii, henee ta nyundua ne weweela bwa. Henee ta harɛ ne mpo, dɛ kwaa aa lɔ a ta bwa, dɛ ɡel a bwa do le. Kwaa aa lɔ nyundua bwa dɛ ɡuŋi.

Nehemia 9:6 Iomraidhean Croise

Mumpar 1:1

Komɛlbwa mumpar la, Korowii ta nyundua ne harɛ.

Mumpar 1:9

Belaa Korowii ŋɔ, <> Asɛ a ɛ ɡɛ.

Mumpar 2:1

Gɛɛ a do Korowii ta nyundua ne harɛ, ne komɛlbwa aa lɔ a ta dɛ tonɛ.

Mumpar 32:2

Waa na ba la, anee o ŋɔ, “Korowii soŋnibɔree bonɔ.” Asɛ dɛ pa bela sɔn Mahanaim.

1 Koranar 22:19

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

1 Koranar 8:27

N Naa Korowii, a ɛ kpela kɛŋɔ hɛɛ won ba so harɛ nɔ ta naa? Hale nyundua ɡba aa kanɛ tɛɛ kɛŋɔ he so. Maa lii kɛŋɔ hɛɛ won ba so Dea waa do jeɡa maa doa tɛɛ nɔ ta.

2 Koranar 19:15

Asɛ dɛ soŋe Korowii ŋɔ, “N Naa Korowii Israel tena aa dɛ tomɛ, he so kena kwaa Kerobim doa. Korowii bɛlbwa toole ka ja he nɛ dɛɛ nyiŋi harɛre bwa ta. Henee ta nyundua ne harɛ.

2 Koranar 19:19

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Nehemia 9:5

Ate, Jesua ne Kadmiel ne Bani, ne Hasabeneeya ne Sɛrebea ne Hodia, ne Sebania dɛ Pɛtahea ba ɡe aa ɛ Lewi dea tena la ŋɔ, “Hé ir che dɛ́ kpɛɛ Korowii haa dɛ tomɔ, onee lole saŋ bɛlbwa dɛɛ la. Bɛ́lbwa kpɛɛ o sɔn waa dɔ jirima la, o kan ɡwaa ɡɛ nɛwɛnyini aa kpɔ nyoa bol.

Yela 102:25

Wobɛlbwa mumpar la, henee ta harɛ, kwaa aa lɔ nyundua ɡe, he nɔn tomaa a bwa.

Yela 103:21

Korowii dɔm haa wara dɛ do o be nyundua, hé kpɛɛro.

Yela 115:15

Korowii waa ta nyundua ne harɛ la, swee heya andɛɛɡa.

Yela 124:8

Korowii waa ta nyundua ne harɛ bee ya chae bwa le.

Yela 146:6

Korowiirii ta nyundua ne harɛ, mpo ne kwaa aa lɔ a ta bwa. O dɛ teŋɛ o nyobaɡa ta saŋ bɛlbwa.

Yela 24:10

Umee Koojen waa dɔ jirima kohona nɔɔ? Nemenɛ Korowiirii, onee Kooro waa dɔ jirima kohona la!

Yela 33:6

Nyoa wobol nee Korowii ta nyundua, ne kwaa aa lɔ nyundua bwa.

Yela 36:6

He wa aa toɡra la jaŋne kaa nyundua kɛ bwejena tenten ken, he bole pae bini do luŋri kɛŋɔ mpo vil, dɛɛ nyiŋi nɛwɛnyina ne ola bwa nɛ.

Yela 86:10

He kpeɡri dɛɛ ɛ nyokpowa, he ɡboo ɛ Korowii.

Aesaya 37:16

“N Naa Koranar Bwa Kooro, Israel tena aa dɛ tomɛ, he so kena kwaa Kerobim doa. Korowii bɛlbwa toole ka ja he nɛ dɛɛ nyiŋi harɛre bwa ta. Henee ta nyundua ne harɛ.

Aesaya 37:20

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Aesaya 43:10

Korowii ŋɔ, “Israel tena, heyaa n danseɛre, n le heyaa kɛŋɔ n bonɔɔna ásɛ he jem mɛ dɛ́ yarada mɛ dɛ́ no a mun kɛŋɔ n ɡboo lole. N sie, Dɔɔ bɛlbwa toole, á ba ɛ kɛŋɔ n habɔɔ bɛl ta dɛ ba bala.

Aesaya 44:6

Nemenɛ Korowii waa ɛ Israel tena Kooro ne ba Lɛɛ la ŋɔ, “Menee komɛlbwa Sitɔɔ, ne a Muŋkaa bwa, n habɔɔ Dɔɔ bɛlbwa toole.

Aesaya 44:8

He bɛ ɡel he bwara ɛɛ sa! He bɛ ɔmɛ! Saŋ la bwa laa n le baɡle waa nɔ, dɛ bola aa? N danseɛree heya. Dɔɔ bɛl ɡe lole dɛ ja n nɛ aa? Akai, Bwetal bɛlbwa toole he chwa ka marɔ ó won lɛ heya, beŋkpoŋ ɡba toole.”

Aesaya 45:12

Menee ta harɛ, dɛ ta nɛwɛnyina do o ta. N kpeɡrii n kpɔ baŋre nyundua kɛŋɔ yal, dɛ kpɔ wee ne korobie dɛ weweela cheɡ a chebɔra.

Jeremia 32:17

“Nemenɛ Korowii, henee cheɡɛ he kpeɡri kohona ta dɛ ta nyundua ne harɛ. Wobɛlbwa aa kpeɡe tɛɛ.

Ɛsekeɛl 20:11

N kpɔ n waa tɛɛ ba dɛ baɡ ba me Mmarare, ásɛ nomɛlbwa waa teŋɛ a ta la, ó dɔ mkpa.

Jona 1:9

Asɛ Jona ŋɔ, “Hibru tee men, Korowii Waa Dɛ Di Kora Nyundua waa ta nyundua ne harɛ ne mpo laanee mɛɛ tomɛ.”

Amanesoma Jɔn Aa Chwera Tɔn 10:30

N ne n Mɛɛ la bwa ɛ beŋkpoŋ.”

We-ɛɛla 4:24

Ba bala la aa no waa la, ba bwa pɛo soŋe Korowii ŋɔ, “Nemenɛ Korowii haa ɛ komɛlbwa dɔɔ, hen ta nyundua ne harɛ ne mpo ne kwaa aa lɔ a ta bwa!

Mmarare 10:14

Nyundua ne harɛ ne komɛlbwa aa lɔ o ta bwa ɛ Korowii haa dɛ tomɔ nɔ kwa.

Mmarare 32:39

Dɛ berɛ ŋɔ, ‘Men, n ɡbosoo Korowii, voɡ bɛlbwa toole. Menee dɛɛ chɔɡ, dɛɛ tɛ mkpa, menee dɛɛ do nɛn bol, dɛ berɛ dɛɛ chah naate. Nomɛlbwa toole dɛ́ tɔ mɛ ŋwɛnɛ.

Mmarare 6:4

Israel tena, hé no. Korowii yaa dɛ tomɔ habɔɔ, Dɔɔ bɛlbwa toole kpa.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Hibru 1:6

Korowii aa dɛ ba o Bie waa lɔ o be loɡla la harɛ ta toma la, o bolɔ ŋɔ, “A chɛ kɛ nyundua toroma bwa ɛɛ tomɔ.”

Wepila 14:7

O kpɔ takpeɡ dɛ ŋɔ, “Hɛ́ɛ ɔmɛ Korowii dɛ́ɛ tɛo jirima, dɛkalkɛŋɔ tɔpere la telo kɛŋɔ ó bol nomɛlbwa waa dɛ́ pa bole. Hɛ́ɛ duu Korowii waa ta nyundua ne harɛ, ne mpo ne neerare bwa aa lɔ harɛ ta la.”

Wepila 4:11

“N Naa Korowii haa dɔ komɛlbwa la, he chɛ kɛŋɔ nɛra bwa tɛɛ jirima dɛ́ duuri, dɛ́ sɛh kɛŋɔ hen dɔ kpeɡri bwa, dɛkalkɛŋɔ henee ta komɛlbwa, he tetoora taa a che a do le.”