Nehemia 9:27 - mzwDBL

²⁷ Anomanta, he ɡelɔ ba dɔma yoo ba, dɛ pɔ ba nɛɛ dɛ fiɡ ba. Kɛ ba wenaale ta la, ba wio noe asɛ he no le nyundua dɛ cha ba. He cheɡɛ tedoma haa dɔa kohona ta dɛ le nomonome tɛɛ ba, ba ba lɛɛ ba le ba dɔma nɔn ta.

Nehemia 9:27 Iomraidhean Croise

2 Koranar 13:5

Korowii le nɛn tɛ Israel tena, asɛ o lɛɛ ba le Siiria tena lɔɡa, ba berɛ so deŋnesɔɔhna ta ɡɛ ba fa aa soɡa wubwa la.

2 Koranar 14:27

Korowii aa wola ŋɔe ŋɔ, wɛɛ ɡeloo Israel nɛra tonɛ kwaara le harɛ la ta la, o cheɡɛ Kooro Jehoas bibaa Kooro Jɛroboam waa teŋa nɛɛ la nɛ, dɛ lɛɛ ba.

2 Koranar 17:20

Anomanta, Korowii berɛ habɔɔ kpo Israel tena bwa. O tɛr ba deŋne, dɛ kpɔ ba do ba dɔma nyubinikpeɡ tena nɔn ta, ka tel kɛŋɔ waa doŋ ba le o sie.

2 Koranar 17:39

Kɛ hɛ́ɛ tomɛ men Korowii haa dɛ tom mɛ la ɡbo, ásɛ n lɛ heyaa le he dɔma bwa nɔn ta.”

2 Webena 36:17

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.

Nehemia 9:19

Kɛ he ta ban ɡelɛ pua hɛŋle ɡbo harɛ ta bela, dɛkalkɛ tedoma haa dɔa tɛ nɛra kan kohona. He ta bam kɛɛ nii waa tɔ ba sie dɛɛ baɡ ba ŋwɛnɛ webaŋa ne jwaana laa kpɔ.

Yela 136:24

O lɛ yaa le ya dɔma nɔn ta. O nyina lole saŋ bɛlbwa dɛɛ la.

Lewi Dea Tena 26:17

N sie ɛɛ beɡre he nɛɛ, dɛ́ ɡel he dɔma pɔ he nɛ, dɛ́ɛ nyiŋi he nɛ. Ɔmee kohona nomanta, hɛɛ dɛɛ chwaaɡoo dɛ nomɛlbwa aa heyaa doŋi.

Obadia 1:21

Jerusalam baala baa yoa dɛ le la ɛɛ ka yo Edom tenaa, dɛ́ kpɔ harɛ la dɛɛ nyiŋi o ta. Asɛ Korowii ɡbabir ɛ ba kooro.”

Sitɔɔla 2:18

Saŋ bɛlbwa Korowii aa tɛɛ ba sitɔɔ la, o dɛ chao dɛ́ lɛɛ ba le ba dɔma nɔn ta ɡɛ saŋ sitɔɔ la taa soɡe le la. Korowii dɔ tedoma dɛɛ tɛɛ ba, wii baa dɛ wi hɔhɔrɔwa nɛra aa dɛ ɛɛ ba la wa.