Nehemia 9:26 - mzwDBL

²⁶ Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

Nehemia 9:26 Iomraidhean Croise

1 Koranar 14:9

He ɛ wechɔɡa kohona dɛ ɡwaa banɔ la baa tɔ he sie bwa. He ɛ voɡa, dɛ kpɔ kwaa ɛ voɡa muɡli n baah, dɛ berɛ habɔɔ kpo mɛ.

1 Koranar 18:13

N dɔɔ, he ta noɛ ɡɛ maa ɛa ɡɛ saŋ Jɛsɛbɛl aa dɛ kpoo Korowii keamere la kɛɛ? N sɔh keamere lafa bwebɔɔne anɛ bini. N pere ba bini fifraanunue bɔɔ beŋkpoŋ bɛlbwa bini, dɛɛ tɛɛ ba nee ne kondikwa.

1 Koranar 18:4

Dɛ Kooro Ahab haah Jɛsɛbɛl ɡelɔ ba kpoo Korowii keamere. Asɛ Obadia kpɔ Korowii keamere lafa ka sɔh bwebɔɔne anɛ bini, dɛɛ tɛɛ ba nee ne kondikwa. O bɔne ba bini, fifraanunue ba do bɔɔ beŋkpoŋ bɛlbwa bini.

1 Koranar 19:10

O chaŋe ŋɔ, “Korowii Haa Ɛ Koranar Bwa Kooro, he ɡboo mɛɛ tomɛ saŋ bɛlbwa, kɛ Israel tena chɔɡ he ne ba fɔo la, dɛ paɡre kwaa baa ɛ saraha a ta dɛɛ tɛɛ la, dɛ berɛ kpoo he keamere bwa tokobie ne. N ɡboo kaa baa nyin n ɡe dɛ́ kpo.”

2 Koranar 21:10

Korowii cheɡɛ o bonɔɔna baa ɛ o keamere nɛɛ ŋɔ,

2 Koranar 21:11

“Juda Kooro Manasɛ ɛ kii wa. O ɛ wechɔɡa dɛ ɡwaa ɡɛ Amɔre tena ba fa aa soɡe bonɔ la, dɛ ɡel Juda tena ɛ wechɔɡa dɛɛ tomɛ o voɡa.

2 Webena 36:16

Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.

Nehemia 9:18

Ba ɛ voɡ waa do kɛ nabale, dɛ ŋɔ onee tɔ ba sie le bane Ijipt harɛ ta. N Naa Korowii, na ɡɛ baa bole nɛnhɛlwobol.

Nehemia 9:29

He kah ba ŋɔ baa teŋɛ he webaɡla ta, kɛ ba ɛ mbarafo ba ta he Mmarare ta teŋɛ, a lole kɛŋɔ he waa ta teŋa taa dɛɛ tɛ mkpa. Ba ɛ deŋnekpeɡ, dɛ berɛ habɔɔ kpoe, dɛ vɛh he waa ta teŋa.

Nehemia 9:30

He dɔ bambile tɛɛ ba bena bɛlbwa, dɛ che he Doma ta ɡel he keamere bol waa baɡ ba, kɛ ba ta noɛ, asɛ he kpɔ ba do harɛre nɛra nɔn ta, ba yoo ba dɛ pɔ ba nɛ.

Yela 50:17

He hah waa maa do heyaa a ta la, dɛ kpɔa ta habɔɔ.

Jeremia 16:11

Asɛ he ŋɔ ba be ŋɔ, ‘He naawa aa berɛ habɔɔ kpo men Korowii dɛ ka teŋɛ voɡare nɛɛ dɛɛ toma la waa. Ba vɛɛh mɛ dɛ ɡel me Mmarare ta teŋa,

Jeremia 2:30

Pɛɛpɛɛ n tɛr he deŋne, haa nyin kɛ he charɛ he liire le waa haa dɛ ɛ ta. He kpoo keamere maa tom ba he be kɛŋɔ nyujente lɔr aa dɛ kpoo ken.

Jeremia 2:7

Harɛpare ondɛɛɡe taa n kpɔ ba ba so, bá ba dɔ daa nɔna ne kondikwaa aa wera di. Kɛ ba kpɔ doŋa kah harɛ maa kpɔa tɛɛ ba la dɛ chɔɡo.

Jeremia 32:23

Kɛ baa bala dɛ ba so o ta la, ba vɛh he Mmarare la, ba ta waa haa do ba a ta kɛɛ waa haa baɡ ba la ta teŋɛ. A waa he kpɔ wenaale nɔ bwa ba ta ba nɛɛ la.

Jeremia 42:19

N berɔ bol ba be ja ŋɔ, “Korowii ŋɔ he Juda tena haa kaa la be ŋɔ he bɛ Ijipt harɛ ta kaa. Anomanta, n dɛ kah heyaa fini ŋɔ,

Wiile 3:42

“N Naa Korowii, ya ɛ wechɔɡa dɛ ɛɛ deŋnekpeɡ, he ta ya wechɔɡa kpɔe kɛ yaa.

Ɛsekeɛl 20:21

Ba bii la ɡe ɛɛ mɛ deŋnekpeɡ. Bɛlbwa ta n waa ne me Mmarare la ta teŋɛ kɛrɛdɛ, a lole kɛŋɔ anee fe dɛ́ ɡel ba dɔ mkpa. Ba chɔɡ n Ona Tɔpera la. Asɛ n ŋɔ mɛɛ kpɔ n bandia kohonaa ba ta ba nɛ pua hɛŋle ɡbo harɛ ta bela, dɛ́ tɛr ba deŋne.

Matiu 21:35

Anee nɛra la lawɛ bonɔɔna la, dɛ lɔɔ bɛl, dɛ kpo bɛl, asɛ dɛ foɡre bɛl ɡe bwea.

We-ɛɛla 7:52

Korowii keamere la bini ume nɛɛ he naawa aa wola cheɡɛ dɛ ɛo saɡasaɡa nɔ? Ba ta nɛra Korowii aa toma ŋɔ bá ba bol o Bonɔɔ la bala waa la kpooraa? Waa bala la, he ɡe ta on yoɡe dɛ kpoo wa aa?

Mmarare 32:14

Ba dɔ nae ne boohna elnee kohona, ba peera ne boohna ne nae do wer, dɛ dɔ Basan harɛ pebala aa wera tɛɛ ba la ane. Ba dɔ mendɛɛɡa ne sen baa dɛ nyin dɛɛ nyɔ.

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.

Sitɔɔla 10:6

Israel tena ɛ wechɔɡa dɛ jo Korowii nɛɛ ja. Dɛ voɡa Baalre aa ɛ baala ne voɡhaahna Astɔrɛt, ne voɡa aa lɔ Aram ne Sidon, ne Moab ne Amɔn harɛre, dɛ voɡa Filisti tena aa dɛ tomɛ laanee baa tomɛ. Baa laa sie kpɔ Korowii nɛɛ dɛ vɛh o toma la,