Nehemia 9:2 - mzwDBL

² Ba bini banɔ la baa ɛ Israel tena naanar la, pere ba te le banɔ la baa ɛ nɛŋhɔɔhra naanar la bini, dɛ ka che dɛ bol ba wechɔɡa, ne ba naawa nyubinikpeɡ waa baɡle Korowii.

Nehemia 9:2 Iomraidhean Croise

1 Koranar 8:47

hale ba lɔ ba dɔma la harɛ ta, dɛ charɛ ba liire dɛ sɛh ba wechɔɡa dɛ ŋɔ, ‘Ya ɛ wechɔɡa, dɛ ɛ waa aa wola were.’

Ɛsra 10:11

Taraken, hé bol he wechɔɡa baɡle Korowii he naawa aa tomɔ, dɛ́ɛ ɛ o bambile bini wa. Hé laa he te kpɔ harɛfala aa bar heyaa cheme nɔ nɛra, ne haahna baa wola he harɛ ta tena ɛɛ he mo ba la nɛ.”

Ɛsra 6:21

Anomanta, Israel tena baa le bojaŋ harɛ ta dɛ ba la, ne nɛra baa pere ba te le waa nɛra baa wola Korowii tomɛ aa dɛ ɛa nɛɛ, dɛ so harɛ la ta bwa pɛo, dɛ ba tomɛ Korowii Israel tena aa dɛ tomɔ, dɛ di Galekaa Tɔpejen kondikwaa la.

Ɛsra 9:1

Baa ɛ anɔ bwa tonɛ la, nomonome la ba men sɔfo Ɛsra be ŋɔ, “Israel tena ne sɔfore, dɛ Lewi dea tena la ta ba te pere le Keenan ne Hiti ne Pɛrɛs, ne Jebus ne Amɔn ne Moab ne Ijipt, dɛ Amɔre tena we-ɛɛla Korowii aa kia aa wola were la ta.

Ɛsra 9:15

N Naa Korowii Israel tena aa dɛ tomɛ, he waa toɡrɔ kohona! He ɡelɔ ya bini bane ta so le. Ya di bolchɔɡe dɛ kpɔ ya wechɔɡa dɛɛ bil he sie, anomanta, ya bini bɛlbwa toole dɛ́ won ba che he sie.”

Ɛsra 9:2

Israel baala la kpɔ harɛre aa bar ba cheme la haahna mo, a che a ta ba ne Korowii nɛra ba wa aa do ɡoroŋ la, ne ba we-ɛɛla aa wola were la koo dɔŋa. Nomonome ne sitɔɔla laanee tɔ ba sie ba ɛ ɡɛ waa nɔ.”

Nehemia 1:6

Cheɡ deŋne dɛ́ no men maa ɛ he bonɔɔ wesoŋa maa kpɔa dɛɛ bil he sie chɔɔ ne jwaana, he bonɔɔna baa ɛ Israel tena nɔ wa. N dɛ bol n wechɔɡa ne ya Israel tena bwa kwa, dɛ anɔ la n naawa aa ɛa dɛ jo he nɛɛ bwa.

Nehemia 10:28

Nɛra la kabora baa kaa, sɔfore ne Lewi dea tena ne nɛra baa dɛ daah Korowii Dea doonyoa, ne yelɡoola ne bonɔɔna baa dɛ ɛ toma Korowii Dea, dɛ nɛra baa koh Korowii Mmara la ta teŋa waa dɛ pere ba te le harɛre nɛra baa soɡa bar ba nɛ, ne ba haahna ne bibaala ne bihaahna baa dɛ no waa mun.

Nehemia 10:29

Ba bwa kpɔ ba te ja ba sitɔɔla nɛɛ dɛ ŋwɛɛ ntam kɛŋɔ, baa teŋɛ Korowii Mmara waa cheɡɛ o bonɔɔ Mosis nɛɛ dɛ kpɔ tɛ la taa, dɛ́ nyiŋi kɛrɛdɛ dɛɛ teŋɛ o waa waa do ba a ta ne o webaɡla bwa ta. Ba ŋɔ, dɛ ba ta a ta teŋaa, Kórowii taah ba.

Nehemia 13:3

Israel tena la aa no ɡɛ Mmara nɔ la, ba le nɛŋhɔɔhra baa koo ba bini la bwa ne harɛ la ta.

Nehemia 13:30

Anomanta, n sɔ sɔfore ne Lewi dea tena la doŋa bɛlbwa ta Korowii be pera le wobɛlbwa aa ɛ wehɔɔhra ta, asɛ dɛ kpɔ bɛlbwa toma do o nɔn ta, asɛ bɛlbwa jemɛ waa waa dɛɛ ɛ.

Yela 144:11

Lɛɛ mɛ le nɛŋhɔɔhra baa dɛ yoo mɛ nɔn ta, nyosone ɡboo su ba nyoo, hale ba ŋwɛɛ dɛɛ ja ba nyosone ta.

Yela 144:7

Le nyundua tɛr nɔn, dɛ́ lɛɛ mɛ le suna maa dɛ di nɔ ta. Lɛɛ mɛ nɛŋhɔɔhra baa dɛ yoo mɛ nɔn ta.

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Aesaya 2:6

N Naa Korowii, he vɛh he nɛra Jekɔb naanar. Ba lɔ wee leebɔr tena wepuu ta, dɛ berɛ voɡra kɛŋɔ Filisti tena, dɛ jo nɛra baa wola hen tomɛ we-ɛɛla ta.

Jeremia 14:20

Ya na ya wechɔɡa ne ya naawa bolchɔɡe baa dia, ya bwa ɛ wechɔɡa dɛ jo he nɛɛ kohona.

Jeremia 3:13

He ɡbabir lɛ he wechɔɡa do, he ɛ men Korowii haa dɛ tom mɛ la deŋnekpeɡ, he kpɔ he te tɛ voɡare dajena lɔɡre bwa, he ta n waa ta teŋɛ.’ Men Korowiirii bola.

Daneɛl 9:20

N ta teŋɔ dɛɛ soŋe, dɛɛ bol n ne n nɛra Israel tena wechɔɡa wa, dɛ kpɔ bil Korowii maa dɛ tomɔ sie ŋɔ, ó berɛ kwaa o Dea waa do ɡoroŋ la cheɡ.

Hosia 5:7

Ba waa ta kasinteŋ dɔe tɛ mɛ, ba le n habɔɔ, sɛmbii ɡboo baa loɡle. Ba Korobifala Tɔpejena dii, ɛɛ chɔɡ ba ne ba kooni bwaa.