Nehemia 9:15 - mzwDBL

¹⁵ Lɔr aa dɛ kpo ba la, he tɛɛ ba kondikwaa le nyundua, nyɔɡre aa dɛ kpo ba la, he ɡelɔ nee le bwe ta tɛɛ ba ba nyɔ. He ŋɔ bá ka kpɔ harɛ haa baɡ ba nyoa ŋɔ hɛɛ kpɔɔ tɛɛ ba la.

Nehemia 9:15 Iomraidhean Croise

Mumpar 14:22

Anee Abram chaŋo ŋɔ, “N ŋwɛɛ ntam, Nemenɛ Korowii waa ta nyundua ne harɛ la sie kɛŋɔ,

Nehemia 9:20

He kpɔ he Doma waa wera tɛɛ ba wɛɛ baɡ ba wa, dɛ tɛɛ ba maana ba di, dɛ tɛɛ ba nee ɡe ba nyɔ.

Yela 114:8

Onee ɡela nee bule le bwe ta dɛ berɛ tam, dɛ ɡel nee le bwekpeɡ ta, dɛɛ palɛ kɛŋɔ nenapale.

Kaala 16:4

Ate, Korowii ŋɔ Mosis be ŋɔ, “Mɛɛ ɡeloo kondikwa le nyundua lee kɛŋɔ bwaala tɛ heya. Gel nɛra la le tɔpere bɛlbwa dɛ́ ka tɔɔ tɔpebeŋkpoŋ kwaa aa tel ba. Anee ń kpɔ daah ba na kɛŋɔ baa dɛɛ teŋɛ n webaɡla taa kɛɛ baa teŋɔɔ?

Kaala 17:3

Nyɔɡre kohona nomanta, ba teŋɔ naɡre Mosis waa bela. Ba ŋɔ, “Ɛrɛɛ he lawɛ yaa le Ijipt harɛ ta, dɛ ɡel nyɔɡre baa kpo ya ne ya bii ne kondɛɛra ya bwa serewe nɔɔ?”

Kaala 17:6

Mɛɛ ka che bwe bɛl jwɛɛh Sinai Bwejen ta belaa dɛɛ kpa heya. Dɛ he tel belaa, kpɔ daŋɡbala la lɔ bwe la, nee ɛɛ le o taa ba, ásɛ nɛra la dɔ nyɔ.” Asɛ Mosis ɡe ɛ ɡɛ waa nɔ bwa Israel nomonome la siwi ta.

Kaala 6:8

N baɡɛ Abraham ne Aesek dɛ Jekɔb nyoa kpeɡri nɛ harɛ maa ŋɔa mɛɛ kpɔɔ tɛɛ ba la wa. Mɛɛ kpɔɔ tɛ heya ó ɛ he kon pi. Men Korowii bola.’ ”

Aesaya 48:21

Waa kpɔ ba kpɔ pua hɛŋle ɡbo harɛ ta la, nyɔɡre ta ban kpoe. O ɡelɔ nee bule le bwe ta tɛɛ ba. O pere bwe nee palɛ le o ta.

Jeremia 32:23

Kɛ baa bala dɛ ba so o ta la, ba vɛh he Mmarare la, ba ta waa haa do ba a ta kɛɛ waa haa baɡ ba la ta teŋɛ. A waa he kpɔ wenaale nɔ bwa ba ta ba nɛɛ la.

Ɛsekeɛl 20:15

N berɔ ir nɔn pua hɛŋle ɡbo harɛ ta bela, dɛ ŋwɛɛ baɡ ba kɛŋɔ, maa ban kpɔ ba harɛ maa kpɔa tɛɛ ba la ta, harɛpare ondɛɛɡe dɛ ɡwaa harɛ bɛlbwa,

Nɛra Kura 14:30

He bini bɛlbwa aa harɛ maa ŋwɛɛra sibeɡra ne ŋɔ mɛɛ kpɔɔ tɛ heyaa he so la taa tel, atane Jefune bibaa Kaleb ne Nun bibaa Josua ɡbo.

Mmarare 1:21

Hé na, Korowii kpɔ harɛ la do he nɔn ta. Hé teeh ka kpɔ, ɡɛ Korowii he naawa aa tomɔ aa ŋɔ he be la. He bɛ ɔmɛ, he bɛ ɡel he bambile chɔɡ.’

Mmarare 1:8

Harɛ nɔ waa chɔ he sie nɔ, hé kaa dɛ́ ka kpɔ. Harɛ nɔɔ n baɡɛ nyoa ŋɔ mɛɛ kpɔɔ tɛ he naawa, Abraham ne Aesek ne Jekɔb dɛ ba naanar baa ka ba la.’ ”

Mmarare 8:3

O ɡelɔ lɔr kpo heyaa he pwɛr he te, asɛ o tɛ heyaa kondikwaa ane baa dɛ yera maana la he di, kondikwaa he ne he naawa aa wola an jemɛ bwa. O ɛ ɡɛ dɛ ɡel he jemɛ kɛŋɔ kondikwaa ɡbo laa dɛɛ tɛ nɛn mkpa. Waa Korowii aa dɛ bol la bwa ɡe dɛ tɛ nɛn mkpa.