Nehemia 9:13 - mzwDBL

¹³ He le nyundua ba Sinai Bwejen ta, dɛ ba bol waa baɡle he nɛra, dɛ kpɔ waa aa wera ne webaɡla aa toɡra baɡ ba.

Nehemia 9:13 Iomraidhean Croise

2 Koranar 17:37

Hé nyiŋi kɛrɛdɛ dɛɛ teŋɛ mmarare, ne webaɡla ne waa maa do heyaa a ta, dɛ chwerɛ tɛ heyaa la ta. He bɛ voɡ bɛlbwa tomɛ.

Ɛsra 7:6

A ɡɛ Ɛsra nɔ ɛ sɔfo dɛ le Babelɔn ba. Dɛ o ɛ chicha ɡe, dɛ jemɛ mmarare Korowii Israel tena aa dɛ tomɔ aa kpɔa tɛ Mosis la kɛrɛdɛ, dɛɛ baɡla. Komɛlbwa waa bɔɔ le koojen be la, o dɛ tɛo, dɛkalkɛ Korowii waa dɛ tomɔ la nɔn dawɛ o nɛ.

Yela 119:137

N Naa Korowii, he waa toɡrɔ, he Mmarare ɡe do wer.

Yela 119:160

He waa bwa ɛ kasinteŋ, he Mmarare la toɡre, dɛ do le saŋ bɛlbwa.

Yela 119:4

N Naa Korowii, he kpɔ he Mmarare tɛ yaa, dɛ ŋɔ yá kpɔ kasinteŋ dɛɛ teŋɛ a ta.

Kaala 16:23

O ŋɔ ba be ŋɔ, “Waa Korowii aa dɛ do heya a ta laanee nɔ, kere ɛ Ona Tɔpere, o ɛ tɔpere waa do ɡoroŋ dɛ tɛ Korowii. Anomanta, hé wɔɔ paanoo haa dɛ nyin wɔɔra, dɛ́ daa anɔ la haa dɛ nyin daala fini. Anɔ la haa di a ka la, he kwaa cheɡ tɔɔ per a ta.”

Kaala 19:11

dɛɛ kpa tɔpetooro wee la ta, dɛkalkɛ awolaa men Korowii ɡbaɡba ɛɛ ba Sinai Bwejen ta bala nɛra bwa siwi ta.

Kaala 20:1

Korowii bol waa aa teŋa nɔ bwa ɡe dɛ ŋɔ,

Kaala 20:22

Belaa Korowii ŋɔ Mosis be ŋɔ, ó bol ɡɛ waa nɔ baɡle Israel tena ŋɔ, “He ɡbabir nao kɛŋɔ men Korowii aa le nyundua dɛ bol waa he be.

Aesaya 64:1

N Naa Korowii, ɛrɛɛ haa wola nyundua pere dɛ́ ba harɛ nɔ? Bwejena fe ɛɛ nae dɛ́ ɔmɛ, dɛ́ yiiɡi.

Aesaya 64:3

He fa ɛ ɔmewaa kohona ya fa aa wola a waa liire, bwejena jiɡri he siwi ta.

Habakuk 3:3

N Naa Korowii, he le Teman harɛ ta ba. He ɛ Korowii Haa Do Goroŋ dɛ le Paran Bwejen ta. He jirima tɔ nyundua, asɛ nɛra bwa ɛɛ kpɛɛre harɛ nɔ ta.

Tɔn Pɔɔl Aa Chwerɛ Rom Tena 7:16

Maa wola waa maa dɛ ɛ nyin dɛ ɡee ɛa la nɔ, a baɡlɔ kɛŋɔ n sɛoh kɛŋɔ Mmara la wer.

Mmarare 33:2

O ŋɔ, “Korowii le Sinai Bwejen ta ba ya be, o ɛɡɔ le Edom kɛŋɔ wee ken, dɛ́ chaah o nɛra nɛɛ Paran bwe ta. Nyundua toroma kaɡboŋa fi ja o nɛ, ninlao do o diɡ bɔr.

Mmarare 4:33

Nɛra bane ɡe no Korowii taa nii ta ɡɛ haa noa nɔ dɛ ta so le naa?

Mmarare 4:36

O ɡelɔ he no o taa dɛ le nyundua, dɛ chaɡle heyaa anɔ la aa chɛ kɛŋɔ hé ɛ. Dɛ ɡel he na o nii waa dɛ lawɛ kohona harɛ nɔ ta, asɛ dɛ ɡel he no o taa le nii la ta.

Mmarare 4:8

Harɛ bɛlbwa ɡe toole, hale o ne o sɔn dɔe bwa, dɛ dɔ mmarare aa toɡra kɛŋɔ anɔ nɔ maa dɛ dalwe a ta nɔ bwa.

Mmarare 5:4

Sinai Bwejen la doaa Korowii che nii ta bol waa he be he siwi ta.